ချက်စ်လော မီလော့ရ်ှပြောတဲ့ `အမှန်တရားလိုက်စားခြင်း´ခေါင်းစဉ်ဖြင့်

ပြဿနာကဘ၀ကို ကဗျာလို့ထင်တာဖြစ်ကောင်းဖြစ်မယ်။
ကဗျာဟာ ပြဿနာပဲလေ။ ဘ၀ကတော့ အရှင်းကြီး ၊ ဖေါက်ထွင်းမြင်။
ဖေါက်ထွင်းမမြင်တာကိုကပြဿနာရဲ့ အစိပ်အပိုင်း။
နားကောင်းသူဟာ စကားတောင်းပေမယ့် စကားထဲမှာနားစရာ
ပါမလာခဲ့ဘူး။ တောက်လျှောက်ပဲ။ ဘယ်မှာမှ ကွန်းခိုရာ ဘာသံမှ။
`ခေတ်ကြီးဟာ ဟိုတုန်းကနဲ့မတူတော့ဘူး´တဲ့။ `အဲဒါဘာနဲ့
တူသလဲ´ မေးတော့`ပြဿနာမရှာပါနဲ့´တဲ့။ အဲဒါပြဿနာ။
ဘာသာစကားကကော လူတန်းစားတိုက်ပွဲနဲ့ မဆိုင်ခဲ့လို့လား။
အခုလက်ငင်းဖြစ်နေတာတွေကို နောက်ကျိအောင်မမွှေပါနဲ့။
ဖေါက်ထွင်းမြင်နေရတာ ပြဿနာကိုယ်တိုင်ပဲ။ အဲဒါကို
ဘယ်လိုကဗျာလုပ် ၊ ဘယ်လိုလုပ်ကဗျာ . . . ။
ကဗျာသမားတော်တော်များများဟာ ဘ၀နဲ့ မရုန်းကန်ပဲ ကဗျာ
ရေးချင်နေကြတာ ၊ ရေးနေကြတာ ၊ ပြဿနာ။ ဘ၀ကစ
မိမိကိုဘာကဘာနဲ့ ဘယ်လိုတည်ဆောက်ထားသလဲ ၊ ဘာဘယ်။
အဲဒါသိစရာမလိုဘူး။ မိမိဘယ်သူဘယ်ဝါ ဘာတွေ့ကြုံခံစားပဲ။
ပြဿနာ။ မိမိကိုမိမိပဲ `ဖေါက်ထွင်းမြင်´ အစစ်အမှန် ၊ သစ္စာ။
စနစ်ဟာ အမြစ်ထဲထိနစ်ဝင်နေပြီ။ မြစ်ဟာနစ်နေပြီ။
နိုင်ငံရေးဘေးအန္တရာယ်ကြီးကျရောက်ခဲ့တဲ့ သဘာဝ။
အဲဒါဘ၀လား။ အရှင်းကြီး။ ဖေါက်ထွင်းမြင်။ ဘာဘယ်။
အနှစ် ၃၀ ၊ အနှစ် ၆၀ ၊ ဒို့ပေါင်တဲ့မြေ။ ဘယ်လိုလုပ်ကဗျာ . . .။
အင်အားကြီး အာဏာကြီး ပုရိသတစ်ယောက်ကို ဗဟိုပြု၍
တောက်လျှောက်ပဲ ၊ နှစ် ၃၀ ၊ ၄၀ ၊ ၅၀။
ဖြစ်နိုင်ချေတွေကို ပျက်နိုင်ချေတွေက ဖျက်သွားတယ်။
ကဗျာဟာ ပုံသဏ္ဍာန်အမျိုးမျိုးဆောင်လာတယ်။
ပုံသဏ္ဍာန်ဟာ ဘ၀အမျိုးမျိုးဆောင်လာတယ်။
ဘ၀ဟာ ကဗျာအမျိုးမျိုးဆောင်လာတယ်။
စာသားအပိုင်းအစတွေ ၊ အရေးအသားရသတွေနဲ့
ဘ၀ကို ရက်ထည်လုပ်။ အမှန်တရားဖေါ်ထုတ်။ ထင်ဟပ်။
သံခမောက်စောင်းထားရတဲ့ သိုးတွေရဲ့ သားရေ သစ္စာတရား။
ပြုလုပ်ထားတာတွေပဲလေ ၊ ယုံစရာမှမရှိတာ။
ပြုလုပ်ထားတာတွေပဲလေ ၊ ယုံစရာဆိုတာ။
ဘ၀ဆိုတာ ၊ ကဗျာဆိုတာ ၊ ခေတ်ကြီးဆိုတာ။
အဆိုပြိုင်ပွဲမှာ ဘယ်သူ အသံအကောင်းဆုံးလဲ
အရှင်းကြီး ၊ ဖေါက်ထွင်းမြင် ၊ မြစ်ဟာရုန်းနေပြီ ။ ။

ဇေယျာလင်း
15 – May – 12

ရာဇ၀င်

အဖေက ဒေါသကြီးတယ်။ ရိုက်မယ်တကဲကဲ။ ထစ်ကနဲဆို မိုးကြိုးသွား။

ညီလေးဆိုကြောက်လွန်းလို့ တစ်ခါက သစ်ပင်ပေါ်တက်ပြေးတာ

ခုထိပြန်ဆင်းမလာတော့ဘူး။ အဲဒီအပင်ကို အဖေခုတ်လှဲပစ်လိုက်တယ်။

အမေ့တစ်ကိုယ်လုံးဟာ ဒုက္ခသည်စခန်းပဲ။

အဲဒီမှာ မောင်နှမတွေ ကြီးပြင်းလာခဲ့တာဆန်းကြယ်။

အမေဆုံးတာ အမေ့ရုပ်ကလပ်ကို အဖေက ဆောင့်ဆောင့်ခါတယ်။

ပြီး . . . အဖေဘယ်လဲမသိဘူးထွက်သွားတယ်။ ဘာသတင်းမှမကြားရ။

အခု မောင်နှမတွေ မိသားစုကိုယ်စီနဲ့။

ဘယ်သူ့ကလေးထဲအဖေပြန်လာမလဲ။ မျက်ရိပ်မျက်ခြည်တစ်ကြည့်ကြည့်။

                                                            ဇေယျာလင်း

                                                            14 – May – 12

ဘေဂျင်းကရူပအလင်္ကာတစ်ခု

၁။

ဘေဂျင်းပေါ်ကအောက်တိုဘာနံနက်ခင်းမိုးကောင်းကင်ဟာ

ဒဏ်ရာတစ်ခုရဲ့ အရောင် ၊ ညိုဝါရောင်ရဲတွတ်

မိတ်ဆွေတွေကပြောပါတယ် ၊ အဲဒါ ဂိုဘီသဲကန္တာရက

သဲမုန်တိုင်းတဲ့ ၊ အဲဒါအပြင်မြို့တော်ကို မီးအားပေးတဲ့

ကျောက်မီးသွေးစက်ရုံတွေက မီးခိုးတွေတဲ့ ၊ ပြီး

ကားအိပ်ဇော့ကမီးခိုးတွေ။ မြင်နိုင်စွမ်းဟာ အနည်းဆုံး။

လမ်းပေါ်သွားနေတဲ့ ကားတွေမြင်ရတယ် ၊ တစ်ဘက်ပလက်ဖေါင်း

ပေါ်သွားနေကြတဲ့လူတွေကိုတော့ရေးရေးပဲ။

သူတို့ကြည့်ရတာ `တန်´ခေတ်မနက်ခင်းမြူထုထဲက လူသားတွေ။

နောက်မနက်မှာ ကောင်းကင်ဟာ ပြာလွင်နေတာပဲ။

အထပ်မြင့်အခန်းကဆိုတော့ လတ်ဆတ်တဲ့ လေပြာနဲ့

မြင့်မားတဲ့ မိုးတိမ်တွေကို မြင်ရတယ်။ ဟိုးအောက်မှာ

ရပ်ကွက်တွေ ရပ်ကွက်တွေ ပရပွ ၊ သူတို့ပေါ်မိုးနေတာ

တစ်တောအုပ်စာရှိတဲ့ ၀န်ချီ ခရိန်းတွေ

ဘေဂျင်းဟာ သူ့ကိုယ်သူအသွင်ပြောင်းနေပြီလေ။

၂။

တစ်ညက ကဗျာရွတ်ပွဲတစ်ပွဲတက်ရောက်တယ် ၊ တရုတ်နဲ့

အင်္ဂလိပ်နှစ်ဘာသာ။ ရုပ်ရှင်ကားသစ်ရုံတင်ပွဲ ၊ `၂၄ မြို့တော်´၊

ဒါရိုက်တာ ဂျီဘာဂျန်းကာ နဲ့ပူးတွဲဇာတ်ညွှန်းရေးသားသူ

ကဗျာဆရာမ ချိုင်ယောင်မင်း(ဂ်)။ ဆီချွန်ပြည်နယ် ၊ ချင်ဒူးမြို့တော်မှာ

စက်ရုံတစ်ရုံပိတ်လိုက်ခြင်း။ ဗဟိုချုပ်ကိုင်စီမံခန့်ခွဲမှု စီးပွားရေးစနစ်ရဲ့

လက်ကျန်ဒိုင်နိုဆော။ `ဖခင်ဦးစီး´ ကုမ္ပဏီမြို့မှာ

ထောင်ပေါင်းများစွာ အလုပ်သမားတွေ အလုပ်လုပ်ခဲ့ကြ ၊ ရှင်သန်ခဲ့ကြ

လေယာဉ်အင်ဂျင်တွေ ၊ ရေခဲသေတ္တာတွေထုတ်လုပ်ခဲ့ကြ။

ရုတ်တရက်အလုပ်လက်မဲ့သွားတဲံ ယောက်ျားမိန်းမတွေ အင်တာဗျူး

တိုင်းပြည်ရဲ့ သူတို့ရဲ့နှစ် ၅၀သမိုင်း

လူသူမရှိတော့တဲ့အဆောက်အဦတွေရဲ့ ပကတိတိတ်ဆိတ်မှု

အသက်တွေဘ၀တွေဘယ်လိုပုံသဏ္ဍာန်ယူခဲ့ကြရ

ပေးထားတဲ့ ကမ္ဘာထဲမှာပဲ ဘယ်လိုလူလိုနေခဲ့ကြရ။

သူ့မြို့တော်အကြောင်းသူကောင်းကောင်းသိတဲ့ ကဗျာဆရာမ

၁၉၅၅ဖျား ၊ ယဉ်ကျေးမှုတော်လှန်ရေးကာလမှာ

ကျေးလက်မှာ ပညာသင်ယူရေးနှင်ပို့ခံနှစ်နှစ်။

၁၉၈၄မှာ ပထမဆုံးကဗျာစာအုပ်ထုတ်ဝေတယ်

အမျိုးသမီးတွေရဲ့ ဘ၀တွေအကြောင်း။

ကွန်မြူနစ်ပါတီရဲ့ တရားဝင်ရသလိုင်းကို ချိုးဖေါက်ခဲ့။

သူမအပါအ၀င်အခြားကဗျာဆရာတွေဟာ

ဝေဖန်ရေးဆရာတွေ အမည်တပ်လိုက်တဲ့ `မျိုးဆက်သစ်´။

၃။

သူတို့ဟာ ဘာသာစကားနဲ့ စမ်းသပ်မှုသစ်တွေ လုပ်နေကြတယ်။

သူတို့ဘ၀တွေသူတို့ပြန်ပြောကြတယ်

နေထိုင်ကြုံတွေ့ခဲ့ရတဲ့ ဖြစ်ရပ်တွေကို သက်သေခံကြတယ်။

ရှင်သန်ခြင်း ၊ ခံစားခြင်း ၊ စဉ်းစားတွေးခေါ်ခြင်း အတွေ့အကြုံတွေကို

လန်းဆန်းလတ်ဆတ်တဲ့ နည်းတွေနဲ့ ပြောဖို့သူတို့ရှာဖွေကြတယ်။

ကဗျာလို့ခေါ်ချင်ခေါ် ၊ မခေါ်ချင်နေ

ကဗျာပြုလုပ်ဖို့ ကျိုးစာြးိခင်းရဲ့ စွမ်းပကားဟာ ကြီးမားတယ်။

၎။

`ဟိုဘက်အိမ်အလွန်က ဧရာမအများသုံးအိမ်သာကြီး

မနက်နိုးနိုးချင်းတွေ့ရတာက

တန်းစီနေကြတဲ့ လူတန်းရှည်ကြီး

နေ၀င်တာနဲ့

စီးကရက်တွေငါတို့ဗူးလိုက်ဖွင့်ကြ

ငါတို့ပါးစပ်တွေဟကြ

မီးတွေဖွင့်လိုက်ကြတယ်။´

                                    ယုဂျန်(၁၉၅၄ ဖွား)

၅။

`အဲဒီတုန်းက ပူလိုက်တာမှ မနေနိုင်အောင်ပဲ

အနီရောင် ထရပ်(က်) ကားတွေပေါ်မှာ

လူကြီးတွေရဲ့ လောင်ကျွမ်းနေတဲ့ လျာတွေအပြည့်

ရှေ့သို့    ရှေ့သို့ဆက်         ဆက်၍ရှေ့သို့

ဇွဲလုံ့လရဲ့ အလယ်ဗဟိုထဲအထိ

သက်ဆင်းပျောက်ကွယ်သွားတော့တယ်

ထွက်ပြေးလွတ်မြောက်သွားကြတဲ့ ကျောင်းသားလေးတွေ

ဆွဲစိပ်လို့ နာကျင်အော်ဟစ်နေတဲ့ စာကလေးတွေ

မွေးရပ်မြေဆီ တစ်လိမ့်လိမ့်လိမ့်လိမ့်။

အား . . . . ခေတ်တစ်ခေတ်ရဲ့ နွေရာသီ

ကျောင်းတွေပိတ်ပြီ

ပြဇာတ်ရုံတွေပိတ်ပြီ

ဥယျာဉ်တွေမှာ ပေါင်းပင်တွေ

ဘတ်စ်ကက်ဘောတိုင်တွေပေါ်မှာ ချိတ်ထားတဲ့

အော်လန်တွေ

အသံမိုင်ကုန်ဖွင့်ထားတဲ့

မန်ဒရင်းဘာသာစကားနဲ့ တော်လှန်ရေး။´

                                                ယုဂျန် (၁၉၅၄ ဖွား)

၆။

ကျွန်တော့်အဖွား

`ကျွန်တော့်အဖွားချောင်းဆိုးလိုက်တယ်

ကြက်ဖတစ်ထောင်နိုးလာကြတယ်

ကြက်ဖတစ်ထောင်တွန်လိုက်ကြတယ်

လူတစ်သောင်းနိုးထလာကြတယ်

လူတစ်သောင်းရွာထဲက ထွက်သွားကြတယ်

ကြက်ဖတစ်ထောင်ဆက်တွန်ကြတယ်

တစ်ချိန်မှာ ကြက်ဖတွန်သံတွေရပ်သွားတယ်

ကျွန်တော့်အဖွားဟာ ချောင်းဆိုးတုန်းပဲ

ကျွန်တော့်အဖွားဟာ ချောင်းဆိုးရင်းနဲ့

သူ့အဖျားအကြောင်းပြောပြတယ်

အဖွားရဲ့ အသံဟာ တိုးတိုးလာတယ်

အဖွားဟာ ဆက်တိုက်ပြောတယ်

ပြီး ၊ ရပ်သွားတယ် ၊ မျက်လုံးမှိတ်လိုက်တယ်

အဲဒီအချိန်မှာ အဖွားရဲ့ အဖွားဟာ

တကယ်ကွယ်လွန်သွားတဲ့အတိုင်းပါပဲ။´

                                                ဇီချွမ် (၁၉၆၄ ဖွား)

၇။

၁၉၉၀ ခုနှစ်တွေမှာ ယုဂျန်နဲ့ဇီချွမ်စကားများကြတယ်

တရုတ်ကဗျာရဲ့ အနာဂတ်လမ်းကြောင်းကိစ္စ

`ဒေသသုံးနဲ့ အရပ်သုံးဘာသာစကားနဲ့ပဲ ကဗျာရေးဖို့

နေ့စဉ်ဘ၀ ကိစ္စချင်းရာတွေကို တိုက်ရိုက်ရေးဖို့

ကဗျာမဆန်ဖို့´ –– ယုဂျန်

`မန်ဒရင်းဘာသာစကားရဲ့ အရပ်သုံးစကားသုံးဖို့

လူသားယဉ်ကျေးမှုတစ်ခုလုံးဆီက လိုအပ်သမျှ

အကြောင်းအရာတွေကို လွတ်လပ်စွာယူသုံးမယ်´

                                    –– ဇီချွမ်

၈။

ထရန်စ်ထရိုမယ်ပဲဖြစ်မယ်ထင်တယ် ဒီစကားကိုပြောခဲ့တာ

“ကဗျာဟာ ဘာနဲ့တူလဲဆိုတော့

စာသင်ခန်းထဲမှာ ကျောင်းသားတွေ ဆရာအလစ်မှာ

တစ်ယောက်နဲ့တစ်ယောက်စာတိုလေးတွေ ပို့ကြတယ်

သမိုင်းဆိုတဲ့ ဆရာကြီးဟာ စင်ပေါ်မှာ

ငြီးငွေ့ဖွယ် ၊ ပျင်းစရာကောင်းတဲ့အသံနဲ့

ဟောပြောပို့ချနေစဉ်ပေါ့´´။

၉။

`မြူနှင်းဂိုဏ်း´ ဟာ တရားဝင်ခွင့်ပြုချက်ရ ကဗျာ ယဉ်ကျေးမှုနဲ့

လမ်းခွဲခဲ့ကြတယ်။ `ပြည်သူ´ ဆိုတဲ့ နေရာမှာ စိတ်တွင်းဝင်ရောက်ခြင်းနဲ့

ပုဂ္ဂလိက အဇျတ္တဘ၀တို့နဲ့ အစားထိုးလိုက်ကြတယ်။

ပဋ္ဌိနိုင်ငံရေး နိုင်ငံရေးကို ကျင့်သုံးခဲ့ကြတယ်။ ဒီဇင်ဘာ ၊ ၁၉၇၈။

တိနဲ့ ရှောင်ပိန်ရဲ့ စီးပွားရေးပြုပြင်ပြောင်းလဲမှုများအစ ၊ ပေတောက်တို့

ပထမဦးဆုံးတရားမ၀င်စာပေဂျာနယ်ထုတ်ဝေခဲ့ကြတယ်

/Today/။ ဇွန် ၄ ၊ ၁၉၈၉။ တီယင်အန်မင်းရင်ပြင်

ပြည်သူများ ၊ ကျောင်းသားများ ၊ အစုလိုက်အပြုံလိုက်သတ်ဖြတ်မှု။

ပေတောက်ဟာ ပြည်ပထွက်ခွာသွားခဲ့တယ်။

မျိုးဆက်သစ်ကဗျာဆရာတွေဟာ ၁၉၅၁ နဲ့ ၁၉၇၁ ကြား

မွေးဖွားလာကြသူတွေဖြစ်တယ်။

မြူနှင်းဂိုဏ်းရဲ့ လွတ်လပ်မှုမျိုးသူတို့လိုချင်တယ်။

သမိုင်းနဲ့ နိုင်ငံရေး အိုင်ဒီယိုလိုဂျီ ကြိုးကွင်း ၂ ခုက

သူတို့လွတ်နိုင်သမျှလွတ်အောင်ရှောင်ကြတယ်။

သူတို့နေထိုင်ကြတဲ့ လူမှုဘ၀ပကတိအရှိတရား

သူတို့စကားနဲ့ သူတို့မှတ်တမ်းတင်ဖေါ်ပြနိုင်ဖို့

ကြိုးစားနေတာဖြစ်တယ်။

ကဗျာဖြစ်နိုင်ချေတွေဟာ သူတို့မျိုးဆက်မှာ

ဘယ်သူဆွတ်ခူးမလဲ ၊ လွတ်ကွတ်လပ်လပ်ပဲ။

၁၀။

ဂိုဘီသဲကန္တာရက သဲမုန်တိုင်း ၊

မြို့တော်ဓါတ်အားပေးမီးသွေးစက်ရုံတွေက မီးခိုးတွေ ၊

ကားတွေက ထုတ်လွှတ်တဲ့ မီးခိုးတွေ။

ဒီထက်မကတွေ အများကြီးပါပဲ ဘေဂျင်းရဲ့ မိုးကောင်းကင်။

ဒဏ်ရာကြီးတစ်ခုလို ကမ္ဘာပေါ် ရွေ့လာတယ်။

လက်တင်အမေရိက ၊ အာဖရိက ၊ အာရှ

ကဗျာဆရာတွေဆက်ခုခံသွားကြမှာပဲဖြစ်တယ်။

ဘယ်လောက်အထိ ထိရောက်မလဲ။                   ။

- – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – -

(အမေရိကန်ကဗျာဆရာ Robert Hass ရဲ့ ဘေဂျင်းခရီးသွားဆောင်းပါးထဲက အကြောင်းအရာအချို့ကို ပြန်လည်သုံးစွဲခြင်းဖြစ်ပါတယ်။)

                                                                                                                                    ဇေယျာလင်း

                                                                                                                                    12 – May – 12

Life is back to normal

Next slide

In the West it’s a different story

Next slide

Shall we also discuss the issue of the privileged

Next slide

Impossible, I have said it many times

Next slide

Maria Seow, Channel News Asia, Beijing

Next slide

Since I have decided to wear only trousers
Not a single paso has entered my head for ten years
Similarly       a poem or Maung Ba

Next slide

By using traditional technology we continue to
Produce successful shrimp pastes

Next slide

The body parts of the hostages have to be
Matched with their identity cards

Next slide

Shibboleths in lieu of heartbeats
Your call cannot be reached at the moment
What if no one comes when the Great War is staged some day

Next slide

Since thirteen and a half I have made love to ten thousand women
I just wanted to connect with at least one of them

Next slide

Loathing+fear+fear and loathing

Next slide

The laughter I have learned masks those I have suppressed

Next slide

What’s life
It’s a sexually transmittable disease
Let’s share it

Next slide

The lives that have been barely alive and gone

Next slide

Idiocy, air, air, idiocy
No…No…
Life has to be entered from the other door

Next slide

The light that has left saying ‘Just a moment.’

Next slide

‘We all live in a yellow submarine Yellow submarine, yellow submarine’

Next slide

To fly through the invisible fence

Next slide

The issue is as simple as that, I reckon. Those who have existed, spoken and written before me were awe-inspiring and respectable. They were real scholars and genuinely learned men. I assume that you gentlemen are listening to me, standing and speaking in front of you in a similarly courteous way you would to a madman speaking. Thank you so very much for putting up with, forgiving, watching and looking at the shadow of a life that has been trying to come to terms with life in its own way, that has been struggling

Next slide

…

Next slide

…

Next slide

…

Next slide

…

Next slide

…

Next slide

…

Next slide

Zeyar Lynn

translated from the Burmese by ko ko thett.

ခေတ်ပေါ် ၊ ခေတ်ပြိုင်နှင့် ၂၁ ရာစုမြန်မာကဗျာရှုခင်း

(၁)

            ကျွန်တော်တို့မြန်မာကဗျာဟာ ၂၁ ရာစုရဲ့ ပထမဆယ်စုနှစ်အတွင်းရောက်ရှိလာပါပြီ။ မြန်မာနိုင်ငံရဲ့ ၂၁ ရာစုထဲပဲရောက်လာ သလား ၊ ကမ္ဘာကြီးရဲ့ ၂၁ရာစုထဲရောက်လာပြီလားဆိုတာတော့ စောဒကတက်စရာပါပဲ။ ဒီမှာ ခေတ်ပေါ်ကဗျာပေါ်ထွန်းစက အမေရိက မှာ L=A=N=G=U=A=G=E= Poetry ပေါ်နေပါပြီ။ ဒီမှာ Robert Frost ကိုအရေးတယူလုပ်နေတုန်းက အမေရိကမှာ John Ashbery ဟာ ထိပ်တန်းကဗျာဆရာ စာရင်းဝင်နေပါပြီ။ ဒီမှာ ခေတ်စမ်းကဗျာရေးနေတုန်းက ယူကေမှာ တီအက်စ် အဲလိယစ်တ်ဟာ The Wasteland ကဗျာရှည်ကြီးကို ရေးပြီးပါပြီ။ ခေတ်ပြိုင်ကိစ္စကို ပြောတာပါ။ မြန်မာခေတ်ပြိုင်နဲ့ ကမ္ဘာခေတ်ပြိုင်။

(၂)

            ကျွန်တော်တို့လက်ရှိမြန်မာကဗျာလောကမှာ `ခေတ်ပြိုင်´ဆိုတဲ့ အသုံးအနှုံးဟာတဖြေးဖြေးနဲ့ တွက်ကျယ်စပြုလာပါပြီ။ ဒီ ၂၀၀၉ ခုနှစ်မှာပဲ ၊ စိတ်ကူးချိုချိုစာအုပ်တိုက်ထုတ် `ခေတ်ပြိုင်ကဗျာအချို့´နဲ့ `ခေတ်ပြိုင်ကဗျာရှည်အချို့´လို့ ကဗျာစာအုပ်နှစ်အုပ်ကို `ခေတ်ပြိုင်´ ခေါင်းစဉ်တပ်ပြီး သုံးစွဲထားတာတွေ့ရပါတယ်။ ကျွန်တော်ကိုယ်တိုင်လည်း `ခေတ်ပြိုင်ကဗျာရဲ့ ပုံသဏ္ဍာန်´ လို့ဆောင်းပါး ရေးထားတာရှိပါတယ်။ (`ကဗျာဘ၀ရှာတော်ပုံ´ ၊ ၂၀၀၉)။ ရှိရင်းစွဲအစဉ်အလာကဗျာ ၊ ခေတ်ပေါ်ကဗျာတို့နဲ့ ကွာခြားတဲ့ကဗျာအဖြစ် ခေါ်ဝေါ်သတ်မှတ်ခဲ့တာဖြစ်ပါတယ်။ လှိုင်းသစ်မဂ္ဂဇင်းမှာလည်းငြိဏ်းဝေရဲ့ `ခေတ်ပြိုင်မြန်မာကဗျာဗေဒလမ်းကြောင်း´ဆောင်းပါးဆက် ကိုတွေ့ရပါတယ်။ လှိုင်းသစ်မဂ္ဂဇင်းအမှတ် ၃ မှာ မင်းချမ်းမွန်ရဲ့ `ခေတ်ပြိုင်မြန်မာမော်ဒန်ကဗျာလောက´ဆိုတဲ့ အသုံးအနှုံးလည်းတွေ့ ရှိရပါတယ်။ ခက်တာက `ခေတ်ပြိုင်´ အသုံးအနှုံးကိုအရပ်သုံးအဓိပ္ပါယ်နဲ့သုံးတာလား ၊ ကဗျာဗေဒ (၀ါ) ကဗျာပညာရပ်ဆိုင်ရာ အသုံးအ နှုံးအဖြစ်သုံးတာလားဆိုတာ မကွဲပြားခြင်းပါပဲ။

ခေတ်ပေါ်ကဗျာကိုပဲ ကြည့်ကြပါစို့။ အရပ်သုံးစကားနဲ့ဆို`ခေတ်ပေါ်´ဟာ `ကာလပေါ်´၊ သို့မဟုတ် `ခေတ်မှာပေါ်လာသော´ ဆိုတဲ့ နာမ၀ိသေသနအဓိပ္ပါယ်သက်ရောက်ပါတယ်။ ခေတ်ကာလ(Time) ကိုအခြေပြုတဲ့သဘောပါ။ `ခေတ်ပေါ်´ကဗျာလို့(မျက်တောင် အဖွင့်အပိတ်နဲ့)ဆိုလိုက်ရင်တော့ သီးခြားကဗျာအမျိုးအစားတစ်ခုရဲ့ နာမည်အခေါ်အဝေါ်ကိုရရှိပါတယ်။ အစဉ်အလာလေးလုံးစပ်ကဗျာ နဲ့ ကွဲပြားခြားနားတဲ့ ကဗျာအမျိုးအစားမှန်းကဗျာဖတ်သူတို့သိကြပါတယ်။ `ကာလပေါ်´ ဆိုတဲ့ အဓိပ္ပါယ်မျိုးမဟုတ်ပဲ သီးခြားကဗျာဗေဒ နဲ့ ကဗျာရေးဖွဲ့နည်းစနစ်တစ်မျိုးအဖြစ်အတည်ပြုလက်ခံထားကြတဲ့ အမည်ဖြစ်ပါတယ်။ ဒီ`ခေတ်ပေါ်´ကဗျာကိုလည်းရည်ရွယ်ချက်ရှိရှိ နဲ့ တည်ဆောက်ခဲ့ကြတာဖြစ်ပါတယ်။ ၁၉၆၈ သပြေညိုကဗျာဝပ်ရှော့ ၊ ၁၉၆၈/၆၉`ခေတ်ပေါ်ကဗျာကြေငြာစာတမ်း´၊နဲ့ ၁၉၆၈ `ထင်ရူး ပင်ရိပ်´တို့ဟာ `ခေတ်ပြိုင်´ ကဗျာရဲ့သမိုင်းအစတွေပါပဲ။ `မော်ဒန်´ ကဗျာလို့လည်း ရောရောနှောနှောခေါ်ခဲ့ကြပါသေးတယ်။ သစ္စာနီရဲ့ `မော်ဒန်ရှင်းတမ်း . . . . ´ဆောင်းပါးပေါင်းချုပ်ထဲမှာ ဟောသလိုတွေ့ရှိရပါတယ်။

`အဲဒီအချိန်(၇၀)ခုနှစ်တစ်ဝိုက်မှာ မိုးဝေကဗျာတွေနဲ့ အတူခေတ်စားစပြုလာတဲ့ကဗျာဝါဒ တစ်ရပ်ကတော့ မော်ဒန်                           ကဗျာအယူအဆဖြစ်ပါတယ်။ မော်ဒန်ကဗျာက အစ်ဇင်းအသစ် ၊ သီအိုရီအသစ် ၊ နိမိတ်ပုံအသစ် ၊ အတတ်ပညာအသစ်တွေကို တောင်းဆိုလာပါတယ်။ မိုးဝေကဗျာသမားတွေလည်း မော်ဒန်အယူအဆနဲ့ ထိပ်တိုက်တွေ့ကြရပါတယ်။ နောက်ဆုံးတော့ ဒဂုန်တာရာလမ်းညွှန်မှုပေးတာကိုပဲ သူတို့ခံယူခဲ့ကြတယ်။´ (စမန ၁၅၄)။

အဲဒီတုန်းက`တော်လှန်ကဗျာ´ဆိုတာလည်းပေါ်လာခဲ့ပါသေးတယ်။ နတ်နွယ်ကို ကိုးကားရရင် ––

`၁၉၆၉။

သည်တုန်းက ကဗျာအယူအဆများ လှုပ်ခတ်လျှက်ရှိသည်။ ခေတ်ပေါ်ကဗျာနှင့် မြို့ပြခံစားမှု။ ကျေးလက်အာရုံနှင့်  မော်ဒန်ပေါ်ယဲ့ထရီ။ ကာရန်နှင့်အသံစီးဆင်းမှု ၊ ရစ်သမ်နဲ့ နရီစည်းချက်များ ၊ ကဗျာလက်နက်ထက်မြက်ရေး ၊ကဗျာနှင့် လောကအမြင် ၊ အစဉ်အလာနှင့်ကာရန်မဲ့ ၊ အနုပညာပုံဏ္ဍာန်နှင့်အကြောင်းအရာ ကျယ်ပြန့်မှု။´

ဤကာလမှာပင် တော်လှန်ကဗျာထွက်ပေါ်လာသည်။

- – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – -

တော်လှန်ကဗျာတွင် ပါဝင်ရေးသားခဲ့ကြသောကဗျာဆရာများသည်အများအားဖြင့် ထိုစဉ်က မိုးဝေမဂ္ဂဇင်းတွင်                                အဓိကထားရေးသားနေကြသူများဖြစ်သည်။ အကြောင်းမှာ ၊ သူတို့၏ စူးရဲသောအတွေးအမြင် ၊ ခေတ်မီတိုးတက်                             သောအကြောင်းအရာ ၊ တီထွင်ဆန်းသစ်သောအရေးအဖွဲ့တို့ကို ဖေါ်ပြပေးနေသော မဂ္ဂဇင်းဟူ၍လည်းထိုစဉ်က                              မိုးဝေမဂ္ဂဇင်းတစ်စောင်လောက်သာရှိခဲ့တာကြောင့်ဖြစ်သည်။ ယင်းကြောင့်လည်းသူတို့၏ ကဗျာများကို“မိုးဝေကဗျာ´´ဟု ယနေ့တိုင်ခေါ်ဝေါ်သုံးစွဲနေကြခြင်းဖြစ်သည်။       (စမန ၁၀၆ – ၁၀၇)။

အထက်ပါကောက်နှုတ်ချက်မှာတော့ ကဗျာအတတ်ပညာနဲ့ ပတ်သက်လို့`တီထွင်ဆန်းသစ်သောအရေးအဖွဲ့´ဆိုတာရှိပါ တယ်။ အဲဒီ`တီထွင်ဆန်းသစ်´တဲ့အရေးအဖွဲ့တွေနဲ့ `မော်ဒန်´ရဲ့`သီအိုရီအသစ်´၊`နိမိတ်ပုံအသစ်´၊`အတတ်ပညာအသစ်´တို့နဲ့ ဘယ်လိုများကွာခြားခဲ့ပါလိမ့်။ ဘာတွေများကွာခြားခဲ့ပါလိမ့်။ ကွာခြားမှုတွေရှိခဲ့လို့ပဲ သစ္စာနီဟာ `မော်ဒန်အယူအဆတွေနဲ့ မိုးဝေကဗျာ သမားတွေထိပ်တိုက်တွေ့ခဲ့တယ်´လို့ပြောတာပဲလို့ယူလို့ရ၏ပေါ့။ ဒဂုန်တာရာ ၀င်ဖြေရှင်းပေးရတဲ့အထိပေါ့။ အဲဒီ`မော်ဒန်အယူအဆ´ သမားတွေဟာ `မိုးဝေကဗျာ´သမားတွေနဲ့ ထိပ်တိုက်တွေ့ခဲ့တာ `တော်လှန်ကဗျာ´သမားတွေနဲ့လည်းထို့အတူပဲလို့ယူဆရမှာပဲဖြစ်ပါ တယ်။ `မော်ဒန်´ကတစ်ဘက် ၊ `မိုးဝေ´နဲ့ `တော်လှန်´ကတစ်ဘက်။ နတ်နွယ်ဆီကပဲ သဲလွန်စထပ်ရတာက ––

`ဤနေရာတွင်မျက်မှောက်ခေတ်ကိုထင်ဟပ်သောကဗျာများအရ မိမိအသုံးပြုထားသည်ကို စာဖတ်သူများသတိပြုမိပါလိမ့်မည်။ စကားလုံးကို တိုတိုသုံးရလျှင် မျက်မှောက်ခေတ်ကဗျာများဟု ဆိုနိုင်ပါသည်။ အကျယ်ကိုဆိုရလျှင်မျက်မှောက်ခေတ်နိုင်ငံရေး ၊ လူမှုရေး ၊ စီးပွားရေးတို့ကို ထင်ဟပ်သော ကဗျာများဖြစ်ပါသည်။ . . . ပြည်သူလူထု ကြုံတွေ့နေရသော စားဝတ်နေရေးပြဿနာ ၊ လူတန်းစားကွာဟမှုမှဖြစ်ပေါ်လာသော ပဋိပက္ခများ ၊ နိုင်ငံတကာတွင် ထိုစဉ်က ရှေ့တန်းရောက်နေသော ငြိမ်းချမ်းရေး ၊ နယ်ချဲ့ဆန့်ကျင်ရေး ၊ အမျိုးသားလွတ်မြောက်ရေးနှင့်                          အသားအရောင်ခွဲခြားမှုဆန့်ကျင်ရေးတို့ဖြစ်သည်။. . .  ယင်းကဗျာများသည် နောင်အခါလူအများက “မိုးဝေ ကဗျာ´´၊“ခေတ်ပေါ်ကဗျာ´´၊“တော်လှန်ကဗျာ´´ဟုခေါ်သောကဗျာခေတ်တစ်ခေတ်၏မူလအစပင်ဖြစ်ပေလိမ့်မည်။´  (စမန ၄၁ – ၄၂)။

ဒီနေရာမှာ ၊ အထက်မှာပါရှိတဲ့အတိုင်း ဒဂုန်တာရာဝင်ဖြေရှင်းပေးလိုက်တော့ `မော်ဒန်ကဗျာ´ဟာ `ခေတ်ပေါ်ကဗျာ´ဖြစ် သွားပြီး `မိုးဝေကဗျာ´ ၊ `တော်လှန်ကဗျာ´ တို့နဲ့ပေါင်းစပ်သွားတယ်ဆိုတဲ့သဘောကိုတွေ့ရှိရပါတယ်။ နောက်ပိုင်းမှာ `မိုးဝေကဗျာ´ နဲ့ `တော်လှန်ကဗျာ´တို့ပျောက်သွားပြီး `ခေတ်ပေါ်ကဗျာ´ပဲကျန်ရှိခဲ့ပါတယ်။ တစ်နည်းအားဖြင့်ပြောရရင်`မိုးဝေကဗျာ´နဲ့ ´တော်လှန် ကဗျာ´ဟာမပျောက်သွားပဲ `ခေတ်ပေါ်ကဗျာ´ထဲဝင်ပူးပေါင်းလိုက်တာလားဆိုတာတွေးတောစရာဖြစ်လာပါတယ်။ `မော်ဒန်ကဗျာ´ ဘယ်ပျောက်သွားသလဲဆိုတာ လိုက်ရှာကြည့်တော့ သစ္စာနီရဲ့ `မော်ဒန်ရှင်းတမ်း . . . .´မှာ အောက်ပါအတိုင်းတွေ့ရှိရပါတယ် ––

`. . . . “ဩော် ၊ မော်ဒန်ကဗျာဆိုသည်ကား ခေတ်ပြိုင်ဝါဒကိုး´´ ဟူသော(ဒဂုန်တာရာ၏) အဆိုဖြစ်သည်။ထိုစကားနှင့်အတူ ခေတ်ပြိုင်ခံစားမှုဆိုသောစကားလည်းခေတ်စားလာပါတယ်။ သူ့ (ဒဂုန်တာရာ့) ဩဇာသက်  ရောက်သောလူငယ်များက ဆင့်ကဲဆင့်ကဲလက်ခံသုံးစွဲရာမှ မော်ဒန်ကဗျာဆိုသောစကားလုံးမှာ ခေတ်ပေါ်ကဗျာဟူသော အသုံးအနှုံးဖြင့် အခြေကျနေပြီးကာမှ မလိုချင်ဘဲ ထပ်ရသောမယားငယ်လို ခေတ်ပြိုင် ၊ ခေတ်ပြိုင်ခံစားမှု စသောစကားလုံးများနှင့် ရှုပ်ထွေးလာရပြန်တော့သည်။ . . . ခေတ်ပေါ်ကဗျာတွင် အရေးကြီးဆုံးသောစကားလုံးမှာ  ခေတ်ပေါ်အာရုံခံစားမှု (modern sensibility) ဖြစ်ပါသည်။ ခေတ်ပြိုင်ခံစားမှုမဟုတ်ပါ´။ (စမန ၁၉ – ၂၀)

အထက်ပါကိုးကားချက်အရ ၊ သစ္စာနီဟာ `မော်ဒန်´ ၊ `ခေတ်ပေါ်´ ၊`ခေတ်ပြိုင်´စတဲ့အသုံးအနှုံးတွေကိုခွဲခြားထားချင်ပုံရပါ တယ်။ သစ္စနီဟာ `ခေတ်ပေါ်ကဗျာ´ကိုလက်ခံပေမယ့် `မော်ဒန်´ဆိုတဲ့ အသုံးအနှုံးကိုလည်းပစ်ပယ်ချင်ပုံမရပြန်ဘူး။ စာအုပ်နာမည်ကို က`မော်ဒန်ရှင်းတမ်း . . . .´။ အဲဒီစာအုပ်ထဲမှာပဲ `ခေတ်ပေါ်ကဗျာ၏ ဂုဏ်ရည်တစ်ချို့´ခေါင်းစဉ်နဲ့ ဆောင်းပါးတစ်ပုဒ်ရှိပါတယ်။ အဲဒီ `ခေတ်ပေါ်ကဗျာ´ဟာ သစ္စာနီဆိုလိုတဲ့ `မော်ဒန်ကဗျာ´ ဟုတ်မဟုတ်တော့ အတိအကျရေးသားထားတာမတွေ့ရပါဘူး။ ဆိုလိုတာက ၊ `မော်ဒန်´=`ခေတ်ပေါ်´လို့ အတိအလင်းရေးသားထားတာမတွေ့ရပါဘူး။ သစ္စာနီဟာ`ခေတ်ပြိုင်`၊`ခေတ်ပြိုင်ခံစားမှု´ကိုလည်းလက်ခံ ချင်ပုံမပေါ်ဘူး။ အဲဒီစာအုပ်ရဲ့ စာမျက်နှာ (၁၁)မှာပဲ ဒဂုန်တာရာရဲ့ `မော်ဒန်ကဗျာဆိုတာ ခေတ်ပြိုင်ခံစားမှုကိုရေးဖွဲ့ခြင်း´ဆိုတဲ့ အဆို ပေါ်ပြန်လည်ရှင်းလင်းချေပထားတာကတော့ `ခေတ်ပြိုင်ခံစားမှုဖြင့် ခေတ်ပြိုင်အခြေအနေကို မော်ဒန်သမားများသာမဟုတ်ဘဲ အစဉ်အ လာသရုပ်မှန်သမားများပါရေးဖွဲ့နေခြင်း ၊ ရေးဖွဲ့နိုင်ခွင့်ရှိခြင်း´လို့တွေ့ရပါတယ်။ ဒီမှာ ရှုပ်ထွေးနေတာက အယူဝါဒနဲ့ ကဗျာ(ဗေဒ) ပုံဏ္ဍာန်(၀ါ) ကဗျာတည်ဆောက်ဖွဲ့စည်းမှုကိစ္စပါပဲ။ အကယ်၍အယူဝါဒတူပြီး ကဗျာပုံသဏ္ဍာန်တွေပဲကွာတာဆိုရင် အယူဝါဒ ဦးစား ပေးသူဟာ ဘာပြဿနာလုပ်စရာလိုသလဲ(အကယ်၍ ကဗျာပုံသဏ္ဍာန်တစ်မျိုးပဲရှိရမယ်လို့ မသတ်မှတ်ရင်ပေါ့)။ ကဗျာ(ဗေဒ) ပုံသဏ္ဍာန် တည်ဆောက်ဖွဲ့စည်းမှုဘက်ကပြောရရင်တော့ ကဗျာ(ဗေဒ)ပုံသဏ္ဍာန်တည်ဆောက်ဖွဲ့စည်းမှုကိုယ်တိုင်ကို အခြေခံအယူဝါဒမပြောင်း သည့်တိုင် ကဗျာအာရုံခံစားမှုပြောင်းလဲသွားပြီဆိုတာပြနေတာပဲဖြစ်ပါတယ်။ ပုံသဏ္ဍာန်ဟာလည်း ကဗျာတစ်ပုဒ်ရဲ့ အကြောင်း အရာတစ်ခုပဲလေ။ သစ္စာနီပြောသလိုဆိုရင် ဒဂုန်တာရာလည်း`ခေတ်ပြိုင်ခံစားမှု´ကိုလေးလုံးစပ်အခြေပြုပုံသဏ္ဍာန်နဲ့ရေးတာပဲ ၊ မောင်ချောနွယ် ၊ အောင်ချိမ့်တို့လည်း`ခေတ်ပြိုင်ခံစားမှု´ကို မော်ဒန်(?)/ခေတ်ပေါ်ကဗျာပုံသဏ္ဍာန်နဲ့ ရေးတာပဲ။ ကွဲပြားခြားနားမှုဟာ  အရင်းခံအယူဝါဒမဟုတ်တော့ဘူး။ ကဗျာအမြင် ၊ ကဗျာအသိ ၊ ကဗျာအတတ် ၊ ကဗျာဗေဒဖြစ်လာပြီ။ အယူဝါဒဘက်ဇောင်းပေးခြင်း အစွန်းရောက်မှုကို ကဗျာဗေဒနဲ့ပြန်ဆွဲယူလိုက်ရတာလည်းဖြစ်တယ်။ ကဗျာတစ်ပုဒ်ကို အယူဝါဒရဲ့ ပါးစပ်ပေါက်အဖြစ်ကနေ ကဗျာတစ် ပုဒ်အဖြစ် ၊ ကဗျာအဖြစ်ပြန်လုပ်ယူရတာလည်းဖြစ်ပါတယ်။ အယူဝါဒရဲ့ လက်နက်ကနေ လက်နက်ရဲ့ အယူဝါဒအဖြစ်ပြောင်းလိုက်တာ လည်းပါရင်ပါမှာပေါ့။ ကဗျာတစ်ပုဒ်ဟာ အယူဝါဒတစ်ခုရဲ့/အတွက်လက်နက်ဖြစ်ရင် အဲဒီလက်နက်/ကဗျာဟာလည်း ကဗျာအယူဝါဒ(၀ါ)  ကဗျာဗေဒတစ်ခုခုကိုပြနေတာလည်းဖြစ်တယ်။ အဲဒီမှာ ၊ အယူဝါဒနဲ့ ကဗျာဗေဒရဲ့ တင်းအားဟာ ပေါ်လာတော့တာပါပဲ။ အဲဒီတင်းအား ကိုယ်တိုင်ဟာ အဲဒီကဗျာတစ်ပုဒ်ရဲ့ အလှတရားလည်းဖြစ်လို့ရတယ်။ အဲဒီအလှတရားဟာလည်း ထဲထဲဝင်ဝင်လေ့လာသင့်သေးတဲ့ အက်စ်သက်တစ်က် (aesthetic) ကိုပြောတာဖြစ်ပါတယ်။ ရုပ်လှခြင်း ၊ ရုပ်ဆိုးခြင်းဆိုတဲ့ အရပ်စကားမဟုတ်ပါဘူး။

(၃)

အခုလည်း`ခေတ်ပြိုင်´ကိစ္စဟာပေါ်လာနေပြန်ပါပြီ။ ကျွန်တော်သိသလောက်ကတော့ စိတ်ကူးချိုချိုစာအုပ်တိုက်က ထွက်တဲ့ `ခေတ်ပြိုင်´ ကဗျာစာအုပ်စီစဉ်ရွေးချယ်သူ မိုဃ်းဇော်ဟာ ခေတ်ပေါ်ကဗျာဆရာအဖြစ် သူကိုယ်တိုင်ဝန်ခံထားသူပါ။ ဒီနေရာမှာ (ကို) မိုဃ်းဇော်နဲ့ ကျွန်တော်ရန်ဘက်သဘောဆောင်တဲ့ အနေအထားမျိုး ကျွန်တော့်ဘက်ကတော့မရှိပါဘူး။ ကဗျာရေးသူအချင်းချင်းဘာ ရန်သဘောဆောင်စရာလိုလို့လည်းလေ။ တားဂက်က အတူတူပဲဟာ။ ကဗျာဖြစ်မြောက်ရေးပဲ မဟုတ်ဘူးလား။ ကဗျာရေးသူဟာ ကဗျာ ရေးနေတဲ့အချိန်မှာ ကဗျာအလုပ်ပဲလုပ်နေရတာပဲ။ အခြားအချိန်မှာတော့ အခြားအလုပ်တွေလုပ်နေမှာပေါ့။ ကဗျာရေးသူနဲ့ ကဗျာထပ်တူ ဖြစ်ရေးဟာ အယူဝါဒတစ်ခုရဲ့ အနုပညာကို ခုတုံးလုပ် အသုံးချရေးအတွက်သုံးစွဲခဲ့တဲ့စကားပါ။ လိုရင်းပြန်ကောက်ရရင် ၊ (၁) မိုဃ်းဇော် ဟာ ခေတ်ပေါ်ကဗျာဆရာဖြစ်တယ်။ (၂) မိုဃ်းဇော်ဟာ `ခေတ်ပြိုင်ကဗျာ´ဆိုတဲ့အသုံးအနှုံးကိုသုံးတယ်။ ခေတ်ပေါ်ကဗျာဆရာဟာ `ခေတ်ပြိုင်ကဗျာ´လို့သုံးစွဲလာတဲ့အတွက် စဉ်းစားစရာအမှန်တကယ်ဖြစ်ရပါတယ်။ အထက်မှာ တင်ပြခဲ့တဲ့ ရှုပ်ရှုပ်ထွေးထွေးသမိုင်း အထောက်အထားတွေရှိလို့ပါ။ ဘာသာစကားကို ပေါ့ပေါ့ဆဆသဘောထားခဲ့ကြတာလည်းတစ်ကြောင်းပေါ့။

အကယ်၍ ခေတ်ပေါ်ကဗျာဆရာတွေဟာ သူတို့ကိုသူတို့ ခေတ်ပြိုင်ကဗျာဆရာတွေလို့ပြောင်းခေါ်ကြရင် အထက်ပါ ဒဂုန် တာရာရဲ့ စကားနဲ့ ကိုက်ညီတဲ့အတွက်ဘာမှပြောစရာမလိုပါဘူး။ အရပ်သုံးစကားမှာ ခေတ်ပေါ်နဲ့ ခေတ်ပြိုင်ဟာ အချိန်ကာလအကြောင်း ပြုပြီး ဖယ်လှယ်သုံးလို့ရလို့ပါပဲ။ ကဗျာ(ဗေဒ)ပညာရပ်အသုံးအနှုံးနဲ့ကြည့်ရင်တော့ ပြဿနာတက်ပြီ။ ဘာကြောင့်လည်းဆိုတော့ `ခေတ်ပေါ်´ ကဗျာဆိုတာ သဘာဝအရပေါ်လာတာမဟုတ်ပဲ ၊တမင်တီထွင်ဖန်တီးတည်ဆောက်ဖြန့်ချိချဲ့ထွင်ထားတဲ့ကဗျာအမျိုးအစား၊ ကဗျာဗေဒဖြစ်လို့ပါပဲ။ အကယ်၍`ခေတ်ပေါ်´=`ခေတ်ပြိုင်´ ဆိုရင်အထက်မှာပါခဲ့တဲ့ သစ္စာနီရဲ့ ဒဂုန်တာရာကို တုန့်ပြန်စကားဆီပဲ ပြန်ရောက်သွားပါလိမ့်မယ်။ ခေတ်ပြိုင်ဟာပြောင်းနေတဲ့ အနေအထားတွေနဲ့ မပြောင်းသေးတဲ့ အနေအထားတွေရဲ့ လမ်းဆုံမှာရှိနေတာ ဖြစ်ပါတယ်။ ကျွန်တော်ကတော့ ခေတ်ပြိုင်ကို အဲဒီဆုံပွိုင့်လို့မြင်ပါတယ်။ အဲဒီဆုံပွိုင့်ဟာလည်း ဘယ်ခေတ်မှာမဆို ၊ ဘယ်ကာလမှာ မဆိုရှိနေမှာပါ။ အဲဒီဆုံပွိုင့်ကို ခေတ် စမ်းကြုံခဲ့တယ်။ တာရာကြုံခဲ့တယ်။ မိုးဝေကြုံခဲ့တယ်။ ခေတ်ပေါ်ကြုံခဲ့တယ်။ အခုကြုံနေရပြီ။ ကြုံနေရပြန်ပြီပေါ့။ အဲဒီဆုံပွိုင့်မှာပဲနေခဲ့ရင် သူ့ရှေ့ရောက်သွားတဲ့ ဆုံပွိုင့်ရဲ့နောက်မှာ သူကျန်ခဲ့မှာပဲ။ ခေတ်ပြိုင်ရဲ့ အရွေ့သဘော။ အချိန်ကာလ Time ရဲ့တည်ရှိမှုထဲမှာပဲ Space အသစ်တွေစူးစမ်းရှာဖွေဖန်တီးတည်ဆောက်သွားရတာပါပဲ။ မြစ်တစ်စင်းထဲမှာပဲလူတစ် ယောက်ဟာ နှစ်ခါနစ်မသေနိုင်တဲ့သဘောပေါ့။ အဲဒီတော့ ၊ ခေတ်ပေါ်ဟာခေတ်ပြိုင်လား။ `ခေတ်ပေါ်´ကဗျာဟာ `ခေတ်ပြိုင်´ ကဗျာ လား။

(၄)

`ခေတ်ပေါ်´ကဗျာဟာ `ခေတ်ပြိုင်´ကဗျာမဖြစ်နိုင်ပါဘူး။ ဘာကြောင့်လည်းဆိုတော့ `ခေတ်ပေါ်´ကဗျာဟာ`ခေတ်ပေါ်´ ကဗျာအဖြစ်အခိုင်အမာရှိနေလို့ပါပဲ။ အဲသလို အခိုင်အမာရှိနေလို့ပဲ `ခေတ်ပေါ်´ကဗျာရဲ့ စရိုက်လက္ခဏာတွေ ၊ ဂုဏ်အင်္ဂါတွေ ၊ တန်ဘိုး တွေကိုထုတ်ပြနိုင်ခဲ့တာပဲမဟုတ်လား။ ကျွန်တော်တို့မြန်မာကဗျာလောကမှာ `ခေတ်ပေါ်´ကဗျာဆိုတာ ကဗျာမျက်ကန်းကိုတောင် ခြောက်နေမယ့်တစ္ဆေလိုမျိုးပါ။ ဆိုလိုတာက `ခေတ်ပေါ်´ကဗျာဟာ ကျွန်တော်တို့မြန်မာကဗျာလောကမှာ အရှိတရားဧကန်စစ်စစ်ဖြစ်ခဲ့ ပြီ။ မဂ္ဂဇင်းလောကမှာ ပင်မရေစီးနေရာရခဲ့ပြီ။ ကျွန်တော်တို့ငယ်စဉ်က လူငယ်တွေအတွက် ပသို့ဆိုစေ စံထားစရာကဗျာဖြစ်ခဲ့ပြီ။ ပြီးတော့ ကျွန်တော်တို့ကြီးပြင်းသွားကြတယ်။ အို . . . နေရိုင်း။ အို . . . မောရူးစိုး။ အို . . . ခင်အောင်အေး။ အို . . .(ဟိုတုန်းက) ပိုင်စိုးဝေ။ အို . . . (ဟိုတုန်းက)နေမျိုး။ အဲဒီ`ခေတ်ပေါ်´ကဗျာအမျိုးအစားဟာ တကယ်ရှိခဲ့ပြီ။ အဲဒီနို့သက်ခံစို့ပြီးကြီးပြင်းလာကြသူတွေ ဟာ အဲဒီ`ခေတ်ပေါ်´ကဗျာကို အမိရင်ခြေစုံကန်ပြီး သိုက်မြုံက ထွက်သွားကြတော့မလားကွယ်ရို့။ အင်းပေါ့လေ ၊ အခုတော့လည်း `ခေတ်ပြိုင်´ဖြစ်ပြီပေါ့လို့ အင်္ကျီကို ရှိုးတိုးရှန့်တန့်ဝတ်လို့။ ဒါပေမယ့် ဒီကိုယ်ကြီးပါဗျာလို့ စိတ်ကျေနပ်အောင်ပြောဖိ်ု့ကလည်း ပစ္စည်း သစ်သုံးစွဲထားတဲ့ အနံ့ကကပ်လို့။ အဲဒီတော့ ၊ `ခေတ်ပေါ်´ ပေါ်လည်းသံယောဇဉ်ကြီး ၊ `ခေတ်ပေါ်´ကိုလည်းမပစ်ရက် ၊ သဘာဝအရ ကြီးပြင်းလာရခြင်းကြောင့် `ခေတ်ပေါ်´ကို ခေတ်မီအောင် `ခေတ်ပြိုင်´လို့ပြောင်းခေါ်ကြတော့မလား။ ခက်တာက ပညတ်သွားရာဓါတ် သက်ပါ။ ရှေးဟောင်းနှောင်းဖြစ်စကားတွေ နွေးထွေးလုံခြုံအောင်ပြောပြီး ဆက်သွားကြရတာပဲမဟုတ်လား။ ဘယ်ကလာတယ်ပြောလို့ ရတယ် ၊ ဘယ်မှာရှိနေတယ်ပြောလို့ရတယ် ၊ ဘယ်ဆက်သွားမယ်ပြောကောင်း ပြောလို့ရတယ်။ ဘယ်ကလာတယ်ဟာ ဘယ်မှာရှိနေ တယ်နဲ့ ခေတ်ပြိုင်မဟုတ်ဘူး။ဘယ်မှာရှိနေတယ်ဟာ ဘယ်ဆက်သွားမယ်နဲ့ ခေတ်ပြိုင်မဟုတ်ဘူး။ သက်ရှိထင်ရှားရှိနေကြသေးတဲ့ ဒဂုန် တာရာနဲ့ အောင်ချိမ့် ၊ အောင်ချိမ့်နဲ့ မောင်ပြည့်မင်း ၊ မောင်ပြည့်မင်းနဲ့ အောင်ပြည်စုံဟာ ခေတ်ပြိုင်တွေလား။ ကျွန်တော်နဲ့စာဖတ်သူဟာ ခေတ်ပြိုင်ဖြစ်ကောင်းဖြစ်ပေမယ့် ကျွန်တော့်ခေတ်ပြိုင်နဲ့ စာဖတ်သူရဲ့ ခေတ်ပြိုင်အချင်းချင်းကတော့ ခေတ်ပြိုင်ဖြစ်ချင်မှဖြစ်မယ်။ ကျွန်တော်တို့ဟာ `ခေတ်ပေါ်´ကဗျာ ဥခွံထဲကထွက်လာကြတယ်။ ကျွန်တော်တို့ထွက်လာခဲ့ကြတဲ့ `ခေတ်ပေါ်´ဥခွံဟာ ကျွန်တော်တို့နဲ့ ခေတ်ပြိုင်လား။

(၅)

ခေတ်ပြိုင်ဟာ ပြောင်းနေတဲ့အနေအထားတွေနဲ့ မပြောင်းသေးတဲ့ အနေအထားတွေရဲ့ လမ်းဆုံမှာ ရှိနေတာဖြစ်ပါတယ်။ မပြောင်းသေးတဲ့ အနေအထားတွေဟာလည်း ပြောင်းချင်မှပြောင်းတော့မယ့် အနေအထားတွေလည်းဖြစ်နိုင်ပါတယ်။ ကျွန်တော်တို့ ရိုသေစွာမှတ်တိုင်စိုက်ထူပေးခဲ့မှာဖြစ်ပါတယ်။

(၆)

ကျွန်တော့်အတွက် ကျွန်တော်အခုလောလောဆယ်နားလည်ထားတဲ့ ခေတ်ပြိုင်ကဗျာဟာ အဲဒီဆုံပွိုင့်ကို စူးစမ်းခြင်းပါပဲ။ ထင်ဟပ်တာမဟုတ်ဘူး။ ပြန်လည်ရေးသားဖေါ်ပြတာမဟုတ်ဘူး။ စူးစမ်းတာ။ ခံစားမှုဖေါ်ပြတဲ့ Expressive ကဗျာမဟုတ်ဘူး။ လူမှု စီးပွားရေးကိစ္စတွေပြန်ရေးသားပြတဲ့ Social – Realist ကဗျာမဟုတ်ဘူး။ ဘာသာစကား/စာသားနဲ့တည်ဆောက်မှုသက်သက်/ Language – based/ Language – oriented ကဗျာမဟုတ်ဘူး။ ဒါပေမယ့် အဲဒါတွေကိုလည်း နည်းတွေအဖြစ်သုံးရင်သုံးမှာပဲ။ ကျွန်တော်အခုလောလောဆယ် နားလည်ထားတဲ့ ခေတ်ပြိုင်ကဗျာဟာ Investigative/Exploratory စူးစမ်းရှာဖွေဖေါ်ထုတ်မှုကဗျာ မျိုးဖြစ်ပါတယ်။ ကဗျာကို ဒီလိုရေးလို့ရမလား (၀ါ)ဒီလိုရေးရင် ကဗျာဖြစ်မလားဆိုတာကိုလည်း စူးစမ်းရှာဖွေခြင်းပဲပေါ့။

12 – Dec – 2009

မှတ်ချက်။             ။ ၂၀၀၉ ကရေးခဲ့တဲ့ ဆောင်းပါးပါ – ဘယ်မှာမှမဖေါ်ပြရသေးပါဘူး။ အဲဒီတုန်းက `ကွန်တမ်ပိုရာရီ´ ကိစ္စ ၊                                     `ခေတ်ပေါ်´ကိစ္စ ၊ `ခေတ်ပြိုင်´ကိစ္စတွေကို စဉ်းစားတွေးကြည့်မိပုံသာဓကလေးပါ။ အခြားဘာရည်ရွယ်ချက်မှ မရှိပါဘူး။

ရုပ်နာမ်ခန္ဓာသိင်္ဂါရ

ဓါတုပစ္စည်းတွေလိုအခုပဲဆွဲငင်ပေါက်ကွဲဓါတ်ပြုကြတော့မလို

စားပွဲတစ်ဘက်တစ်ချက်မှာ နေရာယူ ၊ အသင့်ပြင် ၊ ဗျူဟာခင်း

ဘာမှ အဓိပ္ပါယ်မရှိတဲ့စကားတွေတဖွဲဖွဲ

ဘာမှရယ်စရာမရှိတာတွေအတူတူတဟဲဟဲ

သူက H2 ဆိုရင်သင်ဟာ O ဆိုသလိုပေါ့

အငွေ့တွေထနေတဲ့ မှန်လုံအိမ်ထဲက

အန္တရယ်ကြီးတဲ့ ပစ္စည်းကို ရာဘာလက်အိတ်ရှည်ကြီးထဲ

လက်ထိုးကိုင်တွယ်ရသလို

ငှက်မွေးလို ယားကျိကျိနဲ့ သင့်ရင်ထဲသူဝင်စမ်းနေသလို

ဘာမဆိုဖြစ်နိုင်တဲ့ ဘာလိုလိုညာလိုလိုတွေအလယ်တည့်တည့်မှာ

ဆေးလိပ်တစ်လိပ်ကို တစ်ယောက်တစ်ဖွာလှည့်လို့

သူဟာ အိနြေ္ဒရရ ၊ သင်ဟာ သူ့နှုတ်ခမ်းရာလေးကိုပါ

အဆုပ်ထဲရှိုက်သွင်း အငမ်းမရ

ဆိုင်ထဲမှာ သင်နဲ့ သူဟာ ဇာတ်ဆောင်တွေလား

ဟုတ်ပ ၊ မှော်ထ

အားလုံးရဲ့ မျက်လုံးတွေဟာ သင်နဲ့ သူ့ပေါ်

စပေါ့တ်လိုက်တွေလား ၊ ဟုတ်ပ ၊ ဇော်က

စကြာဝဠာကြီးကျုံ့လာပြီတဲ့ ၊ သိလား

အင်းနော် . . . (ဒို့ရဲ့ အကွာအဝေးကောဘယ်တော့လဲ)

သမိုင်းပြီးဆုံးသွားသလိုအထီးကျန်ခြင်းလည်းဆုံးချင်တယ်

ဟက်ဟက် ၊ သူ့ဆီက စကောထဲ အက်တမ်တွေ လှိမ့်လိုက်သံ

ကမ္ဘာအတူပြားချင်ပြီ ဆေးလိပ်သစ်တစ်လိပ်သင်တေ့လိုက်တယ်

ပတ်လမ်းကြောင်းထဲဝဲနေတဲ့ ဂြိုလ်တုတစ်လုံး

သူဟာ အဆင်သင့် သင့်ကို မီးညှိပေးလိုက်တယ်

တစ်ယောက်မျက်လုံးထဲ တစ်ယောက်ပွတ်ကာ သီကာ

အသည်းယားစရာ ကမ္ဘာသစ်လေ့လာရေးခရီး

သူ့ဆီက အာရုံငါးပါးကို သင်ဖွဲ့စည်းလိုက်တဲ့ပင့်သက်

ရုတ်တရက်လေရှူမ၀သလို အသက်ဟာထတောက်တယ်

သူ့လက်ဖျားလေးတွေဟာ အမှတ်တမဲ့သင့်လက်ဖမိုးပေါ်

သံလိုက်အိမ်မြှောင် ၊ ကိုလံဘတ်လည်းမှတ်တမ်းတင်ခဲ့တဲ့

ပင်လယ်မီးစုန်းတွေ

အဖေ့ကိုပြောလိုက်တယ် လာမကြိုနဲ့လို့ ကိုယ့်ဖါသာကိုယ်

ကိစ္စမရှိပါဘူး ၊ ဆိုက္ကားပေါ်တင်ပေးလိုက်မယ်လေ

ဟယ် . . .  ဆိုက္ကားဆရာနဲ့ပဲပေါ့      ဟီးဟီး

(စိတ်တစ်ပြင်လုံးမှာ ကြက်သီးကလပ်စ်တာတွေ ဆက်တိုက်)

ပန်းချီကားတစ်ကားထဲမှာလိုထွက်ပေါက်မရှိ

ထာဝရပိတ်မိနေချင်တော့တယ်

ယုတ္တိလွန်ပြဇာတ်အနမ်းဘယ်လိုစလိုက်သလဲ

သူဘာမှ မမေးပဲ သင်က ဘာလို့ဖြေချင်နေတာလဲ

(ဘရူဂဲလ်ရဲ့ ပန်းချီတစ်ကားထဲမှာ

သေမင်းရဲ့ တပ်သားတွေကားတစ်ပြင်လုံး

သတ်ဖြတ် ၊ မီးရှို့ ၊ နှိပ်စက် ၊ အဓမ္မကျင့် ၊ တံကျင်လျှို

အနိဋ္ဌာရုံတစ်ကားလုံးရဲ့ ညာဘက်ထောင့်လေးမှာ

ကောင်မလေးက ကောင်လေးရဲ့ ရင်ခွင်ထဲခေါင်းတိုးဝင်

ကောင်လေးက အားလုံးကို ကျောခိုင်းပြီး

ကောင်မလေးကို ကာလမေ့အာကာသမေ့ ဖက်ထားတယ်)။          ။

                                                                        ဇေယျာလင်း

                                                                        30 – April – 12

ဟိုတုန်းကတည်းက ၀တ္ထု

ခင်္ဗျားလည်းဒါကိုကြိုတွေးပြီးသား

ဖြစ်မှာပါ ၊ ဒင်းတို့ဟာ

ဥာဏ်နီဥာဏ်နက်များတယ် ၊ ကလိမ်စေ့နဲ့

ဆင်တဲ့ငြမ်းတွေမနည်းတော့ဘူး ၊

အဲဒီမီးခိုးလုံးကြီးတွေပေါ့။

လောင်စရာရှိတာအကုန်လောင်

ဝါးပြီးကြီးထွားလာကြတာ

အမြဲဆာလောင်နေကြတာ ၊ မီးကွင်းတွေ

မီးခိုးလုံးကြီးတွေမျိုးဆက်တွေထက်မည်းသထက်

မြင်းကွင်းအားလုံးကိုမျှောကွင်းထဲထည့်မြှိုက်လိုက်တယ်

လေကလည်းကူတိုက်ပေးတယ်   ဘက်တော်သားလိုလို

တွန်းအားလိုလို ၊ လေနီကြမ်း ၊ စာချုပ်စာတမ်းနဲ့

ဘာထပ်ရဦးမလဲရေတွက်တယ်

ရေချို ၊ ရေငံ ၊ ရေကာတာ ၊ ရေအားလျှပ်စစ် ၊ ရေတပ်စခန်း။

မီးသတ်ကားကို မီးကသတ်လိုက်တယ်။

နောက်တစ်လှမ်းဆုတ်ကြည့်ရင်

လွတ်လပ်ရေးကျောက်တိုင်

လိုမားမားမတ်မတ်ပြတ်ပြတ်သားသား

ရှင်းလင်းသဲကွဲမြင်ရမလား။

မီးခိုးလုံး ၊ မီးခိုးအူ ၊ မီးခိုးမှိုင်း ၊ မီးခိုတံတိုင်း။

အရပ်ရှစ်ခွင် ၊ မီးခိုးဆင်သည် ၊ အသင်စနစ်ကောင်းတကား။

လောဘမီး ၊ ဒေါသမီး ၊ မောဟမီး ၊ မီး

ကမ္ဘာကြီးလည်း စစ်မီးကြီးထဲပါတော့မယ်။

ဒါကို ခင်္ဗျားလည်းသိပြီးသား

ဖြစ်မှာပါ ၊ ခင်္ဗျားကိုယ်ခင်္ဗျား

ဓါတ်ဆီလောင်းပြီး မီးရှို့ပစ်လိုက်တာ

ခင်္ဗျားရဲ့မီးခိုးတွေ ဒင်းတို့ဖျောက်ဖျက်ပစ်လိုက်တယ်။

အရိုးပြာကို လေကထောက်ကူမှုတ်ထုတ်ပစ်လိုက်တယ်။

သူများတွေလည်း အပူဟပ်သွားတာ

ငယ်ငယ်က ၀တ္ထုခေါင်းစဉ် `ငြိမ်းတယ်ချမ်းတယ်မိုး´။

ခင်္ဗျားရဲ့ အကြွင်းအကျန်နဲ့ ကျွန်တော်

ဆေးလိပ်မီးညှိယူလိုက်တယ် ၊ ကျေးဇူးပဲနော်။

သတင်းမှာဖတ်ရတယ် ၊ ဋ္ဌာနချုပ်ကိုဝိုင်းထားပြီ

အဲဒီမှာ မီးလောင်ဗုံးတွေကြဲတော့မယ်

ခြေ ၊ လက် ၊ ၀ါကျ ၊ အပိုင်းအစတွေနဲ့

မီးစွဲလောင်နေကြမယ့်လူတွေ

သွေးရူးသွေးတမ်းပြေးနေကြရော့မယ်။

“လာပါအချစ်ရေ ၊ ယာယီသစ္စာမြဲကြစို့

လူလုံးမကွဲခင် ၊ မီးကုန်ယမ်းကုန်ချစ်ကြစို့´´။                      ။

                                                            ဇေယျာလင်း

                                                            27 – April – 12

ငါဟာပဋိပက္ခ

ရေးကြည့်လိုက်စမ်းငါဟာပဋိပက္ခ

ဖတ်ကြည့်လိုက်စမ်းငါဟာပဋိပက္ခ

ရင်ဘတ်တွေ လိင်အင်္ဂါတွေ ခြေသည်းတွေ

အစင်းရှိကြွက်သားတွေ အရေပြားတွေ

သွားတွေ အရိုးတွေ အရွတ်တွေ

ရေသူမထင်လို့ဖမ်းလာတာ

လင်းပိုင်ဖြစ်နေတဲ့ သတင်းတွေ

ငါဟာဆွဲပိုက်ဖြစ်နေသလို

ခံစားမှုဗဟိုပြုကဗျာဆန်မှုနဲ့

ဘာသာစကားဗဟိုပြုတည်ဆောက်မှုကြားမှာ

ငါတွေတံတားထိုးပြီးငါတွေဖြတ်ကူး

ချောက်ကမ်းပါးအောက်မှာကျသေနေတဲ့ ငါအလောင်းတွေ

ငါဟာမကြာခဏပေါက်ကွဲနေတာ

အစိပ်စိပ်အမွှာမွှာငါတွေ ငါတွေ

ဒါဟာငါဗဟိုပြုရောမန္တိကလစ်ရစ်မဟုတ်ဘူး

ဖွင့်အန်ဝန်ခံကဗျာရဲ့ အနာတွေ ထုတ်လှန်းနေတာလည်းမဟုတ်ဘူး

သူမပါးစပ်နွေးထဲငုံခဲထားတဲ့

ငါ့လက်ချောင်းစိုစွတ်မှာငါတွေ တဖျပ်ဖျပ် အမြှုပ်ထ

ဒါဟာသက္ကာယဒိဋ္ဌိဆိုတာလည်းထင်မှတ်ထားလျက်နဲ့

လူဟာရှေ့နောက်မညီမှုများစွာရဲ့ အထုပ်အပိုးလေး

ဆိုတာလည်းတစ်ခါတုန်းကဖတ်ဖူးထားလျက်နဲ့

ဘာသာစကားနဲ့ ငါ အာရုံခံစားသလို

ဘာသာစကားကို ငါ အာရုံခံစားပြန်တယ်

ဘာသာစကားရောင်စဉ်မှာခုနှစ်ဖြာမကတဲ့ ငါတွေ

တစ်ငါနဲ့ တစ်ငါကြားကလည်းဘယ်ငါမှ

ဖြစ်မလာတဲ့ ကြားငါတွေ

ဘယ်တံငါမှ မမိတဲ့ ကြားငါးတွေ

ငါးတွေကြား ခြားနားစွာကူးခတ်သွားလာနေငါတွေ

ငါတစ်ခုဟာ နှလုံးရောဂါနဲ့ သေဆုံးတယ်

ငါတစ်ခုဟာ HIV ပေါ့စတစ် နဲ့ သေဆုံးတယ်

ငါတစ်ခုဟာဦးဏှောက်သွေးကြောပြတ်ပြီးသေဆုံးတယ်

ငါတစ်ခုဟာလည်ချောင်းကင်ဆာနဲ့ သေဆုံးတယ်

ငါတစ်ခုဟာအယ်လ်ဇိုင်းမားနဲ့ သေဆုံးတယ်

ငါ့အိမ်လို့ထင်မှတ်ရတဲ့ ခန္ဓာထဲမှာ

လေဟောင်းလောင်းတွေ လန်နေတယ်

အရောင်တောက်တိုင်းဟာ

အရောင်တောက်တဲ့ တစ်ခုခုပေါ့

ငါဟာရွှေတော့ မဟုတ်ပါဘူး

ဓနရှင်ပေါက်စပညာတတ်လူလတ်တန်းစားဉာဉ်  နဲ့

စိတ်ကူးယာဉ်ဘိုဟီးမီးယန်းကမ်းခြေမှာ

သွားအပန်းဖြေ ရေကူးသူ

လယ်သမားနဲ့ မတူတဲ့ ငါ့ခြေတွေ

အလုပ်ကြမ်းသမားနဲ့ မတူတဲ့ ငါ့လက်တွေ

ငါရှက်နေရမလား ပြောပါ

ပြည်သူကို ကိုယ်စားမပြုတဲ့ ငါ့သွေးတွေ

ငါ့သွေးနွေးသတ္တဝါ

ငါ့နို့တိုက်သတ္တဝါနှလုံးသား

အယူဝါဒအရ စာနာမှုအသိစိတ်နဲ့ တဒိတ်ဒိတ်

မကြည်လင်ပေမယ့် ချစ်နေတာလို့ ငါဘာလို့ ညာရမလဲ

မကြည်လင်ပေမယ့် ကြည်လင်ရတဲ့ ဘာသာစကား နယ်ပယ်အသီးသီးဟာ

ငါတွေ ငါတွေ ကို ပြုလုပ်ပြီး ငါ့ကိုတပ်ဆင်တယ်

‘မပြောင်းရွှေ့ရ’‘မလဲလှယ်ရ’‘မဖျက်စီးရ’ တွေနဲ့

ငါတွေကိုလည်း ငါတွေနဲ့ ရန်တိုက်ပေးထားတယ်

ငါဟာ ပဋိပက္ခ

ပြောကြည့်လိုက်စမ်း

ငါဟာ ပဋိပက္ခ

ငါဟာ မူလမဟုတ်ဘူး

ငါဟာ သမူဟ မဟုတ်ဘူး

ငါဟာလည်း သင့်လိုပဲ ဘယ်သူမှမဟုတ်ဘူး

ငါဟာလည်း သင့်လိုပဲ သာမာန်လူတစ်ယောက်ရဲ့ တန်ဖိုး မလျော့ပါဘူး

ညအိပ်ယာ ဘယ်ငါ အရင်ဝင်ပြီး

မနက်အိပ်ယာ ဘယ်ငါ အရင်ထသလဲ

ကြိုးတွေလိမ်နေတဲ့ စိတ်ရုပ်သေးလေးတစ်ခု

ငါရဲ့စုစည်းလိုတဲ့ ဆန္ဒစက်ဟာ နေ့စဉ်လောကရဲ့ လွှစက်နဲ့ပဲ

အဲဒါဘာအလင်္ကာမြောက်သလဲ

နေ့စဉ်ဆုံစည်းနေရတယ်

ငါမရှိတော့တဲ့ အခွံဟောင်းတစ်ခုထဲမှာ

တစ်ခြားငါတစ်ခုက လာဝင်ခိုနေတယ်

အမှောင်ထဲကနေ ငါ့ကိုပြူးကြည့်

ငါဟာ တစ်ခု တစ်ကောင် တစ်ယောက်

ငါဟာ ပဋိပက္ခ

ငါသိတဲ့ အသိဆိုတာလည်း

အမြဲမြက်ရိုင်းတောကြီးပဲ

အားကိုးစရာ ဘာသစ်ပင်ကြီးမှ မရှိဘူး

ဘာငှက်တစ်သောင်းမှ မရှိဘူး

ပုရွက်ဆိတ်တွေ၊ ပလူတွေ၊ ခြတွေ

မြွှေပါး ကင်းပါး တွေ တကျိကျိ

ဒါပေမယ့် လုံခြုံစိတ်ချရတဲ့

လူမှုကိုယ်ကျင့်တရား စံပြ တံဆိပ် နှိပ်လို့

အစ်နေတဲ့ဇတ်ကို တစ်တတနေတဲ့

အဇ္ဈတ္တနဲ့

ခံစားမှုရဲ့ ကန့်သတ်အမှုတွဲထဲမှာလည်း

ငါဟာ တောက်လျှောက်မတ်တပ် ရပ်စီးရ

အခွင့်ထူးခံ ခံစားမှုထဲ ‘ဝင်ရောက်ခွင့် မပြု’

နာကျင်တာတွေ မရေးချင်ပေမယ့်

နာကျင်စွာပဲ ရောက်ရောက်လာတဲ့

နာကျင်မှုရဲ့ အသွေးအသား

ငါ့ကိုလည်း အယူဝါဒနဲ့ ဖတ်လို့ရပါတယ်

ဒါပေမယ့် ငါဟာ မူလမဟုတ်ဘူး

ငါဟာ သမူဟ မဟုတ်ဘူး

ငါဟာ ပဋိပက္ခ

ငါဟာ စာသားတွေနဲ့ စပ်ချုပ်ထားတဲ့ ပဋိပက္ခ

ဇေယျာလင်း

ဂျေဆင်န် စတမ့်ဖ်ရဲ့ လစ်ရစ်က် ကဗျာအက်ဆေး

လစ်ရစ်က် ကဗျာနှင့်ပတ်သက်၍

[၁]

ကဗျာရဲ့ လျို့ဝှက်ချက်ဟာ ရက်စက်ကြမ်းကြုတ်မှုပဲ။ (၁)

ရက်စက်ကြမ်းကြုတ်မှုမရှိရင် အလှတရားလည်းမရှိနိုင်ဘူး။(၂)

အလှတရားစစ်စစ်ဟာ ရှိတောင့်ရှိခဲစစ်စစ်ပဲ။ (၃)

အမှန်တရားကိုလိုချင်ရင် မိမိကိုမိမိပိတ်ဆို့ရလိမ့်မယ်။(၄)

ခင်္ဗျားကို ကျွန်တော်ဒါတွေပြောနေတာ/ခင်္ဗျားကသိချင်လို့ပဲပေါ့။(၅)

သေအံ့ဆဲဆဲဟာ အနုပညာပဲ(၆)

အနုပညာမှန်သမျှဟာ နာကျင်မှုဝေဒနာ (၇)

နာကျင်မှုဝေဒနာဟာ အမှောင်ထဲကလာတယ်/အဲဒါကို ကျွန်တော်တို့အမြော်အမြင်လို့ခေါ်တယ်။ (၈)

အမြော်အမြင်ကြီးသူရဲ့ လုပ်ရပ်မဲ့ခြင်းဟာ ဘာမှမလုပ်ခြင်းမဟုတ်ဘူး။ (၉)

ကဗျာဟာ ဇိမ်ခံပစ္စည်းမဟုတ်ဘူး။ (၁၀)

စည်းစိမ်ဆိုတာဟာ အ၀ိဇ္ဖာတစ်မျိုးပဲ။(၁၁)

ကျွန်တော်ဟာ ဘာစည်းစိမ်ဥစ္စာမှမရှိတဲ့ ဆင်းရဲသားဆိုတော့ စိတ်ကူးအိပ်မက်တွေပဲ ပိုင်တာပေါ့။(၁၂)

အိပ်မက်တွေဟာ တကယ်မရှိဘူး/တကယ်ရှိတာကသွေးသားပဲ။(၁၃)

အခြားတစ်ယောက်ရဲ့ အရေပြားထဲ/၀င်ရောက်ဖို့ စိတ်ကူးစိတ်သန်း (၁၄)

ချစ်ခြင်းမေတ္တာနဲ့ စိတ်ကူးစိတ်သန်းဟာ တစ်ဖြတ်စပဲဖြစ်တယ် (၁၅)

တစ်ခုခုက ကျွန်တော့်ကိုပြောနေတယ် ၊ ဖြတ်စတစ်စဟာ ချာတိတ်လေးရဲ့/

            အိတ်ကပ်ထဲမှာပဲ ကျန်ရစ်ခဲ့ဖို့ ကြံစည်အားထုတ်တယ်။ (၁၆)

[၂]

ဟောဒီတိတ်ဆိတ်မှုကို ကျွန်တော်အလှဆင်ချင်တယ် (၁၇)

ပြီး ၊ အဲဒီတိတ်ဆိတ်မှုဟာ မမောမပမ်းခရီးသွားလို ထွက်ခွာသွားလိမ့်မယ်/

            အလင်းရောင်လုံးလုံးမရှိတဲ့ ကြယ်တစ်ပွင့်ရဲ့ ရောင်ခြည်တန်းလို (၁၈)

ညနေခင်းထဲပျော်ဝင်နေတဲ့ကြယ် (၁၉)

(မိမိရဲ့ ငါအတ္တများပျော်ကျနေတယ် ၊ အပျက်မအတွင်းခံဂါဝန်ဟောင်းတွေ)  (၂၀)

ကိုယ်ဟာညရဲ့ ထောင့်လေးထောင့်ထဲပြည့်တင်းသွားတဲ့ မိမိအတ္တတစ်ခုဖြစ်သွားတယ်။ (၂၁)

ထောင့်ကိုချိုးကွေ့လိုက်တာနဲ့ ဆောင်းဦးရာသီဖြစ်သွားတယ် (၂၂)

ဆောင်းရာသီရောက်လာဖို့ အခုအချိန်တန်ပြီပေါ့ (၂၃)

ငှက်ကလေးတွေကို ငါဆွဲချလိုက်တယ်။ (၂၄)

ဘာငှက်မှလည်းတေးမသီဘူး။ (၂၅)

သူတို့ငါ့ကို မရဏအ၀တ်အစားတွေဝတ်ဆင်ပေးတယ်/ပြီး အတိဒုက္ခ

            သံစဉ်တွေသီဆိုတတ်အောင်သင်ပေးတယ်။ (၂၆)

မရဏ ၊ ပြီး ၊ မရဏ ၊ ပြီး လာဦးမယ့်စစ်ပွဲတွေ။ (၂၇)

စစ်ပွဲအသေးစားလေးမစတင်ခင် ခေတ္တရပ်နားခြင်း။ (၂၈)

[၃]

ဒီဥစ္စာကို ဒီလိုစ လိုက်တယ် – (၂၉)

ဒါပေမယ့် ကိုယ်စ လိုက်တဲ့ ဘာမဆိုကို မပြီးဆုံးခင်မှာပဲ စွန့်လွှတ်ထားခဲ့တယ် – (၃၀)

. . . ဘာမှမပျောက်ကွယ်သွားပါဘူး။ ပြောင်းလဲသွားရုံသာ။ (၃၁)

ဘယ်တော့မှ မပြောင်းလဲတာဟာ/ပြောင်းလဲလိုတဲ့ စိတ်ဆန္ဒပဲဖြစ်တော့တယ်။ (၃၂)

ဘယ်တော့မှပြည့်ပြည့်၀၀ကျေနပ်မှာမဟုတ်ဘူး ၊ စိတ်ပေါ့ ၊ ဘယ်တော့မှ။(၃၃)

- – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – - – -

            ကဗျာတစ်ပုဒ်ရဲ့ ပုံသဏ္ဍာန် (ရေးသားဖွဲ့စည်းပြုလုပ်ပုံ/မှု) ဟာ အဲဒီကဗျာရဲ့ အကြောင်းအရာတွေအနက် အကြောင်းအရာ တစ်ခုဖြစ်ပါတယ်။ အထက်ပါကဗျာဟာ အမေရိကပ်ကဗျာဆရာလည်းဖြစ် ဘာသာပြန်ကဗျာဆရာလည်းဖြစ်တဲ့ Jason Stumpf ရဲ့ ကဗျာတစ်ပုဒ်ဖြစ်ပါတယ်။ Jacket မဂ္ဂဇင်းအမှတ် ၃၅ ၊ ၂၀၀၈ အစောပိုင်းမှာ ဖေါ်ပြပါရှိတဲ့ ကဗျာဖြစ်ပါတယ်။

            ဒီကဗျာရဲ့ ထူးခြားမှုဟာ ပုံသဏ္ဍာန်ပဲဖြစ်ပါတယ်။ ဒီကဗျာကို Essay: Of Lyric Poetry လို့ခေါင်းစဉ်ပေးထားတဲ့အတွက် ဖတ်သူအဖို့ပြာဿနာစတက်ရပါတော့တယ်။ ဒါဟာ အက်ဆေးလား။ ကဗျာလား။ အက်ဆေးဆိုတာ စာစီစာကုံးဖြစ်ပါတယ်။ စကားပြေ ပုံစံနဲ့ ရေးတာဖြစ်ပါတယ်။ ကဗျာကတော့ စာစီစာကုံးမဟုတ်ပါဘူး။ စကားပြေပုံစံနဲ့တော့ရေးလို့ရပါတယ်။ စကားပြေကဗျာ prose poem တွေပေါ့။ ကဗျာဆရာဟာ `အက်ဆေး´လို့လည်းသုံး ၊`လစ်ရစ်က်ကဗျာ´ လို့လည်းသုံးထားတော့ ဖတ်သူကို စဉ်စားစေချင်တဲ့သဘော သက်ရောက်ပါတယ်။ ဒါကို အက်ဆေးလို့သဘောထားမလား။ အက်ဆေးနဲ့ကဗျာ ဘာကွာခြားသလဲ။

            လိုင်းစီပုံကိုထောက်ရင် ဒီအရေးအသားကို ကဗျာလို့ အကြမ်းဖျဉ်းခေါ်လို့ရပါတယ်။ စကားပြေတစ်ပုဒ်မှာ ၀ါကျတစ်ကြောင်းပြီး တစ်ကြောင်းရေးသွားပါတယ်။ ပိုဒ်အစ ၊ ပိုဒ်အဆုံးရှိပါတယ်။ အခုစာဖတ်သူဖတ်နေတာဟာ စကားပြေပေါ့။ ဒီအရေးအသားမှာတော့ လိုင်းတွေတစ်ကြောင်းပြီးတစ်ကြောင်းစီထားပါတယ်။ အပိုဒ် ၃ ပိုဒ်ခွဲထားပါတယ်။ အပိုဒ် (၁) ၊ (၂)နဲ့ (၃) တို့ဖြစ်ပါတယ်။ အပိုဒ် (၁) မှာ ၁၆လိုင်း ၊ အပိုဒ် (၂) မှာ ၁၂ လိုင်းနဲ့ အပိုဒ် (၃) မှာ ၅ လိုင်းစုစုပေါင်း၃၃လိုင်းပါရှိပါတယ်။

            လိုင်းချိတ်တွဲပုံဟာ အပေါ်လိုင်းထဲက စကားတစ်လုံးကို တိုက်ရိုက်သော်လည်းကောင်း ၊ တွဲဘက်သော်လည်းကောင်း ၊ ဆန့်ကျင်ဘက်သော်လည်းကောင်း ၊ အောက်လိုင်းမှာပြန်သုံးတဲ့ ပုံစံဖြစ်ပါတယ်။ ကြည့်ပါ။ (၁) – (၂) ရက်စက်ကြမ်းကြုတ်မှု။ (၂) – (၃) အလှတရား။ (၃) – (၄) အလှတရား/အမှန်တရား။ (၄) – (၅) မိမိ/ခင်္ဗျား။ လိုင်း (၅) နဲ့ (၆)မှာ ဘာအဆက်အစပ်မှမရှိပါဘူး။ အတွေး သစ်တစ်ခု စ လိုက်တဲ့ပုံပါပဲ။ (၆) – (၇) အနုပညာ။ (၇) – (၈) နာကျင်မှုဝေဒနာ။ (၈) – (၉) အမြော်အမြင်။ လိုင်း (၉)နဲ့ (၁၀) မဟုတ်ဘူး။ (၁၀) – (၁၁) ဇိမ်ခံပစ္စည်း/စည်းစိမ်။ (၁၁) – (၁၂) စည်းစိမ်/ဆင်းရဲသား။ (၁၂) – (၁၃) စိတ်ကူးအိပ်မက်။ (၁၃) – (၁၄) သွေးသား/အရေပြား။ (၁၄) – (၁၅) စိတ်ကူးစိတ်သန်း။ (၁၅) – (၁၆) တစ်ဖြတ်စ/ဖြတ်စတစ်စ။

            အပိုဒ် (၂) မှာ (၁၇) – (၁၈) တိတ်ဆိတ်မှု။ (၁၈) – (၁၉) ကြယ်။ (၁၉) – (၂၀) ပျော်ဝင်/ပျော်ကျ။ (၂၀) – (၂၁) မိမိ/မိမိ အတ္တ။ (၂၁) – (၂၂) ထောင့်။ (၂၂) – (၂၃) ဆောင်းရာသီ။ လိုင်း (၂၃) နဲ့ (၂၄) မှာ ဘာအဆက်အစပ်မှမရှိပါဘူး။ (၂၄) – (၂၅) ငှက်။ (၂၅) – (၂၆) တေးသီ/သံစဉ်/သီဆို။ (၂၆) – (၂၇) မရဏ။ (၂၇) – (၂၈) စစ်ပွဲ။

            အပိုဒ် (၃)မှာ (၂၉) – (၃၀) စ။ (၃၀) – (၃၁) ပြီးဆုံး/ပျောက်ကွယ်။ (၃၁) – (၃၂) ပြောင်းလဲ။ (၃၂) – (၃၃) စိတ်ဆန္ဒ/စိတ်။

            ဒီလိုချိတ်ဆက်ထားတာတွေကို ထုတ်ပြတဲ့ ရည်ရွယ်ချက်ကတော့ ဖြစ်ကတတ်ဆန်းလုပ်ထားတာမဟုတ်ပဲ စေ့စေ့စပ်စပ်လုပ် ထားတယ်ဆိုတာမြင်စေချင်လို့ပဲဖြစ်ပါတယ်။ ဒါပေမယ့် အနက် အဓိပ္ပါယ်ချင်း ချိတ်ဆက်မှုမဟုတ်ပဲ စကားလုံးတစ်လုံးနဲ့ ချိတ်ဆက်မှုမျိုး ဖြစ်ပါတယ်။ အနက် အဓိပ္ပါယ်ချင်း ချိတ်ဆက်မှု မျိုးမဟုတ်တဲ့ ဒစ္စဂျန့် တစ်ဗ် Disjunctive နည်းသုံးထားတဲ့အတွက် အနက် အဓိပ္ပါယ် ချိတ်ဆက်မှုမျိုးကိုမှ ကြိုက်တဲ့ ဖတ်သူအတွက် မကြိုက်နှစ်သက်မှု ဖြစ်မှာပါပဲ။ ဒါပေမယ့် ဒီလို ဒစ္စဂျန့်က်တစ်ဗ်နည်းနဲ့ ရေးတဲ့ ကဗျာအမျိုး အစားလည်းရှိသေးတယ်လို့ လွယ်လွယ်ပဲ နားလည်ထားလိုက်ရုံပါပဲ။ လောကမှာလည်း ကိုယ်နဲ့ မတူတာအများကြီးပဲမဟုတ်ပါလား။

            ခေါင်းစဉ်အကြောင်းပြန်လှည့်ရင် ခေါင်းစဉ်က အက်ဆေးခေါင်းစဉ်ပုံစံတော်တော်ပေါက်ပါတယ်။ 0n Lyric Poetry `လစ်ရစ်က် ကဗျာနှင့်ပတ်သက်၍´ ဆိုတဲ့ ခေါင်းစဉ်ဟာ လစ်ရစ်က်ကဗျာအကြောင်းတစ်ခုခုဖွင့်ဆိုရှင်းလင်းပြတော့မယ်ဆိုတဲ့ သဘော သက်ရောက်ပါတယ်။သာမန်ရေးလေ့ရေးထ ၊ ဖတ်လေ့ဖတ်ထကဗျာခေါင်းစဉ်မျိုးတော့မဟုတ်ပါဘူး။ ခံစားမှုဦးစားပေးရေးထက် ဆင်ခြင် ယုတ္တိဘက်ဦးလှည့်တဲ့ ခေါင်းစဉ်/ အဓိပ္ပါယ်မျိုးပါ။ တစ်ဖန် ၊ လစ်ရစ်က်ကဗျာလို့အများသိရှိလက်ခံထားတာက ခံစားမှု ဗဟိုပြု ၊ ခံစားမှု လှုံ့ဆွရေးကဗျာမျိုးဖြစ်ပါတယ်။ Expression of feeling or emotion ကို ဦးတည်တာဖြစ်ပါတယ်။ လစ်ရစ်က် ကဗျာရေးဖွဲ့နည်းကို ကြည့်ရင်လည်းခံစားမှုကိုဖြစ်ပေါ်စေတဲ့စကားလုံးအသုံးအနှုံး ၊ အလင်္ကာ ၊ နိမိတ်ပုံတို့ကို တမင်ရွေးချယ်ပြီး အနက် အဓိပ္ပါယ်ပြုလုပ်မှုကို အနှောက်အယှက်မဖြစ်စေတဲ့ တစ်လမ်းသွားရေးနည်းအားဖြင့်အပိတ်ပိုင်းမှာ လင်းပွင့်မှုတစ်ခုခုနဲ့ အဆုံးသတ်တာမျိုးဖြစ်ပါတယ်။ ဒါဟာ ယေဘူယျသဘောကိုပြောတာပါ။ ဒီကဗျာကို ကြည့်ရင် လစ်ရစ်က် ကဗျာလို့ပြောဖို့နည်းနည်းခက်ခဲမယ်ဆိုတာသတိပြုမိပါလိမ့်မယ်။ ကဗျာကိုယ်တိုင်ဟာ လစ်ရစ်က်ကဗျာအမျိုးအစားမဟုတ်ပဲ ခေါင်းစဉ်ကို ဘာဖြစ်လို့ `လစ်ရစ်က်ကဗျာနှင့် ပတ်သက်၍´ လို့တပ်ထားသ လဲဆိုရင် ဖတ်သူကို လစ်ရစ်က်ကဗျာအကြောင်းတစ်နည်းတစ်ဖုံစဉ်းစားကြည့်စေလိုတဲ့ ဆန္ဒလည်းဖြစ်နိုင်ပါတယ်။

            ကဗျာထဲမှာ ခံစားမှုဆိုင်ရာစကားလုံးတွေတော်တော်လေးတွေ့ရှိရပါတယ်။ အထူးသဖြင့် ရောမန္တိက အသုံးအနှုံးတွေဖြစ်တဲ့ `အလှတရား´ ၊ `အမှန်တရား´၊ `သေခြင်းတရား´ ၊`ချစ်ခြင်းမေတ္တာ´၊ `စိတ်ကူးစိတ်သန်း´ ၊`အိပ်မက်´၊`ကြယ်ပွင့်´၊`မိမိအတ္တ´၊ `ဆောင်းဦးရာသီ´၊`ငှက်ကလေး´၊`သံစဉ်သီဆို´၊စသည်တို့ဖြစ်ပါတယ်။ ကဗျာထဲမှာ စကားပြောနေသူရဲ့ အသံ voice လည်းပါရှိပြီး ကဗျာထဲက ဇာတ်ဆောင်ဖြစ်တဲ့`ငါ´၊`ကျွန်တော်´၊`မိမိ´ဆိုတာကိုလည်းတွေ့ရပါတယ်။ လစ်ရစ်က်ကဗျာဟာ ရေးသူရဲ့ ခံစားမှုတွေ ထုတ်ဖေါ်ပြတာဖြစ်တယ်ဆိုရင်လည်း ခံစားမှုကို ဘာသာစကားနဲ့ ထုတ်ဖေါ်တာဖြစ်ပါတယ်။ ရှိပြီးသားဘာသာစကားအသုံးအနှုံးတွေကိုပဲ တစ်မျိုးပြောင်းသုံးတာဖြစ်ပါတယ်။ အဲဒါကို အချို့ပညာရှင်တွေက distortion ပုံဖျက်သုံးခြင်းလို့ဆိုပါတယ်။ အထူးသဖြင့်ကဗျာသုံး ဘာသာစကား poetic language ဆိုတာအဲသလို distortion လုပ်ထားတဲ့ အရေးအသားမျိုးလို့ပြောကြပါတယ်။ ကြည့်ပါ ၊ `ကဗျာရဲ့ လျို့ဝှက်ချက်ဟာ ရက်စက်ကြမ်းကြုတ်မှုပဲ´၊`နာကျင်မှုဝေဒနာဟာ အမှောင်ထဲကလာတယ်´၊`ဟောဒီတိတ်ဆိတ်မှုကို ကျွန်တော် အလှဆင်ချင်တယ်´၊`ညနေခင်းထဲပျော်ဝင်နေတဲ့ကြယ်´၊`ထောင့်ကို ချိုးကွေ့လိုက်တာနဲ့ ဆောင်းရာသီဖြစ်သွားတယ်´၊စသည်ဖြင့်။ သာမန်ပြောစကားတွေမဟုတ်ပဲ တင်စားသုံးစွဲတာတွေဖြစ်တယ်ဆိုတာသတိပြုမိမှာပါ။

            ကဗျာကို ဘာသာစကားနဲ့ရေးဖွဲ့ပြုလုပ်တာလို့ပြောခဲ့ကြပြီးပါပြီ။ လုံးလုံးလက်မခံရင်တောင်ငြင်းပယ်လို့မရပါဘူး။ ကဗျာကို ဘာသာစကားရဲ့ အထူးပြုလုပ်ချက်လို့လည်းပြောကြတာရှိပါတယ်။ ဒီလိုအထူးပြုလုပ်ချက်တွေထဲမှာ လိုင်းဖွဲ့ပုံ ၊ လိုင်းစီပုံ ၊ လိုင်းချိတ်ပုံ ၊ အသံနဲ့ အနက် `ကစား´ပုံတွေပါရှိပါတယ်။ ကဗျာတစ်ပုဒ်ရဲ့ လိုင်းတွေဘယ်ကလာသလဲ။လွယ်လွယ်ပြောရရင် ကဗျာဆရာဆီကလာ တာပေါ့။ ကဗျာဆရာဆီကလာတဲ့လိုင်းတွေဟာရှိပြီးသား စကားလုံးအသုံးအနှုံးတွေဖြစ်နိုင်သလိုသူ `ထွင်´သုံးတာတွေလည်း ဖြစ်နိုင် ပါတယ်။ ဥပမာ ၊ `ခင်္ဗျားကို ကျွန်တော်ဒါတွေပြောနေတာ/ခင်္ဗျားက သိချင်လို့ပဲပေါ့´၊`ကျွန်တော်ဟာ ဘာစည်းစိမ်ဥစ္စာမှ မရှိတဲ့ ဆင်းရဲ သားဆိုတော့ . . . ´၊ ` တစ်ခုခုက ကျွန်တော့်ကိုပြောနေတယ်´၊ ` ဘာငှက်မှလည်းတေးမသီဘူး´၊` ဒီဥစ္စာကို ဒီလိုစ လိုက်တယ်´ စတာတွေဟာ  သာမန်အရပ်သုံးစကားတွေပါပဲ။ ဒါတွေကို အထက်က ပြောခဲ့တဲ့ `ကဗျာဆန်´တဲ့ လိုင်းတွေနဲ့ ရောယှက်ဖွဲ့စည်းပြုလုပ် ထားတာဖြစ်ပါတယ်။ အကယ်၍ရှိပြီးသား သာမန်အရပ်သုံးစကားစာသားတွေကို ကဗျာထဲယူသုံးလို့ရရင် ရှိပြီးသားကဗျာတွေထဲက ကဗျာစာသားတွေကိုကောယူသုံးလို့မရဘူးလား။ ယူသုံးခွင့်မရှိဘူးလား။ ယူသုံးရင်ဘာကြောင့်ယူသုံးသလဲ။ အကယ်၍ရှိပြီးသား ကဗျာ တစ်ပုဒ်ပုဒ်ထဲက လိုင်းတစ်လိုင်းလိုင်းကို အခြားကဗျာတစ်ပုဒ်ထဲယူသုံးရင် quote လုပ်တာ ကိုးကားတာဖြစ်ပါတယ်။ ဘာရည်ရွယ်ချက်နဲ့ ကိုးကားတယ်ဆိုတာလည်းအမျိုးမျိုးရှိမှာပေါ့။ ရေးသူရဲ့ ရည်ရွယ်ချက်နဲ့ ဖတ်သူရဲ့ အနက်ပြန်ခြင်းဟာ ထပ်တူကျချင်မှကျမှာဆိုတော့။ အကယ်၍ကဗျာတစ်ပုဒ်လုံးမှာပါရှိတဲ့ လိုင်းအားလုံးဟာ ကိုးကားချက်တွေပဲဖြစ်တယ်ဆိုရင်ကော။ ရေးသူဆီက တစ်လုံးမှ မပါပဲ ၊ အားလုံးဟာ ရှိပြီးသားကဗျာတွေထဲကလိုင်းတွေပဲဆိုရင်ကော။ ဘယ်လိုပဲပြောပြော ၊ ရေးသူဟာ စိတ်ကြိုက်ရွေးချယ်ရခြင်းနဲ့ ပြန်စီရခြင်း အလုပ်ကိုတော့လုပ်ရပါတယ်။ အဲဒီအလုပ်ဟာ အနုပညာအလုပ်နဲ့ မပတ်သက်ဘူးဘား။ ဒူရှော့မ်ဟာ ပြပွဲမှာ ကျင်ငယ်ပမ်းခွက်ကို ပြသ ခဲ့ပါတယ်။ ဘာဖြစ်လို့ အခြားပစ္စည်းတစ်ခုခုမသုံးခဲ့တာလဲ။ အဲဒီကျင်ငယ်ပမ်းခွက်ကိုသူက `ရေပန်း´လို့အမည်တပ်လိုက်တယ်။ ပီကာဆို ကတော့ စက်ဘီးလက်ကိုင်ကို `နွားသိုး´လို့ နာမည်တပ်လိုက်တယ်။ အဲသလိုမြင်တတ်တာတွေ ၊`အသွင်ပြောင်း´ သုံးတတ်တာတွေ ဟာ အနုပညာမှာ imagination စိတ်ကူးဥာဏ်လို့ခေါ်သလိုcreativity or creative mind လို့လည်းပြောကြတာရှိပါတယ်။ လိုရင်းပြန် ကောက် ရရင် ဒီကဗျာထဲက လိုင်းအားလုံး ၊ [၁] ကနေ [၃၃]အထိဟာ ကိုးကားချက်တွေပဲဖြစ်ပါတယ်။အဲဒါကို ကာယကံရှင် ကဗျာ ဆရာကိုယ်တိုင်က သူ့ကဗျာအောက်မှာ မှတ်စုလိုမျိုးဖေါ်ပြထားပါတယ်။ အောက်ပါအတိုင်းဖြစ်ပါတယ်။

မှတ်ချက်။             ။

လိုင်းများ၏မူလဇစ်မြစ်

(၁) John Anderson ရဲ့“The Secret of Poetry” မှ

(၂) Paul Hoover ရဲ့ “Poetics” မှ

(၃) Mary Jo Bang ရဲ့ “You Were You Are Elegy” မှ

(၄) Louise Gluck ရဲ့ “The Untrustworthy Speaker”  မှ

(၅) Kristin Prevellat ရဲ့ “Dear George Bush” မှ

(၆) Sylvia Plath ရဲ့ “Lady Lazarus” မှ

(၇) Robert Hayden ရဲ့ “The Tattooed Man” မှ

(၈) Randall Jarrell ရဲ့ “90ံNorth” မှ

(၉) Chuang Tzu ရဲ့ ‘Action and Non – action” မှ

(၁၀) Audre Lorde ရဲ့ “Poetry is Not a Luxury” မှ

(၁၁) Amiri Baraka ရဲ့ “Political Poem” မှ

(၁၂) W.B. Yeats ရဲ့ “He Wishes for the Clothes of Heaven” မှ

(၁၃) Frederico Garcia Lorca ရဲ့ “City That Does Not Sleep” (Robert Bly ဘာသာပြန်) မှ

(၁၄) Frank Bidart ရဲ့ “Curse” မှ
(၁၅) William Carlos Williams ရဲ့ “Asphodel, That Greeny Flower” မှ

(၁၆) James Merill ရဲ့ “Lost in Translation” မှ

(၁၇) Linda Gregg ရဲ့ “Winter Love” မှ

(၁၈) W.S. Merwin ရဲ့ “For the Anniversary of My Death”  မှ

(၁၉) Archibald Macleish ရဲ့ “Ancestral” မှ

(၂၀) Sylvia Plath ရဲ့ “Fever 103ံ” မှ

(၂၁) Wallace Stevens ရဲ့ “A Rabbit as King of the Ghosts” မှ

(၂၂) Frank O’Hara ရဲ့ “Poem” မှ

(၂၃) John Ashbery ရဲ့ “Vetiver” မှ

(၂၄) Robert Duncan ရဲ့ “My Mother Would be a Falconress” မှ

(၂၅) John Keats ရဲ့ “La Belle Dame Sans Merci” မှ

(၂၆) William Blake ရဲ့ “The Chimney Sweeper” မှ

(၂၇) Weldon Kees ရဲ့ “The Parity” မှ

(၂၈) Lucie Brock – Broido ရဲ့ “Leaflet on Wooing” မှ

(၂၉) Margaret Atwood ရဲ့ “You Begin” မှ

(၃၀) Edna St Vincent Millay ရဲ့ “Ashes of Life” မှ

(၃၁) Jean Valentine ရဲ့ “Actuarial File” မှ

(၃၂) Charles Olson ရဲ့ “The Kingfishers” မှ

(၃၃) Wallace Stevens ရဲ့ “The Well Dressed Man With A Beard” မှ

                                                            ဇေယျာလင်း

                                                            18 – Dec – 09