ကိုယ်တို့ရဲ့ပတ်လည်က ငါးတွေဟာ
ကျယ်ပြန့်ပြီး အထီးကျန်နေရှာကြတယ်။
သူတို့မှာ မင့်မျက်လုံးတွေ မရှိကြဘူး။
ရေပူစီပေါင်းတစ်မျှောင်း
မင့်အတွေးတွေကို
မသေပဲကျန်ရစ်ခဲ့မှုရဲ့တောက်ပတဲ့
နှုတ်ခမ်းသားဆီသယ်မ, သွားတယ်။
အဲဒီအထက်ဆီမှာ
မင့်ပါးစပ်လိုလှပတဲ့ပါးစပ်တစ်ခု
ကိုယ့်နှုတ်ခမ်းတွေကိုရေမှော်တွေနဲ့
စွန်းထင်းအောင်လုပ်လိုက်တယ်။
ညိယှက်နေကြတဲ့အိပ်ချင်မူးတူးကွန်ထဲမှာ
ကိုယ့်လက်မောင်းတစ်ဘက်ဆန့်လိုက်လို့ရတယ်
ကိုယ်တို့နှစ်ယောက်စလုံးကိုတွန်းတင်လိုက်ဖို့
ကျိုးပဲ့နေတဲ့မျက်နှာပြင်တွေရဲ့ဘယ်လိုပဲ
ပုံမှန်အနေအထားဖြစ်ဖြစ်ဆီကိုပေါ့။ Continue reading
Tag: translation
စကားပြေနဲ့ကဗျာ စည်းခြားတဲ့မျဉ်းအကြောင်း မင်းမေးလို့
တဖြည်းဖြည်းအေးခဲလာနေတဲ့မိုးဖွဲထဲ
စာကလေးတွေစားသောက်နေကြတယ်
အဲဒီမှာမင်းကြည့်နေရင်း
နှင်းခဲလေးတွေဖြစ်သွားတယ်
မမြင်ရတဲ့အပူချိန်ပြောင်းလဲနှုန်းကိုစီးလို့
ငွေရောင်တစောင်းကနေ
ကြုံရာကျပန်း၊ဖြူဖြူလေးတွေဖွေးဖွေးလာတာ
ဖြည်းဖြည်းချင်း။
မင်းတတ်အပ်မပြောနိုင်တဲ့အခိုက်
ရုတ်တရက်
ပြုတ်ကျကြရမယ့်အစား
စာကလေးတွေဟာရှင်းရှင်းပဲ
ထပျံသွားကြတယ်။
(ဟားဝဒ် နဲမရော့ဗ် (အမေရိကန်) Howard Nemerov ရဲ့ Because You Asked about the Line between Prose and Poetry)
(၁၉၇၇)
ဇယလ
၂၉ ဧပြီ ‘၁၉
ဇန္နဝါရီလမှာအမေ့ပုံ
ထိုင်နေကျထိုင်ခုံမှာအမေဟာငိုက်နေတယ်
ခဏနိုးလာ ဖတ်လက်စစာအုပ်ဖတ်
ပြီး ပြန်ငိုက်သွားတယ်။
လေဟာအိမ်ကိုကမူးရှူးထိုး
ဝင်တိုက်ပြီး
ဒီလှိုင်းလိုပြန်လိမ့်ဆင်းသွားတယ်။
သစ်ပင်တွေမီးထဟပ်။
နေ့လည်ခင်းတွေဟာအခက်ခဲဆုံး။
နေ့လည်ခင်းတွေမှာအဆုံးသပ်မရှိသလိုပဲ၊
အဆုံးလည်းမသပ် ဘယ်သူမှလည်းမရှိ။
အပြင်မှာသစ်ပင်တွေဟာစုန်းအက။
ထိုင်ခုံမှာအမေဟာတဖြေးဖြေးသေးကျုံ့လာတယ်။ ။
(ဩတ်စ် ကလိုင်းန်ဇာလာ August Kleinzahler ရဲ့ Portrait of My Mother in January)
ဇယလ
၁၅ ဧပြီ ‘၁၉
မသိဘူး၊ နေချင်တယ်
First published on Poetry International, 2018
Continue reading
ပထမဆုံး ကွန်မြူနစ်တွေကို ဖမ်းဖို့ (မာတင် နီမိုလာ)
ပထမဆုံး ကွန်မြူနစ်တွေကို ဖမ်းဖို့
သူတို့ ရောက်လာကြတယ်
ကိုယ်ဘာမှ မဆန့်ကျင်ခဲ့ဘူး
ကိုယ်ဟာ ကွန်မြူနစ်မှ မဟုတ်တာ
ပြီး ဆိုရှယ်လစ်တွေကို ဖမ်းဖို့
သူတို့ ရောက်လာကြတယ်
ကိုယ်ဘာမှ မဆန့်ကျင်ခဲ့ဘူး
ကိုယ်ဟာ ဆိုရှယ်လစ်မှ မဟုတ်တာ
ပြီး အလုပ်သမားသမဂ္ဂဝင်တွေကို ဖမ်းဖို့
သူတို့ ရောက်လာကြတယ်
ကိုယ်ဘာမှ မဆန့်ကျင်ခဲ့ဘူး
ကိုယ်ဟာ အလုပ်သမားသမဂ္ဂဝင်မှ မဟုတ်တာ
ပြီး ကိုယ့်ကို ဖမ်းဖို့
သူတို့ ရောက်လာကြတယ်
ဆန့်ကျင်ဖို့ ဘယ်သူမှ မရှိကြတော့ပြီပဲ။
(Martin Niemoller ရဲ့ First they came for the communists)
Recent Comments