သစ်ပင်များရဲ့ ပုံတူ

စိတ်ဟာ မြေအောက်ထဲကုတ်ဝင် အမြစ်တွေစွဲ
မြေပြင်ပေါ်မှာ လေပင်တွေ သစ်ရွက်တရှဲရှဲ

ဇယလ
၂ ဖေ ဏာသိမ်း၂၁

မိုးသောက်ယံမော်ကွန်းတစ်ခုရဲ့ ပုံတူ

တစ်ညလုံးပဲ သည်းကြီးမည်းကြီး
နှင်းဆီနီရဲတွေ
သွန်းဖြိုးရွာချနေခဲ့တယ်
ဆူးတွေရော ခက်တွေရော ရွက်တွေရော ပွင့်တွေရော
လှဲသိပ်ချရာ အိပ်ရာတစ်ခုလုံး စုံးစုံးမြုပ်
မနက် မိုးမစင်တစင်အလင်းထဲမှာ
သံချပ်ကာကားတစ်စင်းဟာ
ကိုယ်တို့ရပ်ကွက်ထဲ အူကြောင်ကြောင်နဲ့
စစ်မှားဝင်လာသတဲ့လေ
သင်းခွေချပ်တစ်ကောင်လို နှာခေါင်းထိုးပြီး ဟိုရှူဒီရှဲနဲ့
မျက်လုံးကျဉ်းကျဉ်းတွေလည်း
မကောင်းတကောင်း တစ်ဘက်ခြောက်စောင်းနဲ့
နောက်ကြောင်းပြန်ထွက်သွားတာမှ
နောက်ပြန်ကြီးကို ပြန်ထွက်သွားတော့တယ်
နောက်ကြောင်းပြန်လို့ မရတော့လို့
ကိုယ်တို့မရခဲ့တဲ့ ကလေးတွေဟာ
ကိုယ်တို့မနေရတဲ့ခေတ်ထဲမှာ လက်နက်ကိုင်ကြပြီး
အထက်အမိန့်ကအစ အောက်လက်ကျွန်စိတ်ကို
ဆားတစ်အိတ် မြစ်ထဲမျှောပြီး တော်လှန်လိုက်ကြတယ်
ဘာသာစကားကို သတိထား
ဘာသာစကားကို သတိထား လို့ပြောရင်း
နေလုံးဟာ သူမရဲ့ မသိမသာလေးကျဉ်းနေတဲ့
ဘယ်ဘက်မျက်လုံးအိမ်လှလှလေးထဲ
မှေးမှိန်မဆင်းသွားခင် နှင်းဆီတစ်ပွင့်
မျက်စမှိတ်ပြခဲ့တယ်
ကိုယ်တို့နိုးတော့ နှစ်ယောက်စလုံးမှာ
နှင်းဆီရဲ့ အဓိပ္ပါယ်သမိုင်းအစ
ဝါကျတွေဟာ ဝါစကတွေဝါစင်္ဂတွေ
ဝိဝါဟမင်္ဂလာနဲ့ ဝါဏိဇ္ဇတွေဖြစ်လို့
စိတ်ရဲ့အစိတ်အပိုင်းတစ်ခုစီဟာ
စိတ်စိတ်ချင်း မမှိတ်မသုန် တဆတ်ဆတ်ချိတ်လို့

ဇယလ
၂၉ ဇန် ကိုဗစ်၂၁

စိတ်ထဲစူးစူးရှရှအော်နေတဲ့ အသံရဲ့ ပုံတူ

သွေးဟာ စကားပြောတယ်
သွေးဟာ ယုံစရာဖြစ်ပြီး စကားတွေဟာ ဘယ်လောက်ပဲ
တောင်လိုပုံပစေ သွေးလို စကားမပြောတတ်ဘူး
စကားဟာ သွေးကို ထွက်ကျစေပေမယ့်
စကားဟာ သွေးလို စကားမပြောဘူး
ပျော်ရွှင်ခြင်းအရောင်တွေဟာ
ဝမ်းနည်းခြင်းသံစဉ်မှာ သံချေးလိုစွဲကပ်
ဆန္ဒရဲ့ပေါင်ကြားထဲ ပိုင်ဆိုင်မှုကို ရိုက်သွင်းထားချင်တာ
အနားတစ်ဖက်လပ်တြိဂံထဲ
ရာသီသွေးရဲ့ အရှင်လတ်လတ် ခက်ဆစ်အဓိပ္ပါယ်
မိုးကြိုးပစ်မယ့်စွန်ကို
ကလေးဟာ ကပ်နေတဲ့ အရိပ်မည်းကြီးထဲ မြူးတူးလို့
သွေးဟာ စကားပြောတယ်
စကားသာ သိနိုင်ရင်ပေါ့
မွန်းတည့်ချိန်ကောင်းကင်မှာ
နေဟာ ထွက်မလာပြန်ဘူး
သွေးဖတ်ဟာ ပြစ်ကနဲ စူးစူးဝါးဝါး ခေါင်းတထောင်ထောင်နဲ့
စကားတွေ
လ,သေထဲကနေ ပြောပြောပြောနေတယ်

ဇယလ
၂၆ ဇန် ကိုဗစ်၂၁

ဘာမှရေးတင်စရာမရှိခြင်းရဲ့ ပုံတူ

နေ့လည်ခင်းဟာ ငှက်တွေနဲ့ အသံပြုနေတယ်
ခြံထဲဆင်းခြင်းစိတ်ရင်းနဲ့ မြက်ခင်းပေါ်က
ပက်လက်လန်နွားရုပ်လေးနဲ့ စိတ်မှုဆူးရှသံဝါသ
အလင်းတန်းတွေဟာ ဝက်အူရစ်တွေ
စည်းစိမ်ဥစ္စာတစ်ခုလို တဖြတ်ဖြတ်လှုပ်ခတ် အရိပ်တဖိတ်ဖိတ်
ကလေးဟာ ဝက်ဝံလေးတွေ ကျောင်းသွားနေတဲ့
ကာတွန်းကားထဲ သူ့ကျောပိုးအိတ်လေးဆွဲလို့
ဘဝပေးထုတ်ချင်းပေါက်ကို အမေဟာ ထမ်းရွက်လို့
ထန်းလက်နဲ့ ကာလို့မရတဲ့ နေ့အော်သံထဲ မြိုခံရတာ
ဖယ်လီးနီး? ဘာဂ်မင်းန်? ဟစ်ခ်ျကော့က်? ဘူညူအဲလ်?
အချိုးညီဖို့မစဉ်းစားတဲ့ နေ့ရဲ့ ဂယ်သြမေတြီပုစ္ဆာ
အိပ်မက်တို့ရဲ့ လှံစွပ်ထိုးလေ့ကျင့်အပေါက်တွေနဲ့
အမှတ်ရမှုဟာ သွေးမစွန်းရင် ဘယ်လိုအလှတရားရှိမှာလဲ
မျက်မမြင်မိနစ်တွေဟာ စထွက်လာတဲ့ ရေမည်းကြီးထဲ
အတွင်းသံလိုက်ဟာ အရပ်ရှစ်မျက်နှာဆီ စိတ်ရူးပေါက်
ပင်ကိုယ်အတ္တပတ်ခြာလည်ပြီး ကနေတဲ့ အလောင်းကောင်
ကျနေဟာ သစ်ရွက်ကိုထိတာနဲ့ လိပ်ပြာဟာ ပါးစပ်ထဲကနေ
ထပျံထွက်သွားတော့တယ် လင်းနို့ဆင်လိပ်ပြာ
စကားသံတွေနဲ့ တစ်ချက်တစ်ချက် ကားဖြတ်သွားသံကစားကွက်
ရေကျသံထဲ ဖြတ်ရမယ့်တံတားဟာ ဆောင့်ခါလှုပ်ယမ်း
ပါးစပ်အမြှုပ်ထ ရုန်းကန်ဟီတယ်
နေဝင်ချိန်မှာ နိုးထလာတဲ့ ပုံပြင်စာအုပ်ကိုဖွင့် စာမျက်နှာလှန်
ကံကြမ္မာအနံ့စိမ်း ပခုံးပုတ်သွားတာ လျစ်လျူရှုသလိုရှု

ဇယလ
၂၃ ဇန် ကိုဗစ်၂၁

စိတ်ဆူးပင်ရဲ့ ပုံတူ

ကြယ်တွေဖြစ်မလာမီ လတွေဖြစ်မလာမီ
ဘလိတ်ဓားတွေ သွေးတွေ သွေးတိတ်ဆေးတွေ
ဖြစ်မလာမီ ပတ်တီးတွေ ပတ်တီးတွေဖြည်ပြီး
မင်းဖြစ်မလာမီ မံမီတစ်ယောက်မင်းထပ်ဖြစ်မလာမီ…
သူမရဲ့စကပ်ကို လှန်ပြတယ်
ပေါင်ဖွေးဖွေးမှာ ပေးထားတဲ့ ဆုတံဆိပ်တွေ
မျဉ်းပြိုင်တောင်တန်းမို့လေးတွေ
ခြစားအချစ်တောင်ပို့လေးတွေ (‘မနမ်းချင်ဘူးလား’)
ဘုရားသခင်ကို ညှို့ခဲ့တာလေ ဘာကိုရှင်းပြရမှာလဲ
သေချင်လို့မဟုတ်ဘူး သေချင်တာ တစ်ခုခု သေသွားစေချင်တာ
မသေချင်ဘူး ဘာမှမခံစားတော့တာ ဘာလဲဆိုတာ
နာကျင်မှုကို ဒဏ်ရာနဲ့ပွတ်ရတာ ပျော်စရာပါပဲ
ဖန်ကွဲစလည်း ရပါတယ် ကိုယ့်ကွဲစနဲ့ပဲ ကိုယ်ကွဲရှရတာ
ဖန်ကွဲစဟာလည်း ကိုယ်ကိုယ်တိုင်ပဲ မဟုတ်ဘူးလား
အလင်္ကာရဲ့သင်္ကေတ ဒီစကားဟာ မလှဘူးလား
အင်အားသုံး သိမ်းပိုက်ဖျက်စီးခံရတဲ့မြို့တွေ
သေနတ်တစ်ချက်မဖောက်ရပဲ မြို့ရဲ့ယောနိဝကို
ဟပေးလိုက်ရတာတွေ ရာဇဝင်မှာ မှန်ဘယ်နှစ်ချပ်
ရုပ်လပ်နေတဲ့ ရုပ်ကလပ်တွေ
ပထမဆုံးအကြိမ်တုန်းက ကမ္ဘာကြီးဟာ ရပ်သွားတယ်
ရေပြင်ထဲငုံ့ကြည့် ကိုယ့်မျက်နှာကိုယ်မြင်
ချစ်ခင်စွဲမက်စွဲလမ်း ပန်းတစ်ပွင့်ဖြစ်သွားတာ
ဒဏ္ဍာရီလာ နာဆစ္စပ်စ်တဲ့လား ဟားဟားဟား
စိတ်အရေပြားမှာ ရှသောအရာနဲ့
ရွှပ်ကနဲ ရွှပ်ကနဲ (အမေရေ့) ရွှပ်ကနဲ
စွန်းထင်းကွက် ပွက်ပွက်ဆူရေထဲက ရေသူမ
“ဟီး… ဘဝဖတ်စာ ရေးခြစ်ရာလေ ကဗျာလို့ပဲ မှတ်လိုက်တယ်
ဒီတစ်ခါ ရှင့်လက်နဲ့ ကိုယ်တိုင်လှီးတာ ခံချင်တယ်”

ဇယလ
၁၅ ဇန် ကိုဗစ်၂၁