၂၀၁၄ ကမ္ဘာ့ကဗျာနေ.သို.

၂၀၁၄ ၊ ကမ္ဘာ့ကဗျာနေ့ သို့

မြန်မာကဗျာနဲ့ မြန်မာကဗျာလောကအတွက် မင်္ဂလာရှိတဲ့ ၂၀၁၄ ကမ္ဘာ့ကဗျာနေ့မှာ အခုလိုစကားနည်းနည်းပြောခွင့်ရတဲ့အ တွက် အများကြီးကျေးဇူးတင်ပါတယ်။ အရင်ဦးဆုံး ၊ မြန်မာကဗျာဆရာသမဂ္ဂဥက္ကဋ္ဌ ၊ ဒုဥက္ကဋ္ဌ ၊ နှင့်တကွအခြား တာဝန်ရှိသူအားလုံး နဲ့အတူ ကဗျာညီအကိုတွေနဲ့ ဧည့်ပရိသတ်တို့ပါကျန်းမာပျော်ရွှင်ကြပါစေလို့ ဆုမွန်ကောင်းတောင်းလိုက်ပါတယ်။

ဒီစာဟာ စာတမ်းမဟုတ်သလို လုပ်ငန်းလမ်းညွှန်လည်းမဟုတ်ပါဘူး။ ကျွန်တော့် ၂၀၁၂ – ၂၀၁၃ နိုင်ငံတကာ ကဗျာပွဲတော် တွေတက်ရောက်ခွင့်ရခဲ့တဲ့အတွေ့အကြုံတွေထဲက တွေးမိတွေးရာလေးကို ဖေါက်သည်ချတဲ့ သဘောလောက်ပဲဖြစ်ပါတယ်။ အံ့ဩစရာ တွေပါမှာမဟုတ်သလို ထိတ်လန့်တုန်လှုပ်စရာတွေလည်းပါမှာမဟုတ်ပါဘူး။

ကဗျာဟာ ကမ္ဘာကြီးကို တိုက်ရိုက်မပြောင်းလဲနိုင်ပေမယ့် ကမ္ဘာကြီးရဲ့အလှည့်အပြောင်းတွေဟာ သိမှုအလှည့်အပြောင်းတွေနဲ့ အတူကဗျာမှာလည်း အလှည့်အပြောင်းတွေဖြစ်လာတယ်ဆိုတာ ကဗျာဆရာတွေသိပြီးသားဖြစ်ပါတယ်။ ဘာတွေဘယ်လိုပဲလှည့်ပြောင်း စေဦးတော့ ကဗျာဆရာအတွက် မပြောင်းလဲတဲ့ မေးခွန်းတွေကတော့ရှိစမြဲပါပဲ။ အဲဒီမေးခွန်းတွေထဲမှာ ပါဝင်တာအချို့ထုတ်ပြရရင်(တစ်) ဘာလို့ကဗျာရေးတာလဲ ၊(နှစ်) ကဗျာကိုဘယ်လိုရေးသလဲ ၊ (သုံး) ကဗျာဆရာ- ကဗျာ- ကဗျာဖတ်ပရိသတ်ဆိုတဲ့ဆက်သွယ်မှုကွန်ယက် ကို ဘယ်လိုချဲ့ထွင်မလဲ။ ဒီမေးခွန်းတွေကို ကာယကံရှင်ကိုယ်တိုင်ကပဲချဉ်းကပ်ဖြေရှင်းရမှာလည်းဖြစ်ပါတယ်။ ဘယ်ဒေသန္တရဂိုဏ်းဂဏ ပဲဖြစ်စေ ၊ အယူဝါဒဂိုဏ်းဂဏပဲဖြစ်စေ ၊ ကဗျာဗေဒဂိုဏ်းဂဏပဲဖြစ်စေ ၊ နောက်ဆုံးသူများတွေနဲ့မတူချင်လွန်းတဲ့ ဂိုဏ်းဂဏစွဲ ဂိုဏ်းဂဏ ပဲဖြစ်စေ ၊ ဘယ်ဂိုဏ်းဂဏကမှ ကာယကံရှင်ကဗျာဆရာကိုလွှမ်မိုးချုပ်ကိုင်ပြီး သူ့ကလောင်လက်ကို မောင်းနှင်လို့မရပါဘူး။

ကဗျာဆရာတွေဟာ လွတ်လပ်မှုကို မြတ်နိုးကြတယ်လို့ပြောစမှတ်ပြုကြပါတယ်။ လွတ်လပ်မှုရဲ့အနက်အဓိပ္ပါယ်အမျိုးမျိုးနဲ့ လွတ်လပ်မှုအမျိုးမျိုးထဲက ကဗျာဆရာရဲ့လွတ်လပ်မှုကို `လွတ်လပ်စွာရွေးချယ်မှု´လို့ ကျွန်တော်မြင်ပါတယ်။ ကဗျာအနုပညာ Poetry ဟာ နာမ်သဘောဖြစ်ပြီး ကဗျာပုဒ် poem ဟာ ရုပ်သဘောဖြစ်ပါတယ်။ ဘယ်ကဗျာပုဒ်မဆိုကို အနှစ်ထုတ်လိုက်ရင် ရွေးချယ်ခြင်း Choice နဲ့ တွဲချိတ်ခြင်း Connection ကိုတွေ့မှာဖြစ်ပါတယ်။ အသိ ၊ အတွေး ၊ အာရုံ ၊ ခံစားမှုကိုရွေးချယ်ရတယ် (သို့မဟုတ်) ရွေးချယ် ခံရတယ်။ တစ်ဆက်တည်းမှာပဲ ရေးဖွဲ့ပြုလုပ်ပုံပြုလုပ်နည်းတွေထဲက ရွေးချယ်ရပြန်တယ်။ စကားလုံး ၊ အသံစတဲ့ ဘာသာစကားပစ္စည်း တွေ ကိုလည်းရွေးချယ်ရပါတယ်။ ဒီရွေးချယ်မှု ၃ မျိုးဟာ ဘယ်ဟာအရင်လာလဲလို့ပြောရခက်သလို တပြိုင်တည်းလည်းဖြစ်ကောင်း ဖြစ်နိုင်ပါတယ်။ ရွေးချယ်မှုပြီးရင် တွဲချိတ်မှုပြုလုပ်ရပါတယ်။ အတွေး ၊ အာရုံဆက်စပ်မှု ၊ စကားလုံးတွဲချိတ်မှု ၊ လိုင်းပါဒတွဲချိတ်မှု ၊ ပိုဒ်တွဲချိတ်မှု ၊ တစ်ပုဒ်လုံးကို အစအဆုံးပြုလုပ်ဖွဲ့စည်းမှု။ ဘယ်ကဗျာပုဒ်မဆိုရဲ့အချုပ်ဟာ ဟောဒီရွေးချယ်မှုနဲ့ တွဲချိတ်မှုပဲဖြစ်ပါတယ်။ ဒီရွေးချယ်မှုနဲ့ တွဲချိတ်မှုရဲ့ ရလာဒ်ကို `ကဗျာ´လို့ခေါ်ပါတယ်။ ဒီကဗျာကို ပြုလုပ်သူဟာ ကဗျာဆရာဖြစ်ပါတယ်။ အဲဒါကြောင့်လည်း ကဗျာဆိုတာ က၀ိပစ္စည်းလို့ခေါ်တာဖြစ်ပါတယ်။ ကဗျာဆရာ က၀ိပြုလုပ်တဲ့ ပစ္စည်းဟာ ကဗျာဖြစ်ပါတယ်။

ကဗျာစရေးတဲ့အချိန်ကနေ စိုက်လိုက်မတ်တတ်ဆက်ရေးသားပြုလုပ်လာခဲ့ရင် တစ်ချိန်ချိန်မှာ မရှက်မကြောက်ပဲ ရိုးရိုးသား သားနဲ့ မိမိကိုမိမိ `ကဗျာဆရာ´လို့ယုံကြည်လက်ခံလာကြတာဖြစ်ပါတယ်။ ဘာမှ မာနတက်စရာမရှိသလို သိမ်ငယ်စရာလည်းမရှိပဲ ကိုယ်ဟာ ကဗျာဆရာဆိုတာကို ကိုယ့်ကိုကိုယ်ယုံကြည်မှုနဲ့ ခံယူရဲလာတာ ၊ ပြောရဲလာတာဖြစ်ပါတယ်။ ကိုယ့်ကဗျာနဲ့ကဗျာကိစ္စပေါ် တာဝန်ယူရဲ လာတဲ့ သူလည်းဖြစ်လာပါတယ်။ ကျွန်တော်ဟာ အဲသလိုကိုယ့်ကိုကိုယ်ကဗျာဆရာလို့ ရိုးရိုးသားသားနဲ့ ယုံယုံကြည်ကြည် ပြောနိုင်ဖို့ နှစ်ပရိစ္ဒေတွေနဲ့အညီတွေ့ကြုံမှုနဲ့ ၀မ်းစာတို့ပေါင်းစပ်တည်ဆောက်ခဲ့ရတာဖြစ်ပါတယ်။ အခုဒီမင်္ဂလာရှိတဲ့ကဗျာပွဲမှာ တက် ရောက်လာကြတဲ့ ကဗျာဆရာတွေလည်း ကျွန်တော့်လိုပဲ ကိုယ့်ကိုကိုယ် `ကဗျာဆရာ´လို့ရဲရဲဝံ့ဝံ့တာဝန်ယူပြောရဲကြသူတွေဖြစ်ကြလိမ့် မယ်လို့ ကျွန်တော်ယုံကြည်ပါတယ်။ အဲသလိုပဲ ၊ ကျွန်တော်တက်ရောက်ခဲ့တဲ့ ယူကေ ၊ ယူအက်စ် ၊ ထိုင်း ၊ စင်္ကာပူ ၊ ဟောင်ကောင် ကဗျာပွဲတွေ မှာလည်း ကျွန်တော်နဲ့ လာမိတ်ဆက်ကြသူတွေဟာ I am a poet လို့ သူတို့ကိုသူတို့ ယုံယုံကြည်ကြည်နဲ့ ရဲရဲဝံ့ဝံ့ပြောကြ သူတွေဖြစ်ပါတယ်။

ကံအကြောင်းတိုက်ဆိုင်လို့ပါဆိုပါတော့ ၊ ကျွန်တော်ဟာ နိုင်ငံတကာကဗျာပွဲတွေမှာ နိုင်ငံတကာကဗျာဆရာတွေနဲ့ လူချင်း တွေ့ဆုံရင်းနှီးခဲ့ရပါတယ်။ နိုင်ငံတကာကဗျာအသိုင်းအ၀ိုင်းဖြစ်တဲ့ international poetry world ထဲမှာ ကျွန်တော်ဟာ တစ်ဦးအပါအ၀င် ဖြစ်သွားတယ်ဆိုပါတော့။ အဲဒီမှာ ကျွန်တော်စဉ်းစားမိတာ နိုင်ငံတကာကဗျာလောကဆိုတာဘာလဲပေါ့။ နိုင်ငံအသီးသီးက ပြည်တွင်း ကဗျာဆရာတွေနဲ့ ပြည်ပနိုင်ငံတကာ ကဗျာဆရာတို့ ဘယ်လိုပတ်သက်ဆက်စပ်ကြသလဲ။ ပြည်တွင်းကဗျာဟာ နိုင်ငံတကာ ကဗျာ စာရင်းထဲ ဘယ်လိုဝင်ပြီး ပြည်တွင်းကဗျာဆရာဟာ နိုင်ငံတကာကဗျာဆရာဘယ်လိုဖြစ်သွားသလဲ။ ဒီနေရာမှာလည်း အထက်ကပြော ခဲ့တဲ့ Choice နဲ့ Connection ကိုသွားမြင်ပါတယ်။ ဒီရွေးချယ်မှုနဲ့ တွဲချိတ်မှုဖြစ်လာစေဖို့ တံတားခင်းပေးတာကတော့ ဘာသာပြန် translation ပဲဖြစ်ပါတယ်။ ကျွန်တော်တို့ရဲ့ ၀န်းကျင်မှာဆိုရင် မြန်မာကနေ အင်္ဂလိပ်ဘာသာပြန်ခြင်းပေါ့။

နိုင်ငံအသီးသီး ၊ ဘာသာအသီးသီးက အင်္ဂလိပ်ဘာသာပြန်ပြီး ထုတ်ဝေလိုက်တဲ့ ကဗျာစာအုပ်/ကဗျာပုဒ်အစုအဝေးဟာ ဘာသာပြန်ကဗျာလောကရဲ့ ပြယုဂ်ဖြစ်ပါတယ်။ ဒီလိုနိုင်ငံအသီးသီး/ဘာသာစကားအသီးသီးကနေ အင်္ဂလိပ်လိုဘာသာပြန်လိုက်တဲ့ အခါ ဘာသာပြန်လောကထဲရောက်သွားကြပေမယ့် နိုင်ငံတကာ ကဗျာလောကထဲအလိုလိုရောက်သွားကြတာတော့မဟုတ်ပါဘူး။ ဆိုလို တာက ၊ အင်္ဂလိပ်လိုဘာသာပြန်တိုင်း နိုင်ငံတကာကဗျာလောကထဲရောက်ချင်မှရောက်တာဖြစ်ပါတယ်။ ဒါဆို international poetry နိုင်ငံတကာကဗျာလောကထဲ ဘယ်လိုရောက်သလဲ။ အထက်ကပြောခဲ့တဲ့ Choice နဲ့ Connection ဆီကိုပဲပြန်ရောက်သွားပါတယ်။ ဘယ်သူက ဘယ်သူ့ကို ဘာသာပြန်ဖို့ရွေးချယ်မလဲဆိုတာနဲ့ ဘယ်တိုက်သော်လည်းကောင်း ဘယ်မဂ္ဂဇင်းသော်လည်းကောင်း ထုတ်ဝေ ဖို့မဟုတ်ရင် ဖေါ်ပြပါရှိဖို့ ချိတ်ဆက်ထားသလဲဆိုတာဖြစ်ပါတယ်။ မြန်မာခေတ်ပြိုင်ကဗျာကို ကမ္ဘာက အထိုက်အလျောက်သိသွားစေတဲ့ Bones Will Crow ကိုပဲ ဥပမာအဖြစ်ကြည့်ပါ။ ဒီစာအုပ်ထဲဘယ်သူတွေပါမယ်လို့ ပဏာမရွေးတာကတော့ ဘာသာပြန်သူတွေဖြစ်ကြတဲ့ ကိုကိုသက်နဲ့ (James Byrne) ဂျိမ်းစ်ဘန်းတို့ဖြစ်ကြပါတယ်။ သူတို့ရဲ့ ရွေးချယ်ရေးမူကတော့ပြည်တွင်းမှာ နာမည်လည်းရ ၊ လုံးချင်း ကဗျာစာအုပ်လည်းထုတ်ဝေဘူးသူဖြစ်ရမယ်ပေါ့။ ဒါပေမယ့် ၊ နောက်ဆုံးမှာ ဒီစာအုပ်ထုတ်ဝေတဲ့ Arc စာအုပ်တိုက်ပိုင်ရှင် Tony ဟာ အချို့ကဗျာဆရာတွေနဲ့ အချို့ကဗျာတွေကို ပယ်လိုက်တယ်လို့သိရပါတယ်။ ဘယ်ကဗျာဆရာ/ဆရာမရဲ့ ဘယ်ကဗျာတွေ ဘာသာပြန် ဖို့ရွေးချယ်ရာမှာလည်း ကိုကိုသက်နဲ့ ဂျိမ်းစ်ဘန်းတို့ရဲ့ ဆုံးဖြတ်ချက်ပဲဖြစ်ပါတယ်။ ဂျိမ်းစ်ကိုယ်တိုင်ဟာ  သူ့ကိုယ်ပိုင် Wolf ကဗျာမဂ္ဂဇင်း အယ်ဒီတာဖြစ်တဲ့အတွက် သူ့ရဲ့နိုင်ငံတကာကဗျာဖတ်ရှုရွေးချယ်မှု အတွေ့အကြုံအရ ရွေးတာဖြစ်တယ်လို့ ပြောလို့ရမယ်ထင်ပါတယ်။

၂၀၁၂ လန်ဒန်နိုင်ငံတကာ ကဗျာပွဲတော်မှာ Bones Will Crow စာအုပ်ဖွင့်ပွဲကျင်းပပြီး ၂၀၁၃ မှာတော့ နျူးယောက်မှာ ကျင်းပ ခဲ့ပါတယ်။ နိုင်ငံတကာ ကဗျာဆရာဧည့်ပရိသတ်တွေထဲမှာ အထင်ကရ ကဗျာဆရာ/ဆရာမကြီးတွေပါ တက်ရောက်ပါရှိခဲ့တာတွေ့ရပါ တယ်။ အဲသလိုနဲ့ မြန်မာနိုင်ငံဟာ ကမ္ဘာကြီးရဲ့ ဘယ်နားမှာရှိလို့ရှိမှန်းတောင်မသိကြတဲ့သူတွေကြားမှာ မြန်မာခေတ်ပြိုင်ကဗျာကို နိုင်ငံ တကာကဗျာလောကထဲတရားဝင် မိတ်ဆက်ဖေါ်ပြနိုင်ခဲ့တာဖြစ်ပါတယ်။ အဲဒီစာအုပ်ထဲဖေါ်ပြပါရှိတဲ့ ကဗျာတွေဖတ်ပြတော့လည်း နိုင်ငံ တကာကဗျာဆရာ/ဆရာမတွေဖြစ်ကြတဲ့ ပရိသတ်ဟာ နှစ်ထောင်းအားရရှိခဲ့တာဟာ ကျွန်တော့်မျက်မြင်ကိုယ်တွေ့ပါပဲ။ အဲဒီစာအုပ်ကို စင်္ကာပူမှာဖွင့်ပွဲပြုလုပ်တော့လည်း စင်္ကာပူပရိသတ်ကို စွဲဆောင်နိုင်ခဲ့တဲ့ ကဗျာတွေဖြစ်ပါတယ်။ ဆက်စပ်လို့ပြောရရင် ၂၀၁၃ မှာပဲ စင်္ကာပူ ကဗျာဆရာ Alvin Pang ကို Arc စာအုပ်တိုက်ကပဲ ရွေးချယ်ပုံနှိပ်ထုတ်ဝေခဲ့တဲ့အတွက် Alvin ဟာ စင်္ကာပူကဗျာဆရာတင် မဟုတ်တော့ပဲ နိုင်ငံတကာတန်းဝင်သွားပါတယ်။ ဆိုလိုတာက ၊ နိုင်ငံတကာ ကဗျာလောထဲ ၀င်ရောက်ဖို့ ကဗျာဆရာရဲ့ ကဗျာရည်ဝမှုနဲ့ ဆိုင်သလို ဘယ်တိုက်က ထုတ်ဝေတယ်ဆိုတာနဲ့လည်းဆိုင်ပါတယ်။ မထင်မရှားစာအုပ်တိုက်က ထုတ်ဝေတာထက် ယူကေနဲ့ ယူအက်စ် မှာရှိကြတဲ့ အထင်ကရစာအုပ်တိုက်တွေက ထုတ်ဝေရင် ကမ္ဘာအနှံ့ထိုးဖေါက်ဝင်ရောက်ပျံ့နှံ့မှု အရှိန်အဟုန်ဟာ များစွာမြင့်မားသွားပါ တယ်။ ပျံ့နှံ့မှု အကျယ်အ၀န်းဟာလည်း ကျော်ကြားမှုကို ထောက်ကူပံ့ပိုးစေတယ်ဆိုတာ ငြင်းလို့မရပါဘူး။ အဲဒီတော့ အင်္ဂလိပ်ဘာသာ ပြန်ရုံနဲ့ နိုင်ငံတကာ ကဗျာလောကထဲရောက်ဖို့ဆိုတာက လိုအပ်ပေမယ့် မလုံလောက်တဲ့ ကိစ္စဖြစ်ပါတယ်။ အိုင်အိုးဝါးက အတွေ့အကြုံ တစ်ခုပြောရရင် နျူးဇီလန်က ကဗျာဆရာကပြောပါတယ်။ ယူကေ ၊ ယူအက်စ်တို့မှာ ထုတ်ဝေတဲ့ နျူးဇီလန်ကဗျာဆရာဟာ နျူးဇီလန်မှာ ပဲထုတ်ဝေတဲ့ နျူးဇီလန်ကဗျာဆရာထက် နိုင်ငံတကာကဗျာတန်းဝင်နိုင်မှုပိုရှိတယ်တဲ့။ တစ်နည်းအားဖြင့် ပြောရရင် ကမ္ဘာ့ဓနရှင်ကြီးတွေ ပိုင်ဆိုင်ကြတဲ့ အထင်ကရစာပေထုတ်ဝေရေးတိုက်က ထုတ်ဝေလိုက်ရင် နိုင်ငံတကာအဆင့် အလိုအလျောက်တန်းဝင်သွားပါတယ်။

အဲဒီစာပေထုတ်ဝေရေးတိုက်တွေကလည်း နှယ်နှယ်ရရ မဟုတ်ပါဘူး။ သူတို့ကို ဘယ်နိုင်ငံက ဘယ်သူ့ကဗျာတွေကို ထုတ်ဝေ ဖို့ အကြံပေးအဖွဲ့တို့ ၊ အယ်ဒီတာအဖွဲ့တို့ ရှိကြပြီး အဲဒီအဖွဲ့တွေထဲမှာ ထင်ရှားတဲ့ နိုင်ငံတကာ ကဗျာဆရာတွေ ၊ ကျွမ်းကျင်တဲ့ ဘာသာ ပြန်ဆရာတွေနဲ့ ရိုသေလေးစားမှုခံရတဲ့ စာပေပညာရှင်တို့ပါရှိကြပါတယ်။ များသောအားဖြင့် ရွေးချယ်ခံရတဲ့ ကဗျာဆရာတွေရဲ့ ကဗျာ တွေဟာလည်း မိခင်ပြည်တွင်းထဲပဲ လည်ပတ်မှုရှိတဲ့အကြောင်းအရာတွေနဲ့ ရေးဖွဲ့ပုံတွေကို ကျော်လွန်ရမှာဖြစ်ပါတယ်။ ဥပမာ ၊ modern ဆိုရင်လည်းပြည်တွင်း modern ထက် ကမ္ဘာသုံး international modernism (၀ါ) international style ဖြစ်ရင် နိုင်ငံတကာထဲဝင် ရောက်ဖို့ ပိုနီးစပ်ပါတယ်။ ထိုနည်းတူ international postmodernism ဒါမှမဟုတ် ၁၉၉၀ ဒီဘက်ပိုင်း Contemporary ရေးဟန်တွေ။ ဒါဟာ ဂလိုဘယ်ဇေးရှင်းနဲ့လည်းဆက်စပ်နေပါတယ်။

ဒီနေ့ဟာ ကမ္ဘာ့ကဗျာနေ့ဖြစ်တဲ့အတွက် ဆက်စပ်လာတဲ့ ကမ္ဘာ့ကဗျာအကြောင်းလည်းပြောရမှာဖြစ်ပါတယ်။ ကမ္ဘာ့ကဗျာနေ့ ဟာ ကမ္ဘာရဲ့ ကဗျာနေ့ဖြစ်ပါတယ်။ ကမ္ဘာ့ကဗျာရဲ့ နေ့မဟုတ်ပါဘူး။ ကမ္ဘာမှာ ကဗျာ ၃ မျိုး ၃ စားရှိနေတယ်လို့ပြောလည်းပြော ၊ ရေး လည်းရေးကြတာတွေရှိပါတယ်။ အွန်လိုင်းမှာတက်ရှာလိုက်ရင် အလွယ်တကူပဲ တွေ့နိုင်မှာဖြစ်ပါတယ်။ အဲဒီ ၃ မျိုး ၃ စားကတော့ ပြည်တွင်းမှာပဲ လည်ပတ်တဲ့ national poetry ၊ နိုင်ငံတကာ ထဲရောက်လာတဲ့ international poetry နဲ့ ကမ္ဘာ့ကဗျာဖြစ်တဲ့ world poetry တို့ဖြစ်ကြပါတယ်။ စောဒကတက်တာတွေ ၊အငြင်းပွားတာတွေလည်းရှိကြပါတယ်။ ကမ္ဘာထဲ ပျံ့နှံ့ဝင်ရောက်လည်ပတ်မှု အတိုင်း အဆကိုဖေါ်ပြနေတာလည်းဖြစ်ပါတယ်။ ဟောင်ကောင်ပွဲမှာတုန်းက ကနေဒါက ကဗျာဆရာရယ် ၊ ဩစတြေးလျက ကဗျာဆရာရယ် ၊ မြန်မာက ကျွန်တော်ရယ် ကဗျာအကြောင်းထဲထဲဝင်ဝင်ပြောနေကြတုန်း ကနေဒါကဗျာဆရာက ကောက်ကာငင်ကာနဲ့ `နေပါဦး ၊ ကျွန်တော်တို့ ၃ ယောက်ဟာ ဒီပွဲရောက်မှ အချင်းချင်းသိကြရသူတွေဖြစ်ပေမယ့် ကျွန်တော်တို့ ၃ ယောက်စလုံးသိကြတဲ့ နိုင်ငံတကာ ကဗျာဆရာတွေရဲ့ အမည်တွေဟာ သွားတူနေကြတယ်။ အခြားနိုင်ငံတကာ ကဗျာဆရာတွေကို သွားမေးလိုက်ရင် အားလုံးသိကြတဲ့ ကဗျာဆရာစာရင်းထွက်လာမှာပဲ´တဲ့။ အဲသလိုနဲ့ ကျွန်တော်တို့ ၃ ယောက်စလုံးသိကြတဲ့ နိုင်ငံတကာ ကဗျာဆရာတွေရဲ့ စာရင်းကို အကြမ်းဖျဉ်းကောက်ကြည့်လိုက်ကြတော့ ထုံးစံအတိုင်း ပေါင်းန်ဒ် ၊ အဲလိယစ်တ် ၊ အပေါ်လီနဲ ၊ ရီဗားဒီး ၊ စီလန်း ၊ နီရူဒါ ၊ လော်ရကာ ၊ မာယာကော့ဖ်စကီး ၊ ပါ့ဇ် ၊ ပိုပါ ၊ ဂင်းန်စ်ဘဂ် ၊ အက်ရှဘရီ ၊ အိုဟာရာ ၊ ပလာ့သ် ၊ ဟေနီ ၊ ဒါဝစ်ရှ် ၊ ထရန်းစ်ထရိုမာ ၊ ဇင်ဘော်စကာ ၊ မီလော့ရှ် ၊ အင်ဇင်န်ဘာဂျာ ၊ ဆိုယင်န်ကာ တို့အပါအ၀င် စာရင်းထွက်လာပါတယ်။ အခြားကဗျာဆရာ/ဆရာမတွေကို ဒီစာရင်းပြကြည့် တော့ စာရင်းပါအမည်တွေကို သူတို့လည်းကောင်းကောင်းသိကြတာတွေ့ရပါတယ်။

အဲဒီတော့ ၊ ဘယ်နိုင်ငံကပဲလာလာ ၊ နိုင်ငံတကာ ကဗျာနဲ့ နှံ့စပ်တဲ့ ဘယ်ကဗျာဆရာမဆိုသိကြတဲ့ ကဗျာဆရာတွေရှိကြတယ် ဆိုတာပါပဲ။ ကျွန်တော်တို့အချင်းချင်းသာ မသိကြပေမယ့် ကျွန်တော်တို့သိကြတဲ့ ပုဂ္ဂိုလ်တွေဟာ အတူတူပါပဲ။ တစ်နည်းအားဖြင့် ပြော ရရင် နိုင်ငံတကာ ကဗျာဆရာအများစုသိကြတဲ့ နိုင်ငံတကာ ကဗျာဆရာတွေဟာ ကမ္ဘာ့ကဗျာဆရာတွေဖြစ်ကြပါတယ်။ ဟောင်ကောင်ပွဲ မှာဆိုရင် သူ့ဝေလပြည်တွင်းမှာတောင်မှ လူသိမများတဲ့ ဝေလကဗျာဆရာမနဲ့ သူ့ ဖိလစ်ပိုင်နိုင်ငံမှာတောင်မှ သူ့ကိုမသိကြတဲ့ ဖိလစ်ပိုင် ကဗျာဆရာမလေးတို့ပါဝင်သလို အားလုံးလည်းသိ ၊ ကမ္ဘာကလည်းသိတဲ့ ဆီးရီးယားက အဒေါနစ္စ တို့ တရုတ်က ဘေဒေါဝ်တို့လည်း ပါဝင်ကြပါတယ်။ အဒေါနစ္စဆိုရင် နိုဗဲလ်စာပေဆုအတွက် တစ်ပေးခံရတာ နှစ်ပေါင်းများလှပါပြီ။

ဆိုတော့ ၊ ဒီကမ္ဘာ့ကဗျာဆရာစာရင်းဝင် ပုဂ္ဂိုလ်တွေရဲ့ ထူးခြားမှုတွေကဘာလဲပေါ့။ အဓိက ကတော့ ၊ သူတို့တွေရဲ့ အတွေး တွေ ၊ အရေးတွေဟာ သူတို့မွေးဖွားကြီးပြင်းရာ တိုင်းပြည်တွေမှာ တင်ရပ်မနေပဲ ကမ္ဘာထဲ ထိုးဝင်လာကြလို့ပါပဲ။ သူတို့ဟာ အတွေးသစ် ၊ အရေးသစ်တွေ ဆန်းသစ်တီထွင်လာကြသူတွေလည်းဖြစ်တယ်။ ကဗျာ  ၊ ကဗျာနယ်ပယ်နဲ့ ကဗျာရဲ့ လုပ်ငန်းဆောင်တာတွေကို ချဲ့ထွင် လိုက်ကြသူတွေဖြစ်တယ်။ သူတို့ကိုင်တွယ်ရေးသားကြတဲ့အကြောင်းတွေဟာလည်း သူတို့ရဲ့ ပြည်တွင်း နယ်နိမိတ်ကို ကျော်လွန်ပြီး ကမ္ဘာအရပ်ရပ်က လူသားတွေရဲ့ ဘ၀တွေနဲ့ သွားထိတွေ့နေကြတာဖြစ်ပါတယ်။ အနည်းဆုံးတော့ ၊ နိုင်ငံတကာကဗျာဆရာ အသီးသီး ဟာ သူတို့ကို ဆရာတင် ၊ အသိအမှတ်ပြု ၊ အလေးအနက်ဖတ်ရှုပြီး သူတို့ဆီက သင်ယူနေကြရတာဖြစ်ပါတယ်။ ကမ္ဘာ့ကဗျာ ဂုရုကြီး တွေပေါ့။ ဒါဟာ အချိန်နဲ့လည်းဆိုင်ပါတယ်။ ၂၀၁၂ – ၂၀၁၃ အတွင်းမှာ ကျွန်တော်တွေ့ဆုံရင်းနှီးခဲ့ရတဲ့ ဘယ်နိုင်ငံတကာ ကဗျာဆရာ တွေဟာ ဘယ်အချိန်မှာ ကမ္ဘာ့ကဗျာဆရာစာရင်းဝင်သွားကြမလဲ။ ရုရှက အီလျာလား ၊ မက်စီဒိုးနီးယားက မက်ဒ်ဇာရော့ဗ်လား ၊ ဘယ်လာရုစ်က ဗယ်လ်ဂျင်နာ မော့သ်လား ၊ တရုတ်က ဟန်တောင်လား ၊ စင်္ကပူက အဲလ်ဗင်န် ပဲန်ဂ်လား။

ချုပ်ပြောရရင် ပြည်တွင်းကဗျာ ၊ နိုင်ငံတကာကဗျာနဲ့ ကမ္ဘာ့ကဗျာဆိုတာတွေဟာ ယနေ့ကမ္ဘာမှာ တကယ်ရှိနေကြပါတယ်။ အမေရိကန်တက္ကသိုလ်ကြီးတွေမှာလည်း World Literature ဆိုတဲ့ ဘာသာရပ်ကို စနစ်တကျသင်ကြားပို့ချလျှက်ရှိပါတယ်။ အိုင်အိုးဝါး တက္ကသိုလ်မှာလည်းပို့ချတဲ့ ဒီဘာသာရပ်မှာ ကျွန်တော်ဟာ နိုင်ငံခြားဧည့်ကဗျာဆရာအနေနဲ့ မြန်မာခေတ်ပြိုင်ကဗျာအကြောင်း စကား ပြောခွင့်ရခဲ့ပါသေးတယ်။ ကမ္ဘာရဲ့ ကဗျာနေ့ဖြစ်တဲ့ ဒီနေ့ဟာ ကမ္ဘာအ၀ှမ်းမှာရှိကြတဲ့ ကဗျာဆရာတွေကို ဂုဏ်ပြုသလို ကဗျာအနုပညာ ကိုလည်း လူသားရဲ့ ကြီးမြတ်တဲ့ အသီးအပွင့်အဖြစ်သတ်မှတ်တဲ့နေ့လည်းဖြစ်ပါတယ်။ အခြားနိုင်ငံတွေမှာတော့ ကမ္ဘာ့ကဗျာနေ့မှာ ကဗျာပွဲတော်တွေကျင်းပပြီး ကမ္ဘာ့ကဗျာဆရာတွေရဲ့ ကမ္ဘာ့ကဗျာတွေကိုလည်း အလေးပြုရွတ်ဖတ်ကြပါတယ်။ နိုင်ငံတကာကဗျာဆရာ တွေရဲ့ နိုင်ငံတကာကဗျာတွေကိုလည်း ရွတ်ဖတ်ကြပါတယ်။ ကဗျာနှီးနှောဖလှယ်ပွဲတွေလည်းပြုလုပ်ကြပါတယ်။ မတူကွဲပြားတဲ့ ကဗျာ ဗေဒတွေနဲ့ ရေးသားတဲ့ ကဗျာတွေကိုလည်း တစ်နေရာတည်းမှာပဲ စုစုစည်းစည်းရွတ်ဖတ်ကြပါတယ်။ အဓိက ကတော့ နယ်ပယ်ကျယ် ၀န်းလှတဲ့ ကဗျာအနုပညာကို ကမ္ဘာအနှံ့ ကျယ်ကျယ်ပြန့်ပြန့် အမွှမ်းတင်တာဖြစ်ပါတယ်။

ကျွန်တော်တို့ရဲ့ တိုင်းပြည်မှာလည်း ပါးစပ်ပြောမဟုတ်ပဲ ဧကန်အမှန်တကယ် လွတ်လပ်ပွင့်လင်းလာတာနဲ့အမျှ ၊ နိုင်ငံတ ကာ ဆက်ဆံရေးမြင့်မားတွင်ကျယ်လာတာနဲ့အမျှ ၊နိုင်ငံခြားနဲ့ ဆက်ဆံရမှာ ကြောက်ခြင်း ရွံ့ခြင်း ကိစ္စတွေနည်းလာတာနဲ့အမျှ ၊ ၀ါးလုံးခေါင်း လေးဘေးချပြီး လ၀န်းကြီးကို အင်အားကောင်းတဲ့ မှန်ပြောင်းနဲ့ ကြည့်ချင်ကြည့်တတ်လာတာနဲ့အမျှ ၊ ကျွန်တော်တို့ကို ကျွန်တော်တို့ လည်း မိမိကိုမိမိဝေဖန်ရေး နာနာလုပ်တတ်လာတာနဲ့အမျှ ကျွန်တော်တို့ ကဗျာလောကသားတွေရဲ့ ကဗျာသိမှု ၊ တတ်မှုတွေ ဖွံ့ဖြိုး ဝေဆာလာမှာဖြစ်ပါတယ်။ ကျွန်တော်တို့ရဲ့ အရေးအသားတွေဟာလည်း နိုင်ငံတကာအဆင့်မီ နိုင်ငံတကာအရေးအသားတွေနဲ့ နီးစပ် သည်ထက်ပိုမိုနီးစပ်လာပြီး ဒေသတွင်းမှာရော ကမ္ဘာမှာပါ မြန်မာကဗျာဟာ မြန်မာပြည်တွင်းမှာတင်ရပ်တန့်မနေပဲ ကမ္ဘာထဲမှာနိုင်ငံ တကာသိ ကဗျာဖြစ်လာပြီး မြန်မာကဗျာဆရာတွေဟာလည်း နိုင်ငံတကာအသိအမှတ်ပြု နိုင်ငံတကာတန်းဝင် ကဗျာဆရာတွေဖြစ် လာကြလိမ့်မယ်လို့ ကျွန်တော် ယုံကြည်မျှော်လင့်ရပါတယ်။ ဒီလိုဖြစ်လာဖို့ဟာလည်း ကိုယ့်ကိုယ်ကို ကဗျာဆရာလို့ ယုံယုံကြည်ကြည် လက်ခံထားသူ ကဗျာဆရာတစ်ယောက်စီအနေနဲ့ ကဗျာပေါ်မှာ ထားရှိအပ်တဲ့ တာဝန်အဖြစ်ခံယူသင့်ပါတယ်လို့ လေးလေးနက်နက် ပြောကြားရင်း နိဂုံးချုပ်လိုက်ပါတယ်။ အားလုံးကို ကျေးဇူးတင်ပါတယ်။ ကဗျာလိုရာဆန္ဒများပြည့်မြောက်အောင်ဆောင်ရွက်နိုင်ကြပါ စေသား။                 ။

 

 

ဇေယျာလင်း

20 – march – 14