ကဗျာအကြောင်း ပြောပါတယ် (၆၇)

ကဗျာအကြောင်းကို ပြောခဲ့ကြတာ နှစ်ပေါင်းထောင်နဲ့ချီပါပြီ။ အဲဒါကိုပဲ အခုထိပြောနေရ၊ ပြောနေကြတုန်း၊ နောင်လည်း ပြောကြဦးမှာပဲ။

ပြောကြတဲ့အချိန်မှာ ပြောသူရဲ့ ကဗျာဆိုင်ရာသိမှုအနည်းအများ၊ အတိမ်အနက်၊ ခံယူချက်၊ ပုဂ္ဂလိကခံစားမှု စသည်တို့နဲ့ယှဉ်ပြောကြတာပဲ ဖြစ်ပါတယ်။ ပုဂ္ဂလဓိဌာန်ဘက် အများကြီး ပါနိုင်ပါတယ်။

“ကဗျာ” ဆိုတဲ့အမြင်ပေါ်မှာရယ်၊ ကဗျာနဲ့လောကီလောကုတ္တရာ ပတ်သက်နေမှုတွေအပေါ်မှာရယ် ပြောဆိုကြတာပဲ ဖြစ်ပါတယ်။

ခက်တာက ရိုးရှင်းတဲ့ကိစ္စတစ်ခုပါပဲ။ အခြားမဟုတ်ပါဘူး၊ မေးခွန်းတစ်ခုလေးရယ်ပါ၊’ ကဗျာဆိုတာဘာ’။ အဲဒီမေးခွန်းကိုဖြေဖို့ အလုပ်၂မျိုးလုပ်ဆောင်ခဲ့ကြတာ သမိုင်းတလျှောက်ပါပဲ။ ပထမက အဆိုပါ’ကဗျာ’ဆိုတာကို အတွေးအမြင်၊ ထင်မြင်ယူဆချက်၊ ရှုထောင့်၊ သီအိုရီ စသည်တို့နဲ့တည်ဆောက်ပြချက်တွေပြုလုပ်ခြင်းဖြစ်ပြီး ဒုတိယကတော့ လက်တွေ့ဖန်တီးပြခြင်းပဲဖြစ်ပါတယ်။

ဒီနှစ်ချက်ဟာ ပေါင်းကူးပေါင်းစပ်နေတာလည်း ရှိသလို ပေါင်းကူးပေါင်းစပ်ပုံအမျိုးမျိုးလည်း ရှိနေတာ ဖြစ်ပါတယ်။ ဒါကိုလူမျိုးရှုထောင့်ကမကြည့်ပဲ ကမ္ဘာ့ကဗျာသမိုင်းတလျှောက်လုံးကနေ ဒီနေ့ ကြာသာပတေး၊ ဒီဇင်ဘာ ၂၄၊ ၂၀၂၀ အထိပါပဲ။ ဒါတောင် ထုတ်ဖော်ရခြင်း မရှိသေးတာတွေ၊တွေးဆဲမှာ အစာချေနေတာတွေလည်း များစွာရှိပါသေးတယ်။

“‘ကဗျာ’ဆိုတာဘာ”။ ယနေ့အထိ ဝိရောဓိမဲ့ ယတိပြတ်တိကျတဲ့ ဖွင့်ဆို၊မိန့်ဆိုချက် မရှိသေးပါဘူး။ အဘိဓာန်ဖွင့်ဆိုချက်တွေဟာ သုသာန်လိုမဟုတ်ရင် ပြတိုက်ထဲက ရှေးဟောင်းပစ္စည်းတွေလို ဖြစ်ခဲ့ပါပြီ။ ‘အနုပညာဟူသည်’လည်း ထိုနည်း၎င်း။
Continue reading

ကဗျာအကြောင်း ပြောပါတယ် (၆၆)

၁၉၆၀-၁၉၇၀ ကာလတွေမှာ အမေရိကန်ကဗျာလောကမှာ ဆူရီယလ်လစ်ဇင်မ် ခေါင်းထောင်လာခဲ့တယ်။ ၁၉၂၀ခုနှစ်များနှောင်းပိုင်းကနေ ဒုတိယမ္ဘာစစ်အပြီး အမေရိကန်ကဗျာလောကမှာ ဆူရီယလ်လစ်ဇင်မ်ကဗျာနဲ့ မဂ္ဂဇင်းတွေရှိနေပြီး ဖစ်လစ်ပ် လာမန်းရှား၊ ချားလ်စ် ဟင်နရီ ဖော့ဒ်၊ ယူဂျီးန် ဟိုးလာ့စ်တို့ပေါ်လွင်ခဲ့ကြပေမယ့် သူတို့ကို ဥရောပ(ပြင်သစ်)ဆူရီယလ်သမားတွေလို့ခေါ်ခဲ့ကြတယ်။

အမေရိကန် ဆူရီယလ်လစ်ဇင်မ်လို့ခေါ်တဲ့ ဆူရီယလ်လစ်ဇင်မ်ကို အမေရိကန်မှုပြုလိုက်တာကတော့ ၁၉၆၀ခုနှစ်တွေမှာစခဲ့တယ်။ အဲဒီကာလက ကွန်ဖက်ရှင်နလ်၊ ဘိ(တ်)၊ ဘလက်(က်)မောင်တင်န်၊ ဆဲန် ဖရဲန်ဆစ္စကို ရီနေဆော့န်စ်၊ နျူးယော့က် စတဲ့ကဗျာဂိုဏ်းတွေနဲ့အပြိုင် ဒိ(ပ်)အစ်မေ့ဂ်ျဂိုဏ်းလည်း ပေါ်လာတယ်။

ဘိ(တ်)(ဂင်းန်စ်ဘာ့ဂ်) နဲ့ နျူးယော့က် (အက်ရ်ှဘရီ၊ ကို့ခ်၊ အိုဟာရာ၊ ဘာဘရာ ဂက်စ်တ်) တို့ကို လွှမ်းမိုးခဲ့ပေမယ့် ဆူရီယလ်နဲ့ထဲထဲဝင်ဝင်ပတ်သက်ခဲ့တာကတော့ ဒိ(ပ်)အစ်မေ့ဂ်ျပဲဖြစ်တယ်။ ဒါပေမယ့် ဆူရီယလ်လစ်ဇင်မ်နဲ့ ကွဲပြားခြားနားတာတွေရှိတယ်။

(၁) ကဗျာအတွက်အသုံးပြုခြင်း၊
(၂) ဖရွိုဒ်ထက် ယွန်းဂ်(Carl Jung)ဘက် လိုက်ခြင်း၊
(၃) ပြင်သစ်ဆူရီယလ်လစ်ဇင်မ်ထက် စပိန်/လက်တင်အမေရိက (လော်ရ်ကာ)ဘက်လိုက်ခြင်း၊ ဘလိုင်းဝ် Robert Bly ရဲ့ Leaping Poetry ကဗျာအယူအဆမှာ သိစိတ်-မသိစိတ်-သိစိတ် ဆိုပြီး သိစိတ်ထံပြန်လှည့်သွားခြင်း

တို့ဖြစ်ပါတယ်။ ဒိ(ပ်)အစ်မေ့ဂ်ျကဗျာဆရာတစ်ဦးဖြစ်သူ ဂျေးမ်စ်ရိုက်တ် James Wright ဆိုရင် သူ့ကဗျာကို ဆူရီယလ်လို့ပြောတာ မကြိုက်ဘူး။ ‘အဲသလိုဆို ကျနော့်ကဗျာဟာ မအောင်မြင်ဘူးပေါ့ဗျာ’ လို့တောင် ပြောခဲ့သေးတယ်။
Continue reading

ကဗျာအကြောင်း ပြောပါတယ် (၆၅)

အခါတစ်ပါး၌ ပုဂ္ဂလိကပိုင် ပန်းချီပြခန်းတစ်ခုမှာ အနုပညာ/ပန်းချီဆိုင်ရာ နှီးနှောဖလှယ်ပွဲတစ်ခုကျင်းပခဲ့တယ်။ ဂျေးကို စီစဉ်တဲ့ပွဲ။ နိုင်ငံခြားသားတွေလည်းပါတယ်။ ကိုအေးကို၊ ကိုပိုပို၊ ဒေါ်ချောအိသိန်းတို့လည်း ပါကြတယ်။အဲဒီမှာ အင်စတောလေးရှင်း/ပါဖောမန့်စ် အာ့တ် လုပ်ကြတော့ ကိုပိုပိုက ဘာလုပ်သလဲဆိုတော့ ပန်းချီပြခန်းရဲ့ နဲရံတစ်ခုရဲ့အောက်ခြေထဲ သံတစ်ချောင်း ရိုက်သွင်းပစ်လိုက်တယ်။ အဲဒီအချိန်မှာ ပြခန်းပိုင်ရှင် ဦးလေးနဲ့ဒေါ်ဒေါ်တို့ မျက်စိမျက်နှာပျက်ကြတာ သတိထားလိုက်မိတယ်။

အဲဒီမှာ အနုပညာဖန်တီးထုတ်လုပ်မှု နဲ့ နောက်ကွယ်က အင်စတီကျူးရှင်း (ဒီနေရာမှာဆို ပြခန်းပိုင်ရှင်၊ ပြခန်း၊ ရုပ်ပိုင်းဆိုင်ရာအကျိုးအမြတ်၊ နာမ်ပိုင်းဆိုင်ရာအကျိုးအမြတ်၊ စသည်ဖြင့်ပေါ့လေ) ကို ဖော်ပြလိုက်မှုတို့ကို ခွဲခွဲခြားခြား မြင်လိုက်ရတယ် (ကျနော့် အတ္တနောမတိ subjective view)။

အနုပညာဖန်တီးမှုနဲ့ ပြသမှု (ဝါ) အများပြည်သူထံ ချပြမှုနဲ့ နောက်ကွယ်က မမြင်ရတဲ့ အင်အားစု(တွေ) (အနုပညာပေါ်သဘောထား၊ အနုပညာပစ္စည်း/လက်ရာအဖြစ်သတ်မှတ်မှု၊ စံထားမှု၊ ဘေးဖယ်ထုတ်မှု၊ စသည်။)

ကိုပိုပိုရဲ့လုပ်ရပ်ကို ကွန်ဆက်ပချူရလ်လို့ ကျနော်မြင်တယ်။ ပေါလစ်တစ်ကလ် ‘ပါဝါစိုးမိုးမှုဆက်ဆံရေး’ကို ကျနော်မြင်တယ်။ anti-art လို့တောင် ပြောလို့ရမယ်လို့ ကျနော်ထင်တယ်။

ဒါမျိုးဟာ ကဗျာမှာကော ဘယ်လိုရှိသလဲ။

စဉ်းစားမိတာပြောပါတယ်။
ကဗျာအကြောင်းပြောပါတယ်။

ဇယလ
၁၃ ဒီ ကိုဗစ်၂၀

ကဗျာအကြောင်း ပြောပါတယ် (၆၄)

ရသစာပေ(ဝါ) အနုပညာ(ဝါ) ကဗျာသမိုင်းဟာ အလှတရားပေါ်လာခြင်း၊ ပျောက်ဆုံးသွားခြင်းနဲ့ ယခင်ထက်ပိုအင်အားရှိတဲ့ အလှတရားအသစ်ကို ရှာဖွေဖော်ထုတ် စမ်းသပ်ဖန်တီးမှုဖြစ်စဉ်ပဲ ဖြစ်တယ်။

အလှတရား Beauty ကို ဆရာဇော်ဂျီပြောတဲ့ ရသနှစ်သက်မှု လို့ နားလည်လို့ရတယ်။ ကဗျာကပေးတဲ့ အလှတရားဟာ ကဗျာရသတွေ့ကြုံခံစားမှု ဖြစ်တယ်။ ဒီကဗျာရသတွေ့ကြုံခံစားမှု poetic experience ကို ဖြစ်စေတာဟာ ကဗျာအတွေးနဲ့ ကဗျာသုံးတန်ဆာပလာ poetic devices ကြောင့်ဖြစ်တယ်။ ဥပမာ၊ အိုက်ဒီယာ ဗောလာရီညို Idea Volarinõ ရဲ့ ကဗျာထဲက

ခန္ဓာကိုယ်ဆိုတာ
သူ့သေခြင်းကို သူကိုယ်တိုင် ရွှမ်းမှည့်လာစေတဲ့
သစ်သီးဖြစ်တယ်။

တစ်ချိန်မှာ ဒီသေခြင်းတရားအကြောင်းကိုပဲ သူ့ခေတ်အသိ သူ့ခေတ်ရဲ့အာရုံခံစားပုံနဲ့ ပိုထိထိမိမိသိရတဲ့ ရေးဖွဲ့ပုံ၊ ရေးဟန်၊ နည်းနာတက္ကနိနဲ့ ဖန်တီးဖော်ကြူးလိမ့်မယ်။ အလှသစ်။

ကဗျာသမိုင်းဖြစ်စဉ်ကို ဒီလိုပဲ ရိုးရိုးစင်းစင်း နားလည်မိပါတယ်။

စဉ်းစားမိတာ ပြောပါတယ်။
ကဗျာအကြောင်း ပြောပါတယ်။

ဇယလ
၂၈ နို ကိုဗစ်၂၀

ကဗျာအကြောင်း ပြောပါတယ် (၆၃)

အရေးအသားတစ်ခုဟာ ဘယ်အချိန်မှာ
(၁) ‘ကဗျာပုဒ်’ ဖြစ်သွားသလဲ။
(၂) ‘ကဗျာ’ ဖြစ်သွားသလဲ။

ဒါဟာ ကဗျာရဲ့ ထာဝရမေးခွန်းလည်းဖြစ်ပြီး အဖြေပေါင်းစုံလည်းရှိပါတယ်။ ကျနော်လက်ခံတဲ့ဖြေရှင်းချက်တစ်ခုပြောပြချင်ပါတယ်။ ရုပ်သွင်သဏ္ဍာန်အားဖြင့် လိုင်းစီထားရင် ‘ကဗျာပုဒ်’ လို့ထင်တာများပါတယ်။

သဏ္ဍာန်အားဖြင့်
လိုင်းစီထားရင်
ကဗျာပုဒ်လို့ ထင်ကြတယ်။
(အား/ထား နဲ့ ရင်/ထင် ကာရန်တောင် ပါလိုက်သေး)။
မကြောက်ကြနဲ့ ကပ်အန္တရာယ်
ဒို့လက်တွဲပြီးအဖြေရှာ
မိမိကိုယ်မိမိ အရင်ကာကွယ်ကြပါစို့။
လိုင်းစီလို့သာ ‘ကဗျာပုဒ်’ ထင်ရတယ်။ ဒါပေမယ့် ဒါတွေဟာ ‘ကဗျာ’လား။

ကဗျာဖြစ်မဖြစ်ကို ကဗျာပုဒ်လို့ထင်ရတဲ့ စီရင်ထားသိုပုံလောက်နဲ့ ပုံသေပြောလို့မရပါဘူး။ ဖြစ်တဲ့အခါဖြစ်ပြီး မဖြစ်တဲ့အခါမဖြစ်တာ သိကြမယ်လို့ထင်ပါတယ်။ ဝေးဝေးမကြည့်ပါနဲ့၊ သတင်းစာကဗျာကဏ္ဍမှာ ဖော်ပြပါရှိတာတွေဟာ အနိမ့်ဆုံး ‘ကဗျာပုဒ်’ အဆင့်သာရှိတာတွေ့နိုင်ပါလိမ့်မယ်။ (ဒါဟာ ရေးသူတွေကိုချိုးနှိမ်တာမဟုတ်ပါ။ ကဗျာအကြောင်းပြောရာမှာ ကျွဲကူးရေပါသဘောမျှသာ)။
Continue reading