၃၊ စက်တင်ဘာ၊ ‘၁၃ အင်္ဂါနေ့။ အိုင်အိုးဝါးမှာ ရှိစဉ်က mail ထဲ ကဗျာတစ်ပုဒ်ဝင်လာတယ် ၊ စင်္ကာပူကဗျာဆရာ Alvin Pang ဆီက ၊ ခေါင်းစဉ်မပါ။ အဲဒီတုန်းက ဗြိတိသျှကဗျာဆရာကြီး George Szirtes နဲ့အတူ Alvin ဟာ မလေးရှားအလည်အပတ်ခရီး သွားနေကြတယ်။ သူတို့တွေ့ကြုံခံစားရတာတွေကို ကဗျာလေးတွေရေးပြီး တင်ကြတယ်။ Alvin တင်လိုက်တဲ့ ကဗျာလေးကို ကြိုက်လို့ ခုလိုဘာသာပြန်လိုက်ပါတယ်။
“နေဟာ အ၀ိုင်းသဏ္ဍာန်ပြုလုပ်တယ်။ ကားဟာမျဉ်းကြောင်း။ ယုံကြည်ကိုးကွယ်သူတွေဟာ ကောင်းကင်မှာ တန်းစီကြတယ်။
`ဘာသာရေးကိစ္စဟာ´လို့ သူစကားစလိုက်တယ်။ သစ်ပင်တစ်ပင်မှာ ပျံလွှားတွေအုံနေတာပဲ ၊ မိတ်လိုက်ဖို့အော်သံတွေ။
အရာဝတ္ထုတစ်ခုခုနဲ့ အဲဒီအရာဝတ္ထုကို မိမိတို့သိခြင်းကြားမှာ ဘာသာစကားရှိတယ်။ ဟင့်အင်း ၊ အဲဒါဆင်တဲ့။ သူမက၀င်ရှင်းပြတယ်။
မိမိတို့မှာ ကောင်းမြတ်မှုရှိပါတယ်။ မိမိတို့မှာ ကောင်းမြတ်မှုဆိုလို့ ဘယ်တော့မှ လုံလုံလောက်လောက်မရှိဘူး။ သူတစ်ပါးကို နှောက် ယှက်ဖို့လည်း မိမိတို့မရည်ရွယ်ပါဘူး။ မိမိတို့တိတ်ဆိတ်သွားကြတယ်။ မိမိတို့ လဘက်ရည်သောက်ကြတယ်။´´
အထက်ပါကဗျာဟာ ကျွန်တော့်အတွက် ဘာကြောင့် ရိုးရိုးလေးနဲ့ ဆန်းတယ်ဆိုတာ ကျွန်တော်တတ်နိုင်သလောက်ပဲ ရှင်းပြချင်ပါတယ်။ ဒီကဗျာဟာ စကားပြေကဗျာဖြစ်ပါတယ်။ ပုံမှန်ကဗျာလိုလိုင်းတွေဖွဲ့ထားတာမဟုတ်ပဲ စကားပြေလိုင်းစီသလို စီထားလို့ပါပဲ။ ဥပမာ ၊
နေဟာ အ၀ိုင်းသဏ္ဍာန်ပြုလုပ်တယ်
ကားဟာမျဉ်းကြောင်း
ယုံကြည်ကိုးကွယ်သူတွေဟာ ကောင်းကင်မှာ တန်းစီကြတယ်
အဲသလိုလိုင်းစီပုံမျိုးမဟုတ်ပါဘူး။ အဲဒီလိုင်းတွေကို စကားပြေအရေးအသားလို ချိတ်တွဲလိုက်တာဖြစ်ပါတယ်။ ဒါပေမယ့် စကားပြေ အရေးအသားရဲ့ ၀ါကျယုတ္တိဆက်စပ်မှုမရှိပြန်ပါဘူး။ `နေ´နဲ့ဆိုင်တဲ့ ၊ `ကား´နဲ့ဆိုင်တဲ့ ၊ `ယုံကြည်ကိုးကွယ်မှု´နဲ့ဆိုင်တဲ့ အဆို ၃ ရပ်ကို ယှဉ်တွဲလိုက်တာဖြစ်ပါတယ်။ juxtaposition ပေါ့။ ဒါဟာ စကားပြေကဗျာအမျိုးအစားရဲ့ လက္ခဏာတစ်ရပ်ဖြစ်ပါတယ်။
ကဗျာတစ်ပုဒ်လုံးမှာ အပိုဒ် ၄ ပိုဒ်တွေ့ရှိရပါတယ်။ ပထမ ၃ ပိုဒ်ဟာ အချိုးဆင်တူဖြစ်နေတာတွေ့ရပါတယ်။ တစ်ပိုဒ်စီမှာ အပိုင်း ၃ ပိုင်းစီ တွေ့ရပါတယ်။ ယုတ္တိဆက်စပ်မှုမရှိတဲ့ အပိုင်းတွေပါရှိသလို ဆက်စပ်မှုတစ်ပိုင်းတစ်စပဲပါရှိတာတွေလည်းတွေ့ရပါတယ်။
ပိုဒ်(၁)။ ။ နေဟာ အ၀ိုင်းသဏ္ဍာန်ပြုလုပ်တယ်
ကားဟာမျဉ်းကြောင်း
ယုံကြည်ကိုးကွယ်သူတွေဟာ ကောင်းကင်မှာ တန်းစီကြတယ်
ပိုဒ်(၂)။ ။ `ဘာသာရေးကိစ္စဟာ´လို့ သူစကားစလိုက်တယ်
သစ်ပင်တစ်ပင်မှာ ပျံလွှားတွေအုံနေတာပဲ
မိတ်လိုက်ဖို့အော်သံတွေ
ပိုဒ်(၃)။ ။ အရာဝတ္ထုတစ်ခုခုနဲ့ အဲဒီအရာဝတ္ထုကို မိမိတို့သိခြင်းကြားမှာ ဘာသာစကားရှိတယ်
ဟင့်အင်း ၊ အဲဒါဆင်တဲ့
သူမက ၀င်ရှင်းပြတယ်
နောက်ဆုံးပိုဒ်မှာတော့ ၅ ပိုင်းပါရှိပါတယ်။ အသွားဟာ Parallel Structure မျဉ်းပြိုင်ဝါကျတည်ဆောက်ပုံဖြစ်ပါတယ်။ ၀ါကျတစ်ခုစီရဲ့ Subject ကတ္တားဟာ `မိမိတို့´ဖြစ်ပါတယ်။ ဒီလိုပါ ––––
မိမိတို့မှာ ကောင်းမြတ်မှုရှိပါတယ်
မိမိတို့မှာ ကောင်းမြတ်မှုဆိုလို့ ဘယ်တော့မှ လုံလုံလောက်လောက်မရှိဘူး
(မိမိတို့) သူတစ်ပါးကို နှောက်ယှက်ဖို့လည်း မိမိတို့ မရည်ရွယ်ပါဘူး
မိမိတို့ တိတ်ဆိတ်သွားကြတယ်
မိမိတို့ လဘက်ရည်သောက်ကြတယ်
ဒါဟာ ဒီကဗျာလေးရဲ့ Structure တည်ဆောက်ထားပုံဖြစ်ပါတယ်။ ရိုးစင်းတဲ့ ၀ါကျတွေနဲ့ပဲ ရိုးရိုးစင်းစင်းတည်ဆောက်ထားတာတွေ့ရပါ တယ်။ ဒီအပေါ်ယံရိုးစင်းတဲ့ Simplicity ထဲမှာ နက်နဲတဲ့ Complexity ယှက်ဖေါက်ထားတာတွေ့ရပါလိမ့်မယ်။ ဒီ Complexity ဟာ ၀ါကျ တည်ဆောက်ပုံမှာ မရှိပဲ အတွေးတည်ဆောက်ပုံမှာ သွားတွေ့ရပါတယ်။ အတွေးရဲ့ အသွားတွေလို့ပြောရင် ပိုမှန်မယ်ထင်ပါတယ်။ မျဉ်း ဖြောင့်မသွားတဲ့အတွေးတွေ (၀ါ) ယုတ္တိဆင်ခြင်မှု အသွားကို ဖျက်ထားတဲ့ (၀ါ) ယုတ္တိဆင်ခြင်မှု အသွားမျိုးမဟုတ်တဲ့ အတွေးရဲ့ လှုပ် ရှားမှုတွေဖြစ်ပါတယ်။ ဒီကဗျာရဲ့ ရသ(အရသာ)ဟာလည်း ဒီလိုအသွားမျိုးနဲ့ သွားတဲ့ အတွေးတွေရဲ့ ဖတ်သူစိတ်ထဲ အာရုံတွေ ၊ အနက် တွေလှုပ်ခတ်ပေါက်ဖွားပြီး အချင်းချင်းထိတွေ့ထိခတ်အနက်ကူးလူးတာ တွေပဲဖြစ်ပါတယ်။ အဲဒီမှာ ကျွန်တော့်အဖို့တော့ ကြည်နူးမှု delight ရရှိပါတယ်။ အက်ဇရာ ပေါင်းန်ဒ်ပြောခဲ့တဲ့ ကဗျာပုဒ်ရဲ့ music of ideas အတွေးတွေရဲ့ ဂီတကို ပိုမိုသဘောပေါက်မိစေပါတယ်။ Complexity ကပေးတဲ့ music of ideas နဲ့ music of ideas ထဲမှာ ထပ်မံတွေ့ရှိရတဲ့ complexity ဖြစ်ပါတယ်။ ရိုးစင်းတဲ့ အာရုံ/အတွေး/ အသိတွေကို စကားပြေရဲ့ယုတ္တိအသွားမျိုးနဲ့ ချိတ်တွဲပြီး ကဗျာကိုမရှည်ရှည်အောင်ရေး ၊ Linearityမျဉ်းဖြောင့်သဘောပဲရှိပြီးComplexity မရှိတဲ့ အရေးအသားမျိုးတွေဒီနေ့မှာ ပုံနှိပ်ရော online မှာပါ တွေ့နေရတာတွေဟာ ကျွန်တော့်အတွက် ဘာအရသာမှ မရှိပါဘူး။ စကား ပြေလိုပြောလို့ရတာကိုပဲ ကဗျာပုံစံမ၀င်ဝင်အောင် လိုင်းတွေ စီထားတာမျိုး ၊ လိုင်းနဲ့ ၀ါကျရဲ့ သိမ်မွေ့တဲ့ စည်းကို နားမလည်ပဲ ရေးနေ တာမျိုး ၊ စကားပြေအသွားနဲ့ အတွေးပဲရှိတဲ့ အရေးအသားမျိုး ၊ သတင်းမီဒီယာက ရရှိတဲ့ သတင်းတွေကိုပဲ သတင်းအဖြစ်ပြန်လည်စီထား တာမျိုး ၊ ကဗျာရဲ့ ရသ(အရသာ)ဘာမှမပါရှိ ၊ မတွေ့ရတာမျိုးတွေဟာ ပျင်းရိငြီးငွေ့ဘွယ်ရာတွေလို့ပဲ ကျွန်တော်ခံစားရပါတယ်။ ကဗျာ ဥာဏ်တည်ရှိမှု/တည်ဆောက်မှုတော်တော်နည်းပါးညံ့ဖျင်းတာတွေလို့ ကျွန်တော်မြင်ပါတယ်။ Form ပုံသဏ္ဍာန်ဖွဲ့စည်းမှုကိုယူရင်လည်း ပြင်လိုက် Surface သာ ယူတတ်ပြီး အနက်လိုက် depth မပါရှိတဲ့ အရေးအသားတွေ ၊ ကိုကျော်ဝဏ္ဏရဲ့ စကားယူသုံးရရင် `ဗျက်သာ ကျယ်ပြီး ဇောက်မနက်တဲ့ဟာမျိုး´တွေဖြစ်ပါတယ်။ ဒါဟာ ဒီနေ့တွေ့မြင်နေရတဲ့ (မြန်မာ)ကဗျာအများစုပေါ် ကျွန်တော့်ရဲ့ အတ္တနောမတိ သုံးသပ်ချက် Subjective Comment ဖြစ်ပါတယ်။
Complexity ကိစ္စကိုပြန်သွားရရင် အပေါ်ယံအတွေး/အမြင်/အသိကို အနက် depth ရှိအောင်ပြုလုပ်ခြင်း/ပုံရဲ့ ရလာဒ်လို့ ကျွန်တော် လက်ခံထားပါတယ်။ ပထမဆုံးဝါကျကိုပဲကြည့်ပါလေ –––
နေဟာ အ၀ိုင်းသဏ္ဍာန်ပြုလုပ်တယ်
ဒီဝါကျမှာ Complex ဖြစ်တာက ကျွန်တော့်ရဲ့ သိနေကျအသိ(၀ါ) သာမန်အသိ(၀ါ) အလေ့အကျင့်အသိကို လှုပ်နှိုးလိုက်တာပဲဖြစ်ပါ တယ်။ နေရဲ့ သဏ္ဍာန်ဟာ လုံးဝန်းမှန်း(၀ါ)အ၀ိုင်းဖြစ်မှန်းသိထားပေမယ့် ` နေဟာ အ၀ိုင်းသဏ္ဍာန်ပြုလုပ်တယ်´ဆိုတာမှာ ဆန်းသွား ပါတယ်။ ဒီဝါကျမှာ ကြိယာမက်တဖါကို သွားသတိထားမိပါတယ်။ `ပြုလုပ်´။ ဟုတ်တာပဲ ၊ အလင်းတွေကို ကျွန်တော့်မျက်လုံးထဲမှာ သဏ္ဍာန်တွေအဖြစ်မြင်တာ ၊ ကျွန်တော်တို့အမြင် အာရုံမှာ နေကို (၀ါ)နေလုံးကို အ၀ိုင်း/အလုံး လို့မြင်စေတာဟာ နေရဲ့ အလင်းတွေ ကြောင့်ပဲဖြစ်ပါတယ်။ ထိုနည်းတူ ၊ လရဲ့ အလင်း။ အကယ်၍ ကြယ်တွေနဲ့ အကွာအဝေးတစ်ခုရှိခဲ့ရင် ကြယ်တွေကိုလည်း အ၀ိုင်းလို့ ကျွန်တော်တို့ မြင်တွေ့ကောင်းမြင်တွေ့နိုင်မှာဖြစ်ပါတယ်။ ဒါက physics သဘောအရပါ။ Philosophy ရှုထောင့်က ကျွန်တော်ကြည့်လ်ိုက် တဲ့အခါ `နေ´ဆိုတဲ့ `နေ့စဉ်´/`ဘ၀´ဟာ စက်ဝိုင်းသဏ္ဍာန်/သဖွယ်ပြုလုပ်ရာမှာ `သံသရာ´စက်ဝန်းဆိုတဲ့ အတွေးပေါက်ဖွားရပါတယ် (၀ါ) လှုပ်နှိုးလို့ နိုးကြားလာရပါတယ်။ `ဒါဟာ ဘာဆိုင်လို့လည်း´လို့မေးလာခဲ့သည်ရှိသော် မေးသူနဲ့ပဲဆိုင်ပါတယ်လို့သာ `ပြန်ပို့´လိုက်ရ မှာဖြစ်ပါတယ်။ ကျွန်တော်က ကဗျာကို စကားပြေလိုမဖတ်ပဲ ကဗျာကို ကဗျာလိုပဲဖတ်တဲ့အကျင့်ရှိလို့ပါ။ ဒါဟာလည်း ဖတ်ခြင်းကိစ္စ the issue of reading poetry ဆီရောက်စေပါတယ်။ ကဗျာကို ကဗျာလိုဖတ်တတ်ကြသလား။ ကဗျာကို ဘယ်လိုဖတ်သလဲ။ ကဗျာရေးသူ က ဘယ်လို `လမ်းကြောင်း´ (ကြိယာ ၊ နာမ်မဟုတ်ပါ)ပေးလိုက်လို့ ကျွန်တော်က ဘာတွေဘယ်လို `ထည့်ဖတ်/တည်ဆောက်´သွား တယ်ဆိုတဲ့ ကိစ္စ။ ချဲ့ပြောရရင် အခုနောက်ဆုံးပေါ် Cognitive Poetics `ဥာဏ်သိမှုကဗျာဗေဒ´အထိသွားရမှာဆိုတော့ ဒီဘူတာ ၊ ဒီ မှတ်တိုင်မှာပဲ ပြန်ခုံဆင်းလိုက်ပါတယ်။ ကဗျာရေးခြင်းဟာ ရေးသူရဲ့ ခံစားမှုတွေ အော့အန်ချတာမျိုးမဟုတ်သလို ဖြစ်ကတတ်ဆန်း `ရေးရပြီးရော´ `ဖတ်သူကြည့်ကြက်ဖတ်သွားလိမ့်မယ်´ဆိုတဲ့ ပရမ်းပတာ စကားလုံးစီခြင်းမျိုးလည်းမဟုတ်ပါဘူး။ Expression ခံစားမှု/ အတွေးဖေါ်ပြချက်နဲ့ Construction ပုံသဏ္ဍာန်ဖွဲ့စည်းတည်ဆောက်မှုတို့ရဲ့ သိမ်မွေ့တဲ့ ချိန်ခွင်ကိစ္စပါပဲ။ အဲဒီ balance မျှခြေကို ရရှိဖို့ ကြိုးစားခြင်းဟာပဲ ကဗျာရေးခြင်းလို့ ခေါ်ဆိုပါတယ်။ တစ်ဘက်ဘက်ကဲသွားရင် ၊ လွန်သွားရင် ကဗျာရေးခြင်းအမှုကိစ္စပျက်ပြယ်ပြီး ရလဒ်ဟာ ကဗျာမဖြစ် ၊ တဖြစ်မဟုတ်ရင် ကဗျာလုံးဝမဟုတ်တာမျိုးဖြစ်သွားမှာ မလွဲပါဘူး။
ဒီကဗျာရဲ့ endo – skeleton အတွင်း(အရိုး) တည်ဆောက်မှု(၀ါ) texture ကိုလေ့လာရင် စကားလုံး/စကားစုတွေရဲ့ အနက်နဲ့ ဂယက် တွေတွဲချိတ်ထားမှုကိုတွေ့ရပါလိမ့်မယ်။ ဒီနေရာမှာလည်း Alvin က အနက်နီးစပ်မှုနဲ့ အနက်ဆန့်ကျင်မှုတို့ကို ပါးနပ်စွာသုံးထားတာတွေ့ ရမှာဖြစ်ပါတယ်။ `နေ´ ၊ `ကောင်းကင်´၊ `သစ်ပင်´ ၊ `ပျံလွှား´ ၊ `ဆင်´ဆိုတဲ့ သဘာဝလောက/သတ္တလောကကို ညွှန်းတဲ့စကားလုံး တွေ။ `ကား´၊ `အရာဝတ္ထု´၊ `လဘက်ရည်´ဆိုတဲ့လူလုပ် man – made ပစ္စည်းတွေ။ `ယုံကြည်ကိုးကွယ်´၊`ဘာသာရေး´၊ `ကောင်း မြတ်မှု´ဆိုတဲ့ ဘာသာရေးယုံကြည်မှုဆိုင်ရာ ဆက်စပ်အနက်တွေ။ `ဘာသာစကား´၊ `စကား´၊ `. . . တဲ့´၊ `၀င်ရှင်းပြ´၊ `တိတ်ဆိတ်´ ဆိုတဲ့ ဘာသာစကားဆိုင်ရာ ဆက်စပ်အနက်တွေ ။ `သိခြင်း ၊ `ရည်ရွယ်´ ဆိုတဲ့ စိတ်ရဲ့ အလုပ်တွေ။ ဒီနေရာမှာ `ကောင်းကင်´ဆိုတဲ့ စကား လုံတစ်လုံးတည်းမှာပဲ ambiguity အနက်ခွမှုကိုမြင်ရပါတယ်။ သဘာဝကောင်းကင်ကိုပြောတာဖြစ်သလို ဘာသာရေးယုံကြည်မှု အရ `ကောင်းကင်နိုင်ငံတော်´၊ `ကောင်းကင်ဘုံ´၊ heaven/paradise ဆိုတဲ့ အနက်ကိုလည်း လှုံ့ဆော်ပါတယ်။ `မျဉ်းကြောင်း´နဲ့ `တန်းစီ´ မှာ လားရာ/ရွေ့လျားမှုသဘောတွေတွေ့ရပါတယ်။
ဆန့်ကျင်ဘက် (၀ါ)အနက်နီးစပ်မှုမဟုတ်တဲ့ တွဲလုံးတွေကို ထုတ်ပြရရင် `အ၀ိုင်း´နဲ့ `မျဉ်းဖြောင့်´၊ `ကောင်းကင်´နဲ့ `တန်းစီ´ ၊ `ဘာ သာရေးကိစ္စ´နဲ့ သဘာဝတရား/သတ္တလောကဖြစ်တဲ့ `သစ်ပင်´၊ `ပျံလွှား´နဲ့ `မိတ်လိုက်´၊ `ရှိတယ်´အဆိုဝါကျနဲ့ `ဟင့်အင်း´ အငြင်း ၀ါကျ ၊ `မိမိတို့မှာ ကောင်းမြတ်မှုရှိပါတယ်´နဲ့ `မိမိတို့မှာ ကောင်းမြတ်မှုဆိုလို့ ဘယ်တော့မှ လုံလုံလောက်လောက်မရှိဘူး´။ ဆိုတဲ့ contradiction ရှေ့နောက်မညီမှု။
ဒီကဗျာရဲ့ အတိုင်အဖေါက်အကြောင်းပြောရရင် အတိုင်အဖြစ်ထောင်ထားတဲ့ အကြောင်းတွေကို ဖေါ်ထုတ်ရမှာဖြစ်ပါတယ်။ ကျွန်တော် မြင်တာကအကြောင်းကြီး ၅ ကြောင်း ၊ သဘာဝ/သတ္တ၊ လူလုပ်လောက ၊ လူမှုဆက်ဆံရေး ၊ ဘာသာရေး/ယုံကြည်မှု ၊ နဲ့ ဘာသာစကား – သိမှု ဆက်သွယ်မှုတို့ဖြစ်ပါတယ်။ ဒီ ၅ ချက်ကိုအတိုင်ထားပြီး ပတ်သက်ရာတွေ(၀ါ) ပတ်သက်ဖွယ်အဖြစ်ဆက်စပ်နိုင်ခြေ association တွေဖြစ်လာစေဖို့ ယက်ရှယ်ဖေါက်ရတာတွေ။ ကဗျာပုဒ်ရဲ့ အတိုင်နဲ့ အဖေါက်သဘော။ အဲဒီကနေ ကဗျာပုဒ်ရဲ့ အဆင်ဒီဇိုင်း design ထွက်လာတာဖြစ်တယ်။ ဒါဟာ စိတ်/အသိ/အတွေး/ခံစားမှုတို့ရဲ့ တွယ်ဆက်ချိတ်တွဲမှု။ ဒါကို ဘာသာစကားတတ်ကျွမ်းစွာ သုံးစွဲမှုနဲ့ တွဲလိုက်ရင် Form ပုံသဏ္ဍာန်ဖွဲ့စည်းမှုကို Construct တည်ဆောက်ယူလိုက်တာဖြစ်ပါတယ်။ ဒီလိုအလွယ်တကူသာပြေရတာ ၊ အသေး စိပ်အပိုင်းတစ်ပိုင်းစီမှာ သမ္ဘာ(၀ါ) တတ်သိကျွမ်းကျင်မှုဆိုတာ တကယ်တကယ်ပါရှိပါတယ်။ မယုံရင် ကိုယ်တိုင်ရေးကြည့်ပါ။ ကဗျာပုဒ်ကို ကဗျာလိုဖတ်တတ်မှ ရသ(အရသာ)တွေ့ရမှာဖြစ်ပါတယ်။ `ကဗျာဆိုတာဘာ . . .´ `ကဗျာမှာ ဘာတွေပါရမယ်´၊ `ကဗျာဟာ ဘာ အကြောင်းအရာကို ဦးတည်ရမယ်´စတဲ့ အစွဲအလမ်းတွေ ဖတ်သူတိုင်းမှာရှိသလို ရေးသူတိုင်းမှာလည်းရှိပါတယ်။ အဝေးပြေးဂိတ်မှာ ရပ်ထားတဲ့ ယာဉ်တိုင်းကို မိမိကြိုက်ရာတက်စီးလို့မရပါဘူး။ မိမိသွားလိုတဲ့ ခရီးကိုသွားပြီး မိမိခရီးကို သယ်ဆောင်မယ့် ယာဉ်ကိုသိဖို့လိုပါ တယ်။ လိုရာခရီးမရောက်ရင် ယာဉ်မှားစီးလို့ပဲဖြစ်ပါလိမ့်မယ်။ လမ်းကြောင်း(၀ါ) ခရီးစဉ်မှားလို့မဟုတ်ပါဘူး။ ကိုယ်မရောက်ဖူးတဲ့ ခရီးစဉ် ကိုသွားရမယ်ဆိုရင်လည်း သိမှု/သိစိတ်ထဲမှာ ခရီးစဉ်နဲ့ ပတ်သက်ရာ အတွေ့ ၊ အမြင် ၊ အတွေး ၊ ခံစားမှုတို့ကို တည်ဆောက်သွားရမှာ ဖြစ်ပါတယ်။ အဲသလိုပဲ ၊ ကဗျာဖတ်ရာမှာ မဖတ်ခင်သတိ ၊ ဖတ်စဉ်သတိ ၊ ဖတ်ပြီး သတိထားရင် မိမိရဲ့ ကဗျာဖတ်ခြင်း အသိ/အတတ် ပညာတည်ဆောက်မှုကို များစွာအကျိုးပေးနိုင်ပါတယ်။ ကဗျာဆိုတဲ့ ဂိတ်မှာလည်း ခရီးစဉ်အမျိုးမျိုး ၊ ယာဉ်အမျိုးမျိုးရှိကြပါတယ်။ လမ်း တူမှ လူချင်းတွေ့နိုင်တာမဟုတ်ပါဘူး။ လမ်းမတူလည်း လူချင်းတွေ့နိုင်ပါတယ်။ လမ်းကို သိဖို့လည်း အရေးကြီးတာပေါ့။
အနုပညာဆိုတာ လွယ်လွယ်သဘောထားသူအတွက် လွယ်လွယ်ပြောလို့ရပေမယ့် နက်နက်ရှိုင်းရှိုင်းသဘောထားသူအတွက် ပြောရခက် တဲ့အထိ လေးနက်မှုရှိပါတယ်။ ကဗျာပုဒ်ရေးလိုသူ (၀ါ) ကဗျာဆရာဖြစ်ချင်သူရဲ့ စိတ်နဲ့ အနုပညာတစ်ရပ်အဖြစ် ကဗျာပေါ်လေးလေး နက်နက်သဘောထား ဖန်တီးပြုလုပ်တည်ဆောက်သူရဲ့ စိတ်ဟာ များစွာမှ ကွာခြားပါလိမ့်မယ်။ ကဗျာရေးတိုင်းကဗျာဆရာမဖြစ်သလို ကဗျာဆရာတိုင်းဟာလည်း အနုပညာရှင်မဖြစ်ပါဘူး။ ဥပမာတွေဟာ ကမ္ဘာမှာရော ၊ ဒီအရပ်ဒေသလေးမှာရော ဒုနဲ့ ဒေးပါပဲ။ ကဗျာ/၀တ္ထု ဆရာကြီး ၀လာဒီမီယာ နာဗိုကော့်ဗ် စကားကို အမှတ်ရမိပါတယ် ၊ အနုပညာမှာ ဂိုဏ်းတွေရှိတယ်ဆိုရင် တကယ်တော့ ဂိုဏ်းတစ်ဂိုဏ်း တည်းရှိပါတယ် ၊ အဲဒါဟာ genius ပါရမီရှင်တို့ရဲ့ လူမျိုးမရွေး ၊ လိင်မရွေး ၊ ဘာသာမရွေး ၊ တစ်ခုတည်းသော ဂိုဏ်းပဲဖြစ်ပါသတဲ့။
အထက်ပါကဗျာလေးကို Alvin က အမည်ပေးမထားသလို ကျွန်တော်လည်း အမည်တစ်ခုခု မတပ်ချင်ပါဘူး။ သူ့ဖါသာသူ free လွတ်လပ် နေတဲ့ သဘောရဲ့ အလှကို ချစ်လို့ပါပဲ။ ။
ဇေယျာလင်း
လွတ်လပ်ရေးနေ့ ၂၀၁၄
မှတ်ချက်။ ။ Thank you, Alvin, for your poem and the inspiration I got from it.