အွန်လိုင်းကဗျာကိစ္စအချို့

ရှေးတုန်းက ကဗျာကို ပေရွက်ပေါ်ကညစ်နဲ့ ရေးခြစ်ခဲ့ကြတယ်။ စက္ကူပြုလုပ်ခြင်းအတတ်ပညာ ပေါ်လာတော့ စက္ကူပေါ်မင်နဲ့ ရေးသား/ရေးဆွဲခဲ့ကြတယ်။ စက္ကူပေါ်သစ်သားဘလောက်တုံးတွေနဲ့ `ဘလောက်´ ပုံနှိပ်ပြုလုပ်ခဲ့ကြတယ်။ ပုံနှိပ်စက်ပေါ်လာတော့ စက္ကူပေါ် ပုံနှိပ်ထုတ်ဝေလာကြတယ်။ ဂက်စတက်တ်နာ ပေါ်လာတော့ ဂက်စတက်တ်နာ/ဖယောင်းလှည့်စက္ကူပုံနှိပ်ပေါ်လာတယ်။ ကွန်ပြူတာပေါ်လာတော့ ကွန်ပြူတာပေါ်စာရိုက် ၊ ပရင့်တ်အောက်ထုတ်ပြီး အဲဒါကို တစ်ခါ ဖိုတိုမိတ္တူကူးလို့ရတဲ့ ကွန်ပြူတာ/ဖိုတိုကော်ပီ စာတွေပေါ်လာတယ်။ အင်တာနက် access ရလာတော့ online ပေါ်ရေးသားတင်ပြမှုတွေပေါ်လာတယ်။ အခုထိ စက္ကူပေါ်ခဲတံ ၊ ဘောပင်စသည်တို့နဲ့ရေးသားတာတွေလည်းရှိတုန်းပါပဲ။

ဆိုလိုတာက `ပေရွက်ကဗျာ´ ၊ `ဘလောက်တုံးကဗျာ´ ၊ `ပုံနှိပ်ကဗျာ´၊ `ဖယောင်းစက္ကူကဗျာ´၊ `ကွန်ပြူတာ/ဖိုတိုကော်ပီ ကဗျာ´ စတာတွေမရှိခဲ့ပဲ အခုမှ`အွန်လိုင်းကဗျာ´ ဆိုတာပေါ်လာခြင်းပါပဲ။ ခေတ်ရဲ့ တိုးတက်မှုရဲ့ အသီးအပွင့်တစ်ခုဆိုတာကိုငြင်းလို့ မရပေမယ့် `အွန်လိုင်းကဗျာ´ ဆိုတာနားလည်လွဲစရာတစ်ခုဖြစ်လာပါတယ်။ ဖြစ်နေတယ်လို့ဆိုရင်ပိုမှန်မလားပဲ။ အဲဒီတော့ ၊ အွန်လိုင်း ကဗျာဆိုတာဘာလဲ။
Continue reading

UNESCO ညွှန်ကြားရေးမှူးချုပ် မစ္စ အိုင်ရီးနား ဗိုကိုဘာ၏ ၂၀၁၂ မတ်လ ၂၁ ကမ္ဘာ့ကဗျာနေ့အတွက် သ၀ဏ်လွှာ

ကဗျာဟာ ဘာသာဗေဒနဲ့ယဉ်ကျေးမှုဆိုင်ရာ ဖွင့်ဟဖေါ်ပြချက်ရဲ့ အမြင့်ဆုံး ပုံသဏ္ဌာန်တွေထဲက တစ်ခုအပါအ၀င်ဖြစ်ပါတယ်။ ဖန်တီးမှုနဲ့ ဘာသာစကား လုံးဝလွတ်လပ်မှုတို့ကို ပေးခြင်းအားဖြင့် ကဗျာဟာ လူတွေရဲ့ အိုင်ဒင်တတီတွေရဲ့ အရေးပါတဲ့ အစိတ်အပိုင်း တစ်ခု ဖြစ်ပါတယ်။ ဒိအပြင် ဂီတ အကနဲ့ ပန်းချီတို့လိုပဲ ကဗျာဟာ မိမိတို့ရဲ့ ကိုယ်ပိုင် အိုင်ဒင်တတီတွေ ဖန်တီးဖို့ အစဉ်မပြတ် ထောက်ကူလျက် ရှိပါတယ်။

ကဗျာဟာ ယဉ်ကျေးမှု ကွဲပြားခြားနားမှုနဲ့ ဘာသာစကားရဲ့ ကွဲပြားခြားနားမှုတို့အကြား လေးနက်တဲ့ ချိတ်ဆက်မှုကို ဖွဲ့စည်းပြုလုပ်တဲ့ နေရာလည်း ဖြစ်ပါတယ်။ အသံတွေ၊ မက်တဖာတွေ၊ သဒ္ဒါတွေနဲ့ ဖွဲ့စည်းပြုလုပ်တဲ့ ကဗျာဘာသာစကားဟာ ကမ္ဘာ့ယဉ်ကျေးမှုများ၊ ကမ္ဘာ့ဘာသာစကားများ တဖြေးဖြေး ဆိတ်သုံး ပျောက်ကွယ်လာခြင်းကို ကာကွယ်ဟန့်တားနိုင်တဲ့ တံတိုင်းလည်း ဖြစ်ပါတယ်။ ဘာသာစကားရဲ့ ဖြစ်နိုင်ခြေ အစွမ်းသတ္တိတွေကို စူးစမ်းရှာဖွေ ဖေါ်ထုတ်ခြင်းအားဖြင့် ကဗျာဖန်တီးမှုဟာ ငြိမ်းချမ်းရေးရဲ့ အာမခံချက်ဖြစ်တဲ့ ယဉ်ကျေးမှုများ အပြန်အလှန် ဒိုင်ယာလော့ခ် ပြုခြင်းကို ပြည့်စုံကြွယ်ဝစေပါတယ်။
Continue reading

မန္တလေးစာဖတ်ပရိသတ်များအား အနူးအညွတ် တောင်းပန်ခြင်း

၂၀၁၂ ၊ ဖေဖော်ဝါရီ လထုတ် `လှိုင်းသစ်´ မဂ္ဂဇင်း အမှတ် (၁၃) တွင်ဖေါ်ပြပါရှိသော ကျွန်တော်၏ `ကဗျာနှင့် နိုင်ငံရေး´ ဆောင်းပါးတွင် မန္တလေးကဗျာဆရာမိတ်ဆွေအချို့အပါအ၀င် မန္တလေးစာဖတ်ပရိသတ်များကို ထိပါးရေးသားထားသည့် သဘောသဖွယ် သက်ရောက်ပါသဖြင့် ကျွန်တော့်အပေါ်ငြိုငြင်သည်ကို ကြားသိရ၍ ကျွန်တော်စိတ်မကောင်းဖြစ်ရပါသည်။ ထိုသို့သဘောသက်ရောက် သွားသဖြင့်မန္တလေးစာဖတ်ပရိသတ်များနှင့် မန္တလေးကဗျာဆရာမိတ်ဆွေများအားဤတွင် ကျွန်တော်ဇေယျာလင်း အနူးအညွတ်တောင်း ပန်အပ်ပါသည်။

‘လှိုင်းသစ်’ မဂ္ဂဇင်းပါ အဆိုပါဆောင်းပါးကို မဖတ်ရသေးလျှင်အထက်ပါ `မန္တလေး´ကိစ္စပါရှိသော စာပိုဒ်ကို ကျွန်တော်ပြန် လည်ဖေါ်ပြလိုပါသည်။ စာမျက်နှာ ၁၀၄ ၊ ကော်လံ ၂ ၊ စာပိုဒ် ၂ ၊ လိုင်း ၄ တွင်ဖြစ်ပါသည်။

‘ဒါဆို ဘာဖြစ်လို့ ခေတ်ပေါ်ကဗျာကို ဆန့်ကျင်တာလဲ။ အဲသလိုမေးခွန်းမျိုး
ကျွန်တော် မေးခံရဖူးပါတယ်။ အထူးသဖြင့် မန္တလေးသားတွေဆီကပေါ့’။

ဆက်စပ်၍ အဆိုပါ ဆောင်းပါးအကြောင်း အနည်းငယ်မျှ ပြောပါရစေ။ ထိုဆောင်းပါးကို ဆောင်းပါးအောက်ခြေ၌ နေ့စွဲတပ်ထားသည့်အတိုင်း သင်္ကြန်ရက်နေ့များ ၊ ၂၀၀၇တွင် ရေးသားပြီးစီးခဲ့ပါသည်။ ထိုကာလ၌ LANGUAGE POETRY/ LP/ ဘာသာစကားကဗျာနှင့် ပတ်သက်၍ ကျွန်တော့်အား ရှေ့တွင်လည်းကောင်း ၊ ကွယ်ရာတွင်လည်းကောင်း ၊ စာအားဖြင့်လည်းကောင်း ၊ ဖုန်းအားဖြင့်လည်း ကောင်း စာပေမဆန် ၊ အယူအဆ/ သဘောတရားမဆန်ပဲ ပုဂ္ဂိုလ်ရေးဦးစားပေး တိုက်ခိုက်မှုများ ၊ ညစ်ညမ်းစွာ ဆဲရေးတိုင်းထွာမှုများ ပြုလုပ်ခဲ့ကြသည်သာမက ကိုယ်ထိလက်ရောက် ကျူးလွန်ခံရခြင်းပင် ရှိခဲ့ပါသည်။ လူပုဂ္ဂိုလ်အမည်များ ကျွန်တော် ထုတ်ဖေါ်ပြောခြင်း မပြုလိုပါ၍ မပြောတော့ပါ။ ထိုကဲ့သို့ ပြုလုပ်သူများတွင် အဓိကအားဖြင့် မန္တလေးနှင့် ပျဉ်းမနားမှ (တစ်ချိန်က) ကဗျာမိတ်ဆွေ/ ရေးဘော်များ ဖြစ်ကြပါသည်။ ထို့ကြောင့် အထက်ပါဆောင်းပါးတွင် `မန္တလေးသားတွေ´ ဟုပါရှိသွားခဲ့ခြင်း ဖြစ်ရပါသည်။ မခံမရပ်နိုင်ဖြစ်ခဲ့ရသည့် ကိစ္စကို အဆိုပါဆောင်းပါးတွင် ဤကဲ့သို့ ရေးသားပါရှိခဲ့ခြင်းကို ကျွန်တော့်အမှားဟု ခံယူပြီး ယခုလို တောင်းပန်ခြင်း ဖြစ်ပါသည်။
Continue reading

မြန်မာနိုင်ငံကဗျာဆရာများသမဂ္ဂ (UMP) နဲ့ ကျွန်တော် (၁)

မြန်မာနိုင်ငံ ကဗျာဆရာများ သမဂ္ဂ (UMP) မှာ ကျွန်တော့်ကို အတွင်းရေးမှူးတစ်ဦးအနေနဲ့ ထည့်ထားတယ်လို့ သိရပါတယ်။ အစည်းအဝေး ၂ ကြိမ်ကျင်းပခဲ့ပေမယ့် ကျွန်တော်ဘယ်လိုမှ မအားလို့ မတက်ရောက်နိုင်ခဲ့ပါဘူး။


UMP နဲ့ ပတ်သက်လို့ကျွန်တော့်အနေနဲ့ ဒီဝက်ဘ်ဆိုက်သ်ကနေပဲ တင်ပြစရာရှိတာတွေ တင်ပြသွားမယ်လို့ ဆုံးဖြတ်ထားပါ တယ်။ ကွန်မန့်တွေ ပေးလို့လည်း ရပါတယ်။


၂၀၁၁ အကောင်းဆုံး (အကြိုက်ဆုံး) ကဗျာစာအုပ်ရွေးချယ်ရေး

၁၄ – ၂ – ၂၀၁၂ နေ့စွဲပါ (ဆရာ) မောင်စိမ်းနီရဲ့ စာထဲမှာ အောက်ပါအတိုင်းပါရှိပါတယ်။

“ကျွန်တော်တို့မြန်မာနိုင်ငံကဗျာဆရာများ သမဂ္ဂအနေဖြင့် ၂၀၁၁ ခုနှစ်အတွင်းထုတ်ဝေခဲ့ကြသော ကဗျာစာအုပ်များ (တစ်ဦး ချင်း + စုပေါင်း) ထဲမှ အကောင်းဆုံး (အကြိုက်ဆုံး) ကဗျာစာအုပ်တစ်အုပ်ကို ရွေးချယ်ကာ ဆုပေးမှာဖြစ်ပါတယ်။ ဆုရွေးချယ်ရေး အဖွဲ့ တွင် ဆရာလဲပါဝင်ပါတယ်။ ၂၀၁၁ ခုနှစ်တွင်း ထုတ်ဝေခဲ့သော ကဗျာစာအုပ်များထဲမှ ဆရာအကြိုက်ဆုံး ကဗျာစာအုပ် (၃) အုပ်ကို အရင်ရွေးထုတ်ကာ စာရင်းပေးဖို့ စေလိုပါတယ်။

(နောက်မှ – အဆင့်ဆင့်စိစစ်ရွေးချယ်ပြီး တစ်အုပ်တည်း ရွေးထုတ်မှာ ဖြစ်ပါတယ်)။´´


ကျွန်တော့်ရဲ့ ပြန်စာဟာ ဒီလိုဖြစ်ပါတယ်။
Continue reading

ပြင်သစ်ယဉ်ကျေးမှုဋ္ဌာန Open Mic ကဗျာပွဲလေးသတင်း

ရန်ကုန်မြို့ Alliance Francaise ပြင်သစ်ယဉ်ကျေးမှုဋ္ဌာနမှာ ၁၀ ၊ ၂ ၊ ၂၀၁၂ သောကြာနဲ့ ၁၁ ၊ ၂ ၊ ၂၀၁၂ စနေ ညနေ နှစ်ညနေမှာ Open Mic ကဗျာပွဲလေးကျင်းပခဲ့ပါတယ်။ တကယ်တော့ အဲဒီဋ္ဌာနမှာ တစ်ပတ်လုံးကျင်းပခဲ့တဲ့ ပြဇာတ်ဆိုင်ရာ ပညာရှင် များနဲ့ စိတ်ဝင် စား သူများတွေ့ဆုံနှီးနှောဖလှယ်ပွဲရဲ့ အဆုံးသပ်အနေနဲ့ စင်တင်ပွဲလေးလုပ်ဖို့ မူလကတည်းက စီစဉ်ထားတဲ့ အထဲမှာ Theatre of the Disturbed က (ဒါရိုက်တာ/ပြဇာတ်ဆရာ/ပါဖေါ့မင့်စ်) ကို ဥာဏ်လင်းထက်က ကဗျာရွတ်ပွဲလေးပါထည့်ချင်တယ်လို့ ကျွန်တော့်ကို ၉ ၊ ၂ ၊ ၂၀၁၂ ကြာသာပတေးနေ့လည်လောက်လာပြောပါတယ်။ ကျွန်တော်လည်း `ဟုတ်ကဲ့ ၊ ဖြစ်အောင်လုပ်ပေးပါ မယ်´လို့ ဂတိပေးလိုက်ပါ တယ်။ သူ့ဘက်ကလည်း သူသိတဲ့ ကဗျာဆရာတွေကို အကြောင်းကြားမယ်ပေါ့။ ကျွန်တော်ကတော့ ထုံးစံ အတိုင်း ကိုမိုးဝေးပေါ့။ ပြီး. . . ကိုမိုးဝေးကတစ်ဆင့် ။ . . ။

ပြင်သစ်ယဉ်ကျေးမှုဋ္ဌာန AF နဲ့ ကျွန်တော်ရင်းနှီးတာကြာပါပြီ။ အခုကွယ်လွန်သွားရှာပြီဖြစ်တဲ့ AF စာကြည့်တိုက်မှူး ဦးဂျင်မီ (ပန်းချီဆရာ ကျော်ညွှန့်လင်း/ပါဖေါ့မင့်စ်)က အဲဒီမှာ ပြုလုပ်တဲ့ အနုပညာပွဲတိုင်းကို ဖိတ်ပါတယ်။ ကျွန်တော်ကလည်း မအားတာများ တော့မသွားတာများပါတယ်။ တစ်နေ့တော့ ၊ AF မှာ ကဗျာပွဲလေးလုပ်ချင်တယ်ဆိုလို့ `အိုကေ´ပေါ့၊ `လုပ်ကြတာပေါ့´ဆိုပြီး `ပြင်သစ် ကဗျာရွတ်ပွဲ – နွေဦးညနေ´ အစီအစဉ်လေးဖြစ်ခဲ့ပါတယ်။ (ရုတ်တရက်ခုနှစ်မမှတ်မိတာသီးခံပါ။ ၂၀၀၄လို့ထင်ပါတယ်။ ထားပါ။) ကိုပြည့်မင်း ၊ ကိုမိုးဝေး ၊ ကိုဟိန်းမြတ်ဇော် ၊ ကိုသည်မော်နိုင် ၊ ဆရာမောင်မောင်ဇေယျ ၊ ဒေါ်မအိတို့လည်းပါကြပါတယ်။ အဲဒီပွဲပြီးလို့ ထုံးစံအတိုင်း ပွစိပွစိ တွေပေါ့။ လက်သိပ်ထိုးလုပ်တယ်တို့ ၊ ဘယ်သူကျတော့ မဖိတ်ဘူးတို့ ။ အဲဒါနဲ့ Futurism နှစ် (၁၀၀)ပြည့်ပွဲလုပ် မယ်ဆိုတော့ ကိုလှသန်း၊ ကိုကြည်ဇော်အေး စသူတို့ကို တကူးတက ဖိတ်ကြားပါတယ်။ Slam Poetry မိတ်ဆက်ပွဲတုန်းကလည်း နီးစပ် ရာတွေနဲ့ နီးစပ်ရာတွေရဲ့ ဆက်စပ်နီးစပ်ရာတွေကိုပါ ဖိတ်ပါတယ်။

အဲ . . . ကိုဥာဏ်လင်းထက်လည်းပြင်သစ်ရောက်နေ ၊ ကိုဂျင်မီလည်း မကွယ်လွန်ခင်အထိ နာမကျန်းဖြစ်နေတော့ ကျွန်တော် လည်း AF နဲ့ တော်တော်အဆက်ပြတ်သွားပါတယ်။ ကြာသာပတေးနေ့က ကိုဥာဏ်လင်းထက်ရောက်လာတော့မှ ပြန်ဆက်ဖြစ်တဲ့ သဘောပါ။
Continue reading