ကဗျာအကြောင်းပြောပါတယ် (၄၈)

“ကဗျာကို လွတ်လွတ်လပ်လပ်ရေးတယ်” ဆိုတဲ့စကားကို အချက် ၅ ချက်နဲ့ သုံးသပ်ဖို့ လိုပါတယ်။

(၁) ကဗျာအနုပညာပေါ် နားလည်မှုသဘောထား
(၂) ကဗျာရေးဖွဲ့မှု ပြုလုပ်ခြင်းပေါ် နားလည်မှုသဘောထား
(၃) ‘လွတ်လပ်မှု’ရဲ့ အဓိပ္ပါယ်ပေါ် နားလည်မှုသဘောထား
(၄) စိတ်ရဲ့အလုပ်လုပ်ပုံပေါ် နားလည်မှုသဘောထား
(၅) ကဗျာရေးသူကိုယ်တိုင်ရဲ့ ရေခံမြေခံပေါ် နားလည်မှုသဘောထား

ချဲ့တွေးရင် တွေးသလောက် အတွေးဟာ ပြေးပြီး
ကန့်သတ်အတွေးနဲ့ အရသာခံ ပါဝါရံနေရင်လည်း တစ်မျိုးပေါ့။

မိမိကိုမိမိ သိစေဖို့ပါပဲ။

စဉ်းစားမိတာ ပြောပါတယ်။
ကဗျာအကြောင်း ပြောပါတယ်။

၁၀ ဂျွန် ‘၁၈
ဇယလ (ခေတ္တ ရောမ)

ကဗျာအကြောင်း ပြောပါတယ် (၄၇)

ဘယ်ကဗျာပုဒ်မဆို (ပြည်တွင်း၊ ပြည်ပ၊ဝါဒ၊ ကျောင်းတော်၊ ဂိုဏ်း၊ အုပ်စု၊ အမျိုးအစား၊ တစ်ကိုယ်တော်) ဟာ ကိန်းသေနဲ့ ကိန်းရှင်တို့ရဲ့ ကကွက်/ နပမ်းကွက်တွေ ဖြစ်တယ်။ 

ကိန်းသေထဲမှာ မိမိသိမ်းဆည်းတည်ဆောက်ထားတဲ့ သညာသယံဇာတတွေ၊ သိမှုအစုအဝေးတွေ၊ တွေ့ကြုံခံစားမှုပေါ် ခံယူတုန့်ပြန်မှု အကျင့်စရိုက်တွေ ပါဝင်ဖွဲ့စည်းထားကြတဲ့  ယဉ်ကျေးမှု တည်ဆောက်ချက်နဲ့ တသီးပုဂ္ဂလ စစ်ထုတ်ယူမှုတို့ ပါရှိကြပါတယ်။ ဥပမာ၊’ကဗျာဆိုတာဘာ…’၊’အမျိုးသားရေး’၊’သပ္ပုရိသသူတော်စင်’၊’ဘာသာစကား’ ၊စသည်၊ စသည်တို့။ 

ကိန်းရှင်ကတော့ တီထွင်ဖန်တီးနိုင်စွမ်းရဲ့မူလဘူတဖြစ်တဲ့ စိတ်ကူးကွန့်မြူးဖြန့်ကျက်မှု အပါအဝင် စိတ်/နာမ်ရဲ့ (အစိုးမရတဲ့) လုပ်ဆောင်ချက်တွေဖြစ်ပါတယ်။ ဒီကိန်းရှင်ဟာ လူတွေမှာ စိတ်ရှိသမျှ ကိန်းသေထဲက အစိတ်အပိုင်းတွေကို ရှိရင်းစွဲအတိုင်း လက်ခံကျင့်သုံး(အတည်ယူ)သလို ပြုပြင်ပြောင်းလဲ ဆန့်ထုတ်ချဲ့ထွင် သုံးစွဲတာလည်း ရှိပါတယ်။ 
Continue reading

ကဗျာအကြောင်း ပြောပါတယ် (၄၆)

ယဉ်ကျေးမှုကူးလူးဆက်ဆံမှုဟာပုဂံခေတ်ကတည်းကနေဒီနေ့အထိရှိပါတယ်။ယုံကြည်မှုဗေဒကအစ၊နံရံပန်းချီ၊ရုပ်ထုတွေ၊’ယိုးဒယား’အပါအဝင်အလယ်၊ဝတ်/စားဆင်ယင်မှုနဲ့ ဘာသာစကားအဆုံး။

မနုဿဗေဒကိုမသိချင်ယောင်ဆောင်ပြီးသမိုင်းကိုကိုယ့်ကိုကိုယ်ရွှေရောင်သုတ်ရွှေမှုန်ကြဲတာကတော့အကျိုးအမြတ်ကိစ္စပေါ့။အောင်နိုင်သူများဓားမိုးရေးတဲ့ဇာတ်လမ်း(တွေ)ပေါ့။အာဏာသုံးတည်ဆောက်ချက်တွေပေါ့။

“မြန်မာ့ယဉ်ကျေးမှု” မှာ တိုင်းရင်းသားယဉ်ကျေးမှု ဘယ်လောက် ဘယ်လို ပါသလဲ။
Continue reading

ကဗျာအကြောင်း ပြောပါတယ် (၄၅)

ကဗျာတိုင်းဟာ အခြားကဗျာတွေဆီက ဆင်းသက်လာတာ ဖြစ်တယ်။ ကဗျာဆရာဆိုတဲ့လူဟာ ကြားခံပစ္စည်းပဲ။ သူ့ခေါင်း/ စိတ်/ နှလုံး/ ခံစားမှု/ ဝိဉာဏ်/ နှလုံးအိမ်/ သိစိတ်/မသိစိတ်ထဲက ဘာသာစကား (ထဲက မှတ်ဉာဏ်ထဲက ကဗျာ)ဟာ သူ့ကို ကဗျာရေးစေတာ ဖြစ်တယ်။
Continue reading

ကဗျာအကြောင်း ပြောပါတယ် (၂၂)

ကဗျာရေးခြင်းအမှုကို အလေးအနက်ပြုသူမှာ ဖြတ်သန်းမှုအဆင့် ၃ဆင့်ရှိမယ်လို့ ထင်ပါတယ်။

အကြောင်းတစ်ခုခုကြောင့် သော်လည်းကောင်း၊ လိုရာအကျိုးတစ်ခုခုကြောင့် သော်လည်းကောင်း၊ မိမိကြိုက်နှစ်သက်ရာ၊ မိမိစွဲလန်းရာ ကဗျာပုဒ်တွေကိုကြည့်ပြီး လိုက်တုပရေးတဲ့အဆင့်။ကဗျာရေးဖို့ပဲသိပြီး ကဗျာဆိုတာကို ရိပ်ဖမ်းသံဖမ်းရဲ့အရိပ်လောက်ပဲ သိတဲ့အဆင့်။

ဒုတိယအဆင့်က ကဗျာကို နဂိုထက် ပိုပိုသာသာလေး အာသာငမ်းငမ်း ရှိလာပြီ။ ဒီအတိုင်း ကြည့်နေရတာ လှတာလောက်နဲ့ မပြေတော့ပဲ ချွတ်ကြည့်ချင်လာပြီ။ သဒ္ဒလင်္ကာရ၊ အတ္ထလင်္ကာရတွေ၊ ကာရန်၊ အလင်္ကာ၊ နိမိတ်ပုံ၊ သင်္ကေတတွေ၊ ကဗျာဆိုင်ရာဆောင်းပါးတွေ ဖတ်တတ်မှတ်တတ်လာပြီး ဘာသာစကား ဆိုတာနဲ့ တိုးတော့တာပဲ။ ဘာသာစကားနဲ့ လုပ်ထားတဲ့ပစ္စည်းပါလားလို့ တွေ့မြင်ရတော့တယ်။ ဒါပေမယ့်၊ အရေးကြီးတာ မကြီးတာကို ခွဲမြင်တတ်လာရတယ်။ Continue reading