ပြတင်းစကား

ဘယ်ကြားရမလဲ သူပြောနေတာ ဒီလောက်ဆူညံသံကြီးနဲ့ အာရုံစိုက်ဖို့ကလည်း ခွက်တွေထဲဗွက်ပေါက်နေပြီ မနက်ဖန်မှာလည်း တိုင်းပြည်ဟာ ငိုနေတဲ့ကလေး မုန့်ကျွေးချော့လိုက်သလို မဟုတ်ရင် ခေါင်းထဲအထိတ်တလန့်လိပ်ပြာတွေထပျံသွားအောင် ၃. ၄. ချက်ခေါက်လိုက်သလို ငြိမ်းချမ်းသွားမှာမှမဟုတ်တာ ဒုတိယလှိုင်းကိုစီးကြရဦးမှာပဲလို့ ကပ်ရဲ့ကမ်းခြေကို ရောဂါကလှမ်းပြောလိုက်တယ် ကြားမကြားတော့မသိဘူးပေါ့ အလိုတွေကများ အရတွေကနည်း ဆင်းရဲတဲ့အရပ်မှာ မစ္ဆရိယမင်းမူတာ ဟုတ်လား အဲဒါနားစွန်နားဖျားလား တစ်ပုံစံတည်းဖြစ်နေမှ ကျားဘယ်လိုဆွဲဆွဲ မကွဲကြမှာတို့ ဘယ်သူမဆိုလိုပါပဲ ကိုယ်လည်းခွင့်ပြုချက်ရငြီးငွေ့မှုထဲက ထွက်ကြည့်တာ အနှောင်းကြီးနှောင်းနေတဲ့မိုးကုပ်စက်ဝိုင်းရဲ့ တံစက်မြိတ်မှာပဲ ကိုယ့်ခြေရာကို ပထမဆုံးအကြိမ်လိုလို ပြန်တွေ့ရတာ

စံနှုန်းလို့ခေါ်တဲ့ စည်းရိုးအချို့အရဆိုရင် ဒါဟာသာသနာ့နတ်ဆိုးဧက ဟုတ်မဟုတ်ဆိုတာ မသေချာပေမင့် အများညီ ဤကိုဟုတ်သည်ပဲယူလိုက်တာ အန္တရာယ်ကင်းပါတယ် ကိုယ့်လူ ကိုယ့်ဆီတန်းတန်းမတ်မတ် ပျံသန်းရောက်လာတဲ့ ကျီးကန်းဟာ ကိုယ့်ကိုကျော် ဝဲပတ်ပြီး နောက်တစ်ခေါက်တန်းတန်းမတ်မတ် မျက်လုံးထဲလာစိုက်ကြည့်သွားတာ ပြီး ဆူညံသံကြီးထဲမှာပဲ ပျံသန်းသွားတော့တယ် ကိုယ်ဟာအာရုံတစ်ခုခုမှာနစ်နေခဲ့လို့ပဲထင်တယ် ဘာမှမသိလိုက်တာ ဘာမှမကြားလိုက်တာ ကြိုးစင်ပေါ်ရောက်မှပဲ ကိုယ့်ကိုတခဲနက်အားပေးဖို့ ပရိသတ်လက်တွေထဲဆုပ်ကိုင်ထားကြတဲ့ခဲလုံးတွေ ပုလင်းကွဲတွေ ကြိမ်းမောင်းကျိန်စာတွေ ဒီမှာကြည့် လူတစ်ယောက်မှာ သူကိုယ်တိုင် သူစိမ်းဖြစ်ပိုင်ခွင့်မရှိရဘူးလို့ ဘယ်သူမှမကြားဘူးဘူးလား အဲဒီအခေါင်းလိုခေါင်းထဲ အဲဒီလင်းနို့အုပ်ကြီးအဲသလောက်များသလား တောင္ပံပါပေမယ့် ဇောက်ထိုးကြီးတွေနဲ့နေ့ညသင်္ဂဟတွေ ညမည်းကြီးရဲ့အမွေးရှည်ကြီးတွေလိုအပေါင်းအသင်းတွေ ဒီတစ်ခေါက်တကယ်ထွက်ပါမယ်လို့ ကတိကိုသတိမရတဲ့လလိုပါပဲ လူလိုနေရတာဘယ်လောက်လိမ်ကောက်ကွေးနေသလဲဆိုတာ နောက်ဆုံး ဆန့်ဆန့်ကြီးဖြစ်တော့မှပဲ အသက်ရှူချောင်တော့တယ်လို့ တစ်ယောက်ယောက်က တီးတိုးပြောသွားတာဟာလည်း အစွန်အဖျားသစ်ကိုင်းဟာ သူ့ချည့်သက်သက်လှုပ်နေသလိုပါပဲ

ဇယလ
၂၂ သြဂုတ် ၂၀

သမိုင်းသစ်

ပြင်သစ်ကွန်မြူနစ်ပါတီကိုအလုပ်အကျွေးပြုပါရစေလို့ အန်ဒြေ ဘရေတွန်ကရိုသေစွာတင်သွင်းတော့ ချက္ကိုဆလိုဗက်နိုင်ငံရဲ့ နွားနို့ထုတ်လုပ်မှုအစီရင်ခံစာရေးသားတင်သွင်းဖို့ ပါတီက ဘရေတွန်ကိုတာဝန်ပေးလိုက်တယ်။ တော်လှန်ရေးကို မသိစိတ်ကဦးဆောင်ဆင်နွှဲဖို့ ပေါ်လစ်ဗြူရိုကမသိကြလေချင်း။အလုပ်လက်မဲ့တက္ကသိုလ်ဘွဲ့ရကောင်လေးဟာ သူ့ကောင်မလေးသူဋ္ဌေးသားနဲ့ ဟော့ပေါ့ဆိုင်ထဲဝင်သွားတာတွေ့လိုက်တော့ ပေါက်ကွဲတော့တာပေါ့။ကောင်မလေးရဲ့ဆံပင်ထဲရင်ကြားထဲ ပြီး ပေါင်တွေပေါ် အချဉ်ရည် လေးမျိုး၊ ကြားပုစွန်အကောင် ၈၀၊ဂဏန်းလက်မညှပ်ထားတဲ့ရင်ကွဲနာကျမှု နဲ့ အခြားသောအထွေထွေ ဝက်သုံးထပ်သား၊နာကျင်အသည်းအမြစ်၊အူတို အူရှည် အူခွေတွေအကုန်လုံး ဝရုန်းသုန်းကားနဲ့ အက်ရှင်ပိန်တင်ဂ်ဖြစ်သွားတယ်။ ဟိုငနဲကိုတော့ မာလာရှမ်းကောချဉ်စပ်ပွက်ပွက်ဆူထဲထည့်ပြုတ်ပစ်လိုက်တယ် တရားသူကြီးကသူ့ပစ္စည်းမဲ့ဒေါသအတွက်အလုပ်ကြမ်းနဲ့ထောင်ဒါဏ် တစ်နှစ်ခွဲကျစေ။မင်းတို့ဥပဒေနဲ့တရားစီရင်ရေး ကျဆုံးပါစေ။ မင်းတို့အချစ် ကျဆုံးပါစေ။ မင်းတို့ဟော့ပေါ့ဆိုင် ကျဆုံးပါစေ။အရှေ့မှာရောင်နီလာပြီ။အရှေ့တိုင်းဟာ တော်လှန်ရေးအရောင် ရဲရဲနီ။လေးစားမြတ်နိုးရိုသေအသက်ပေးရသောခေါင်းဆောင်တော်မြတ်ကြီးရဲ့ထာဝရစစ်မှန်သောအိုင်ဒီယော်လော်ဂျီဖြင့်ရန်သူနယ်ချဲ့ဓနရှင်လောက၏လည်ကိုလိမ်ချိုးပြီး ပစ္စည်းမဲ့အာဏာရှင်စနစ်ထူထောင်မည်။ သမိုင်းရဲ့ဝမ်းထဲကနေလူတန်းစားသစ်ပေါ်ထွန်းမည်။ရေတွေဟာမှန်ကန်သောဒိုင်ယာလက်တစ်သမိုင်းအမြင်ဖြင့်ရေလိုစီးကြမည်။ Continue reading

အမှတ်ရမှုတွေ

အမှတ်ရမှုတွေဟာအသားနုအမြဲတက်တယ်လို့ဆရာဝန်ကပြောတာပဲ။အဲဒီအကြောင်းတရားဟာအကျိုးတရားဆီရောက်လာနိုင်မှန်းဘယ်သူသိမလဲ။ခွဲစိပ်ခံရပြီးစိတ်ထဲအသိဟာရေထဲဝေဝါး။ရောက်ခဲ့သလား။ပြန်ရောက်ခဲ့သလား။ပြန်ရောက်လာပြီလား။တရားမှတ်ရတော့မလား။ညဥ့်နက်ကြီးထဲမှာအသိတစ်ယောက်ရဲ့ကြောင်မလေးဟာသခင်မကိုတရားပြသွားခဲ့သေးတယ်။အဆိုးတွေထဲကအကောင်းပေါ့လို့ပြောဖို့ကလည်းကိုယ်တိုင်တွင်းတူးပြီးတွင်းထဲကိုယ်တိုင်မထည့်နိုင်ခဲ့ဘူး။တသိမ့်သိမ့်ခါအောင်ရှိုက်ကြီးတငင်နဲ့တရားစခန်းခြင်ထောင်ထဲရိုက်တာရိုက်တာမှလှိုက်ခါနေတော့တာပဲတဲ့။နာကျင်မှုရှိမှတော့ဘဝမရှိပဲနေမလား။ဘဝရှိမှတော့ညကြီးထဲမှာတစ်ယောက်တည်းဘယ်တုန်းကမိုးတွေမည်းပြိုအုံကြွလာမှန်းမသိရခင်ခံနိုင်ရည်တာကျိုးသွားခဲ့တာ။သူ့ကြောင်လေးသေသွားတုန်းကအမေဟာကြောင်သေလေးကိုထဘီဟောင်းဖြတ်စလေးနဲ့ပတ်၊ကြွပ်ကြွပ်အိတ်အမဲထဲထည့်ပြီးဈေးသွားဦးမယ်ဆိုအဲဒီအထုပ်ကလေးနဲ့ထွက်သွားတယ်။ပြန်လာတော့ဂန္ဒမာပန်းတစ်စည်းဝယ်လာပြီးဘုရားပန်းကပ်ဖို့ပြင်တော့တယ်။ခွဲစိပ်ခံရပြီးအဲဒီအသိတွေဟာမိုးရွာပြီးစစိုထိုင်းသစ်ဆွေးမှာထွက်လာတဲ့မှိုပွင့်ကြီး။မီးခိုးရောင်ညစ်ညစ်။ခေါင်းထဲမှာတိုင်းဗုံးရှိတယ်တဲ့၊သွေးကြောကျဉ်း၊ဘယ်အချိန်မှာဦးနှောက်ထိသွားမလဲမသိဘူးတဲ့။ဘယ်အချိန်မှာဘာဖြစ်သွားမလဲမသိဘူးတဲ့။ဘယ်အချိန်မှာဘာဖြစ်သွားမလဲ။ဘယ်အချိန်တုန်းကဘာဖြစ်ခဲ့သလဲ။တစ်ချိန်ချိန်မှာအမှတ်ရမှုတွေဟာရှင်လျက်နဲ့လွတ်ထွက်ကုန်ရင်ကော။ခွဲစိပ်မှုအောင်မြင်ပြီးဘာဆိုဘာမှမသိတော့ဘူးဆိုရင်ကော။မသိတာကောင်းတယ်လို့ပြောကြမလား။မသိတော့မခံစားရဘူးပေါ့လို့ပြောကြမလား။ထုတ်တန်းမှာကြွက်တွေဆူညံပြေားလွှားနေကြလို့အိပ်မရတဲ့ညတွေကိုမှတ်မိတယ်။စိတ်ရဲ့ဝင်္ကပါလမ်းကြောင်းတွေထဲတကျွိကျွိအော်ပြီးပြေးလွှားဆူညံနေသံကိုမှတ်မိတယ်။မင်္ဂလာဦးညတုန်းကကိုယ်တို့ဘာမှမလုပ်ရခင်ရှိုက်ကြီးတငင်မင်းငိုခဲ့တာ။ခြံထဲကအပင်ကြီးရဲ့ပင်စည်မှာကပ်စိုက်ထားတဲ့သဇင်ပန်းခရမ်းရောင်အတန်းလိုက်တွေဟာလည်းခဲပြီးသည်းကြီးမည်းကြီးကိုပွင့်နေလိုက်ကြတာ။အကယ်၍အမှတ်ရမှုတွေတစ်ခုပြီးတစ်ခုဆုံးရှုံးသွားရမယ်ဆိုရင်တတ်နိုင်သလောက်နောက်ဆုံးဆွဲထားဦးမယ့်အမှတ်ရမှုဟာမင်းရဲ့မျက်နှာပဲလုံးဝဖြစ်စေချင်။အမှတ်ရမှုတွေမရှိတော့တဲ့ဘဝရောက်ရမယ်ဆိုမှတော့နောက်ဆုံးဆက်လက်ထိမ်းသိမ်းထားချင်တဲ့အမှတ်ရမှုတွေရွေးချယ်ခွင့်တော့ပေးသင့်တာပါ့။အဲဒီမီးခိုးရောင်ညစ်ညစ်မှိုကြီကိုပဲစွဲနေမိတော့မလား။အမှတ်ရမှုတွေကိုအမေ့အဲဒီထဘီဟာင်းဖြတ်စလေးထဲထည့်ပတ်လိုက်ဖို့မင်းဟာကိုယ့်ကိုရေတိမ်ထဲရုန်းကန်ခွင့်မပေးပဲမေ့လျော့သွားစေမလား။

ဇယလ
၂၁ ဂျူလိုင် ‘၁၈

Alvin

ရိုးရိုးလေးနဲ့ ဆန်းတဲ့ ကဗျာတစ်ပုဒ်

၃၊ စက်တင်ဘာ၊ ‘၁၃ အင်္ဂါနေ့။ အိုင်အိုးဝါးမှာ ရှိစဉ်က mail ထဲ ကဗျာတစ်ပုဒ်ဝင်လာတယ် ၊ စင်္ကာပူကဗျာဆရာ Alvin Pang ဆီက ၊ ခေါင်းစဉ်မပါ။ အဲဒီတုန်းက ဗြိတိသျှကဗျာဆရာကြီး George Szirtes နဲ့အတူ Alvin ဟာ မလေးရှားအလည်အပတ်ခရီး သွားနေကြတယ်။ သူတို့တွေ့ကြုံခံစားရတာတွေကို ကဗျာလေးတွေရေးပြီး တင်ကြတယ်။ Alvin တင်လိုက်တဲ့ ကဗျာလေးကို ကြိုက်လို့ ခုလိုဘာသာပြန်လိုက်ပါတယ်။ Continue reading

ကစားမလား အင်္ဂလိပ်အ​က္ခရာလေးများ

S ဟာ စတင်တယ် စက်တင်ဘာမှာ အလုပ်စ၀င်တယ် စကားစ ရှာမရဖြစ်တယ် စသည်ဖြင့် ဒါပေမယ့် တော့ရှိတယ် စုဆုစန်ဒီကို ‘s’ နဲ့ လား ‘hs’ နဲ့ လား အောင်ဆန်းစုကြည်    Z ဟာ ဇာတ်လမ်းသဘော Z ကိုယ်တိုင်ဟာ အဆင်ခံထားရတဲ့ ဇာတ်လမ်း ပြီးပြည့်စုံလို့  ဘာမှ ဖြတ်ထုတ်တပ်ဆင်ြေ
ပာင်းလဲစရာ မလိုတော့ပါကြောင်း အင်္ဂလိပ်အက္ခရျာမှာ Z ဟာ အဆုံးပဲ Continue reading