ဒီအချိန်ကာလအတွင်း အချိန်ရဲ့ ပုံတူ

အချိန်ဟာ ရှေ့နည်းနည်းသွားလိုက် စက်ဝိုင်းလို နောက်ပြန်လိုက်နဲ့။ ရှေ့ကလေးနည်းနည်းလေးထပ်တိုးလိုက် ပိုကြီးတဲ့စက်ဝိုင်းပြန်ဖြစ်သွားလိုက်ပဲဖြစ်နေတယ်။ အချိန်ကာလကို အဲသလိုသရုပ်ဖော်တာ ဘယ်လိုစိတ်မျိုးနဲ့လဲဆိုတာဟာလည်း ပြောရခက်ပါတယ်။ ဒေါသ ပြင်းပြင်းထန်ထန်ထွက်ရမှု၊ စိတ်ပျက်အားငယ်ရမှု၊ မျှော်လင့်ချက်ဆိုတာထက် ယုံကြည်မှုတစ်ခုနဲ့ စိတ်ဓာတ်တက်ကြွမှုတို့ဟာ နာကျင်ကြေကွဲမှုတွေနဲ့ ရောထွေးလို့ နေကုန်တယ်။ တစ်ခုထဲ အခြားတစ်ခုတွေ ရောက်ရှိရောယှက်လို့ နေကြတယ်။ ဒါတောင် ခေါင်းပေါ်က လေယာဉ်ပျံသံတွေ ကြားရသေးတာ မဟုတ်သေးဘူး။ လက်နက်ကြီးတွေရဲ့ နားကွဲလုမတတ် ပစ်ခတ်ခံရတာတွေမဟုတ်သေးဘူး။ စစ်မဖြစ်သေးပါဘူး။ စစ်မဖြစ်သေးပါဘူးလို့ ချော့လျှော့တွေးဖို့ ကြိုးစားပေမယ့်လည်း စစ်ဟာဖြစ်လို့နေပါပြီ။ ခေါင်းပေါ် လေယာဉ်တွေပျံသွားတာ ကြားပြီးပြီးချင်း အဆင့်ဆင့် ပေါက်ကွဲသံကြီးတွေနဲ့အတူ မီးခိုးလုံးကြီးတွေ လှမ်းမြင်ရတော့တာပဲ။ ပြီး နားအူကျန်ခဲ့တဲ့ ပေါက်ကွဲသံကြီးတွေ။ အချိန်ဟာ ထခုန်ပြီး နောက်ကြောင်း လည်သွားတာ စက်ဝိုင်းမပြည့်မချင်း။ တိုးထားတဲ့ ရှေ့ကလေးဟာ ရှေ့ထပ်တိုးသွားသလား၊ စက်ဝိုင်းရဲ့အနားသပ်အောက် မြုပ်ပြီးပျောက်ကွယ်သွားသလား။ ဒါဟာ နေ့စဉ်တွေ့ကြုံခံစားမှုပဲ ဖြစ်နေခဲ့တယ်။ ကံကောင်းတယ်ပဲ ပြောရမလား၊ အဆိုးထဲက အကောင်းမြင်ပဲလား၊ အချိန်ဟာ ရှေ့တိုးဖို့ခက်သလောက် နောက်ပြန်လည်တဲ့ စက်ဝိုင်းတွေဟာ တစ်ခုပေါ်တစ်ခု ကြောင်လိမ်လှေကားအဖြစ် တစ်ရစ်ပြီးတစ်ရစ် မြင့်တက်လို့သာ လာနေချေတော့တယ်။

ဇယလ
၁၈ ဧပြီ၊ ဏာသိမ်း ‘၂၁

၂၀၂၁၊ သင်္ကြန်အတက်နေ့ရဲ့ ပုံတူ

အဲဒီအလောင်းကို ဒင်းတို့ ဘယ်လိုပဲမြှုပ်မြှုပ်
မြေသားရဲ့မျက်နှာပြင်ပေါ်မှာ ပေါ်လို့ပဲနေတယ်
ရိုက်နှက်ထားလွန်းလို့ ယောင်္ကျားလား မိန်းမလား
လိင်မကွဲပြား အသက်အရွယ် မသိနိုင်တော့တဲ့ရုပ်
ဘယ်ဘက်မျက်လုံးဟာ ဖူးယောင်ပြီး မှိတ်လို့နေတယ်
ညာဘက်မျက်လုံးနေရာမှာ ချိုင့်ခွက်
အောက်နှုတ်ခမ်းတစ်ခြမ်းဟာ ပြတ်ရှတွဲကျလို့နေပြီ
တစ်မျက်နှာလုံးမှာ သွေးဟာ စိုနေ ခြောက်နေ
ဒင်းတို့ စစ်ဖိနပ်တွေနဲ့ တက်နင်းကန်ကြောက်ကျတယ်
ဂေါ်ပြားတွေနဲ့ မြေကြီးထဲ ဆောင့်ရိုက်ကြတယ်
သေနတ်ဒင်တွေနဲ့ ထုရိုက်သွင်းကြတယ်
မျက်နှာမှာ ထွက်စရာ သွေးတောင်မရှိတော့
မျက်နှာဆိုတာထက် ကျိုးကြေနေတဲ့ အရိုးစ အသားစ
နောက်ဆုံး ကျောက်တုံးကျောက်ခဲတွေ တင်လိုက်ကြတယ်
ဒင်းတို့ဒေါသနဲ့ ကျောက်တုံးတွေ ထပ်လိုက်တာ
ဒင်းတို့လုပ်ရပ်ရဲ့ တစ်ရပ်စာ ဖြစ်သွားတယ်
အမှတ်တရကျောက်တိုင်နဲ့တူတဲ့ ကျောက်တုံးတွေ
ကျောက်တုံးကလွဲလို့ ဘာမှမရှိတော့မှပဲ
ဒင်းတို့ အောင်မြင်စွာ ထွက်ခွာသွားကြတယ်
မိုးပေါ်က ငုံ့ကြည့်မှ မြင်ရတော့တယ်
ကျောက်တုံးတွေထိပ်မှာ
ထင်းထင်းကြီးပေါ်နေတဲ့ မျက်နှာ
ဘာမထီအပြုံးနဲ့ ဝင်းသန့်လို့

ဇယလ
၁၇ ဧပြီ၊ ဏာသိမ်း ‘၂၁
သင်္ကြန်အတက်နေ့

လှောင်ချိုင့်ရဲ့ ပုံတူ

ဒင်းတို့ရဲ့ ခမောက်တွေအောက်မှာ
မူလီနဲ့ ကျပ်ထားတဲ့ လှောင်ချိုင့်တစ်လုံးစီ ရှိကြတယ်
အဲဒီထဲမှာ သွေးဆာနေတဲ့ သတ္တဝါဟာ
ခေါက်တုန့်ခေါက်ပြန်သွားနေတယ်
ခမောက်ကို ချွတ်လိုက်ရင် လှောင်ချိုင့်ပါ ကျွတ်ထွက်သွားပြီး
အရိုင်းစိတ်ရဲ့ သွေးစိမ်းရှင်ရှင် ပန်းထွက်တယ်
ဒင်းတို့မယားတွေနဲ့ နမ်းကြရင်
ခုနစ်အိမ်ကြား ရှစ်အိမ်ကြား
လှောင်ချိုင့်ချင်းချင်း ပွတ်သပ်ရိုက်ခတ်သံတွေ ကြားရတယ်
ကလေးမွေးရင် လှောင်ချိုင့်ပျော့ပျော့လေးဟာ
သူ့အမေရဲ့အဝှါထဲက ထိုးထွက်လာတတ်တယ်
လေပဲရှိသေးတဲ့ လှောင်ချိုင့်လေး
ဦးခေါင်းတစ်လုံးဟာ ဝင်းတစ်ခုထဲ ဝင်သွားပြီး
လှောင်ချိုင့်တစ်လုံးနဲ့ ပြန်ထွက်လာတော့တယ်
လှောင်ချိုင့်တွေဟာ သွေးညှီနံ့နဲ့ အချင်းချင်းသိကြတယ်
အပြင်လူတွေနဲ့ယှဉ်ပြီး ဒင်းတို့ မှန်ထဲမကြည့်ရဲကြဘူး
ဦးခေါင်းတစ်လုံးကို ဘယ်တော့မှ မရနိုင်တော့မှန်းသိလေ
လှောင်ချိုင့်တွေဟာ နာကျည်းဒေါသသွေးဆာလေပဲ
မိစ္ဆာရဲ့ ဟိန်းဟောက်သံဟာ
ဒင်းတို့ရဲ့ ကတိသစ္စာရွတ်ဆိုသံပဲ ဖြစ်တယ်….

ဇယလ
၁၅ ဧပြီ၊ ဏာသိမ်း ‘၂၁

Portrait of a Cage

Under the helmet is a cage
Screwed firmly to each other
In the cage lies a blood-thirsty thing
Prowling prowling prowling
Removing the helmet will remove the cage
Making bestial blood gush forth
When kissing their mates
The sound of bars scraping and clanging
Can be heard 7 or 8 houses away
A soft cage issues first from it’s mother’s hole
When born an empty cage of air
A head enters a compound
And comes out with a cage instead
Cages recognize one another by the stench of blood
Cages dare not glance at mirrors
Lest they notice their heads missing
Knowing they will never own a head again
Heats their blood to murderous point
The Devil’s howl
Is their vow to protect
One another.

Zeyar Lynn
15 April, 2021

၂၀၂၁၊ သင်္ကြန်အကျနေ့ရဲ့ ပုံတူ

ဘာမီယံက ပေ၁၀၀၀မြင့် မတ်ရပ် ဗုဒ္ဓဆင်းတုတော်တွေကို
တာလီဘန်တွေ မိုင်းခွဲဖျက်ဆီးလိုက်သလိုပဲ
အဓမ္မကို သင်္ဃန်းဝတ်နဲ့ မြင်လိုက်ရတော့
သာသနာကို ဘယ်လိုအားနာမိမှန်း မသိတော့ဘူး
အပြင်ကတိုက်လေရဲ့တွန်းအားကြီးလေ
ပိတ်လိုတဲ့တံခါးရဲ့စိတ်ဟာပြင်းထန်လေ
တစ်စစီ ပြုတ်ပျက်လွင့်ထွက်သွားတဲ့ အထိပေါ့
သြော်… ဒီနေ့ သင်္ကြန်ကျပြီပဲ
တစ်နှစ်စာငြိမ်းချမ်းရေးအတွက် ကမ္ဘာကြီးဟာ
နှစ်၄၀၀ကျော် စစ်ပွဲတွေ ဆင်နွှဲရသတဲ့လား
အင်အားပြိုင်တာ သဘာဝပါပဲ အင်အားသုံးခြင်းမှာသာ
အလိုဆန္ဒ မစ္ဆရိယ အကြမ်းဖက်မိစ္ဆာဝါဒ
ဘာအရောင်ပဲ ခြုံခြုံပေါ့
ဘယ်အယူမဆိုမှာ သန့်စင်တဲ့ မိုးနံ့လေနံ့ဟာ
ခြောက်သယောင်းမြို့ကြီးထဲ စိတ်ကူးအိပ်မက်တို့ရဲ့
ပွန်းပဲ့ထိခိုက်ရာတွေအတွက် လိမ်းဆေးလိုလိုက်ရှာ
ပူဆွေးခြင်းကို မြိုသိပ်ပြီး တစပြင်လို ဖြတ်သွားတယ်
ပစ်ပစ်ပစ်လိုက်ပါ ရွှဲအောင်ပစ်လိုက်ပါ
လောင်းလောင်းလောင်းလိုက်ပါ
အလောင်းတွေ ထပ်သွားမှာ
ရေလောင်းနေတဲ့ သေနတ်တွေ
ဆူးတွေနဲ့ ရင်သားတွေကို လက်ဗလာနဲ့ ဆုပ်နယ်လို့
ကျီးတွေပြိုတာ အထဲမှာ
‘မဖော်ပြနိုင်တဲ့ အင်အားရဲ့ မလုံလောက်တဲ့ သင်္ကေတတွေ’
‘လိပ်ပြာဟာ မင်အိုးထဲနစ်သွားတယ်’ (လော်ရ်ကာ)

ဒီနေ့ဟာ သင်္ကြန်အကျနေ့ပဲလေ
တစ်စစီဟာ လူတစ်ယောက်စီ ပြန်ဖြစ်လာကြတယ်
ဒီနေ့လည်း ကျီးပျိုတွေ ထွက်လာကြပုံဟာ
အောင်အတိတ် အောင်နိမိတ်နဲ့
အနာဂတ်အလောင်းအလျာတွေ
ရင်ထဲဆင်းကြည့် ရွှေအဆင်းပကတိနဲ့
တစ်ကိုယ်ရေပြောရမယ်ဆို
သံဃကို သံသယရှိပေမယ့် ဓမ္မဟာ သံသရာ
တစ်ခုလုံးကို မြင်နိုင်တယ်ဆိုတာ မလွဲမသွေ ယုံကြည်မိ …

ဇယလ
၁၄ ဧပြီ၊ သင်္ကြန်အကျနေ့၊ ၂၀၂၁