The Dry Salvages ကျောက်ဆောင်တန်းများ – အပိုင်း (၁)

(The Dry Salvages— ပြင်သစ်စကား les trois sauvages ကလာတာဖြစ်လိမ့်မယ်၊မက်ဆာချူးဆက်တ်စ်ပြည်နယ်ရှိ Cape Ann အငူရဲ့အရှေ့မြောက်ဘက်ကမ်းရိုးတန်းမှာတည်ရှိ၊မီးပြတိုက်ရှိတဲ့ကျောက်ဆောင်တန်းတစ်စု)

(အပိုင်း၁ ရဲ့ ၁)

နတ်ဒေဝတာတွေအကြောင်း ကိုယ်သိပ်မသိဘူး
ဒါပေမယ့် ကိုယ့်စိတ်ထင်တော့ မြစ်ဟာ သန်သန်မာမာ
ညိုညိုမောင်းမောင်း နတ်မင်းတစ်ပါးပဲ ——-
သန်သုန်မှုန်မှုန်၊အရိုင်းဆန်ဆန်၊ပေကတ်ကတ်နဲ့ စိတ်လည်း
အနည်းငယ်သာရှည်လို့။အစတုန်းကတော့ နယ်အစွန်အစပ်
အမှတ်အသားတစ်ခုပဲပေါ့ ကူးသန်းသွားလာရောင်းဝယ်
ဖောက်ကားမှုအတွက် အသုံးဝင်ပေမယ့် တစ်ထစ်ချ
ယုံကြည်လို့မရတာ။အဲဒီတုန်းက ယင်းဟာ
တံတားတည်ဆောက်ရေးသမားတွေအတွက်သာပြဿနာ။
ဖြေရှင်းလို့လည်းပြီးရော နတ်မင်းညိုထွားကို
မေ့သွားကြသလောက်နီးပါးပဲ အဲဒီမြို့ကြီးသားတွေပေါ့။
ဒါပေမယ့် ဘယ်တော့မှကျေချမ်းနိုင်တယ်မရှိဘူး၊
သူ့ရာသီအလျှောက်သူ့ဒေါသနဲ့ သူဟာချေမှုန်း
ဖျက်ဆီးသူ၊ လူတွေမေ့ဖျောက်ထားတာတွေကိုပြန်လည်
အမှတ်ရစေသူ၊ စက်မှုကိုးကွယ်ကြသူတွေထံမှ သူ့မှာ
ဂုဏ်ပြုမခံရ၊ပူဇော်ပသခြင်းမခံရ။ ဒါပေမယ့်
သူဟာ စောင့်လို စောင့်ကြည့်လို့ စောင့်မြဲ
စောင့်လို့။
သူ့နရီဟာ ရင်သွေးငယ်ရဲ့ပျိုးခင်းကုတင်မှာစကတည်းက
ရှိနေခဲ့တာဖြစ်တယ်၊ပြီး၊ဧပြီရဲ့ဝင်ပေါက်ဝင်းထဲက
ရနံ့စူးတဲ့ အေလင်းတပ်စ်ပန်းပွင့်တွေဆီမှာ၊
ဆောင်းရာသီရဲ့စားပွဲပေါ်က စပျစ်သီးရဲ့အနံ့ထဲမှာ၊
ဆောင်းရာသီရဲ့ဓာတ်ငွေ့မီးထွန်းအလင်းထဲက
ညနေခင်းရဲ့အသိုင်းအဝိုင်းထဲမှာ
ရှိလို့နေတာ၊မြစ်ပေါ့။

T. S. Eliot
T. S. Eliot

Continue reading

ဗီယက်နမ်အဖွားရဲ့ အနမ်း (အိုးရှင်ဗူအောဝ်င်း)

ကိုယ့်အဖွားနမ်းပုံဟာ သမိုင်းဟာ ဘယ်တုန်းကမှ
မပြီးဆုံးခဲ့တဲ့အတိုင်း၊ တစ်နေရာမှာ
ကိုယ်ခန္ဓာတစ်ခုဟာ
တစ်စစီ ပြုတ်ထွက်နေသေးတဲ့အတိုင်း။


ဇယလ
၁၅ စက် ကိုဗစ်၂၀

ဘာလီ

ပာရရင်တော့ ဒဏ္ဍာရီထဲ
ရေသောက်ဆင်းတဲ့ ရှုမောဘွယ်
တာနာလော့တ်ရဲ့ဆည်းဈာဟာ
ကမ္ဘာဦးရဲ့ မယ်တော်မာတာမိခင်ပေါ့
အဲဒီအရပ်မှာ ဈာပနကိုမိန်းမလိုက်ရင်
ငလျင်လှုပ်တယ် မီးတောင်ပေါက်ကွဲတယ်
ဒါတွေဟာ အချက်အလက်တွေပါပဲ သူတို့အယူတွေပေါ့
အောက်တိုဘာအူဗွဒ်နိုင်ငံတကာစာပေပွဲတော်
ရှိသလို နာနာဘာဝဆိုးတွေမသိအောင် အိမ်တိုင်း
တံခါးပိတ်နေကြတဲ့နေ့လည်းရှိတယ်
ညရောက်မှ နတ်ဆိုးကတ္ထူရုပ်တွေထုတ်ပြီးမီးရှို့ပွဲ
ပရလောကနဲ့လူနေမှုတစ်သားတည်း
အစိမ်းသေတွေကိုပဲ မြှုပ်နှံတယ်
သဘာဝအလောင်းကို သစ်ခက်တစ်မျိုးနဲ့ဖုံးအုပ်
အပုပ်နံ့လုံးလုံးမထွက်ပဲ သေသူဟာ ညင်ညင်သာသာ
အရိုးတွေတလူလူဖြူသွားတယ်
အ,လောကဆီ ပွင့်နေတဲ့ ဆည်းဈာကြီးမှာ
နေအဝင်ဓာတ်ပုံရိုက်ကြတဲ့ ဧည့်တိုင်းခြားတွေ
ကိုယ်တို့လည်းပါတာပေါ့လေ ဆိုလို စုံတွဲ ရှုခင်း
အိမ်ထောင်ပြုပြီးသားမို့လို့ပေါ့ နို့မို့ရင်
အဲဒီဝတ်ပြုကျောင်းမှာ မယူရသေးသူတွေ မုချ
ကွဲရတယ် ဝတ်ပြုကျောင်းနားက ဂူတွေထဲမှာ
အစောင့်မြွေတွေထွေးလုံးရောယှက်အမွှေးတိုင်နံ့စူး
ဆန်ရေစပါးပေါများခြင်း နဲ့ မျိုးအောင်ခြင်း
သီဝဝါဒီဒေဝတာ သီရိဒေဝီနတ်သမီးနေထိုင်တဲ့
၈၃.၅% ဟိန္ဒူ ၁၃.% အစ္စလာမ်တို့ရဲ့ကျွန်း
၈.၃၄၀၅ ဒီဂရီ တ၊ ၁၁၅.၀၉၂၀ ဒီဂရီ မ မှာ ရတနာသိုက်
ကောင်းကင်ကမ်းပါးရံက မြူခိုးတွေတလူလူအူဝေ့
အူလူဝတူ ရှေးဟောင်းဂန္ဓာရဝတ်ပြုကျောင်း
တွေ့ဘူးသူတွေပြောကြတဲ့ ဘာလီနတ်ကျား
အ်ိမ်တိုင်းမှာ နတ်စင်နည်းစဉ်သျှတ္တရ
မင်္ဂလာဦးညကုတင်မှာ ဇနီးမောင်နှံဟာ နတ်မြွေ
နှစ်ကောင်ပူးယှက်လှိမ့်ရင်းတွန်တောက်သံ
တစ်ကောင့်အမြီးတစ်ကောင်ခဲတဲ့ ဥုမ်အစမှ ထာဝရဆီ
မနက် ကုတင်ခြေတိုင်ချည် ငှက်ပျောပင်စည်ပြတ်ကနေ
အပျိုစင်သွေးဟာ ကြမ်းပြင်ပေါ်စိမ့်ကျလို့
ပိုလာဘာလီ ဆိုတာတကယ်တော့ ပူလောဝ်ဘာလီ
ပူလောဝ်ဆိုတာက ကျွန်းပေါ့
လှပတဲ့ပင်လယ်ကမ်းခြေတွေနဲ့အတူ
ကူတာမြို့က အကြမ်းဖက်သေဆုံးခဲ့ကြတဲ့
ရွှေ့ပြောင်းမရတဲ့ ဝိဥာဉ်တို့ရဲ့ အဆောက်အဦကြီး

ဇယလ
၃ အောက်တိုဘာ ‘၁၉

စိမ်းလန်း

ကိုယ်ဘယ်အထပ်သွားရမယ်မှန်းမသိရင်
ဘယ်လှေကားတက်ရမှန်းသိမှာမဟုတ်ဘူး
လှေကားမှားတက်လို့ ဘဝပျက်သွားတာတွေလည်း
ရှိကောင်းရှိမှာပေါ့ (အခုတော့လွယ်သွားပြီလေ
ပျက်လည်းခတ်မတ်မတ်ပဲ ဓာတ်လှေကားတွေရှိပြီမို့)
လှေကားမှားခဲ့လို့ အထပ်မှားခဲ့လို့
တွေ့ရမယ့်သူမတွေ့လိုက်ရပဲ မတွေ့ရမယ့်သူကို
တွေ့ရမယ့်လူလို့မှားပြီး ဆက်မှားဖို့
ဒီနေ့ဟာလည်း တနင်္လာပဲလား
တနင်္လာတွေအများကြီးလည်းမှားယွင်းခဲ့ကြလို့
ဝန်ကြီးများရုံးမှာ မြန်မာကျပ်ငွေ၅၀၀ ပေးပြီး
ဂိုက်ကောင်လေးက ဟိုဒီခေါ်သွား
ရာဇဝင်ကို ဝေဝေဆာဆာခင်းပြတယ်
ဗိုလ်ချုပ်လည်းမှားယွင်းခဲ့လို့မို့
တိုင်းပြည်လည်းသမိုင်းလွဲချော်ခဲ့လို့မို့
မူလအဆောက်အဦဟာ သံထည်တွေလေးခဲ့လို့
လျာထားချက်နဲ့မသိမသာနိမ့်ကျခဲ့ရတယ်
“မင်းတို့ ဘာကိစ္စရှိလဲ”ဟာ ဗိုလ်ချုပ်ရဲ့
နောက်ဆုံးမေးခွန်းဖြစ်ကောင်းဖြစ်ခဲ့မယ်
(အဖြေဟာ ဒီနေ့အထိ ကျည်ဆန်ပဲ)
လုပ်ကြံသတ်ဖြတ်သူဟာချာတိတ်လေးပဲရှိသေးတယ်
နံရံက မူလကျည်ဆံပေါက်တွေကို
အင်္ဂတေတွေခွာပြီး ပြန်ရှာယူရတယ်
ပြင်ရေးမလားဆိုတော့လည်း
နဂိုကတည်းကအမှားတွေနဲ့အရိုးစွဲနေကြပြီမို့
မနက်ဖန်ဟာ ပသို့ဆိုစေ ဒီနေ့ထက်တော့
ပိုပိုသာသာတည့်မတ်ပါစေလေ
ကြောင်လိမ်လှေကားဟာလည်း အထပ်မှားတဲ့
လှည်းစားမှုအလိုအရ ဘဝဖြစ်နေသမို့
စစ်ဖိနပ်သံတွေပဲ့တင်တဲ့ အိပ်မက်လှေကားတွေ ညစ်ထေးလို့
နတ်ပြည်နဲ့ငရဲပြည်လည်း အထပ်ထပ်
အထပ်ထပ်အမှားအယွင်းတွေနဲ့ဆင်းတက်လို့
အချိန်တန်ရင်အဖေလည်းမလွဲမသွေသိခဲ့ရတာ
တစ်ချိန်မှာ သားလည်း မျက်ဝါးထင်ထင် မြင်သိလာရမယ့်
နေ့စဉ်ဘဝရဲ့ပဟေဠိ
ဒါနဲ့ မနက်ဖန်လည်း တနင်္လာပဲလား
တစ်ပတ်ခွန်နှစ်ရက်တနင်္လာတွေချည့်ထဲမှာ
သွားကြည့်လိုက်ပါ ဝန်ကြီးများရုံးအတွင်းမြက်ခင်းဟာ
– – – သမိုင်းရဲ့ဟောင်းလောင်းပေါက်ကြီးတစ်ခုထဲမှာ – – –
စိမ်းမြဲစိမ်းလန်းစိုပြေ
ကျည်ဆံတွေ ဖြစ်ရပ်မှန်/မှားတွေ သမိုင်းရဲ့ကိုယ်ကျင့်တရား
တနင်္လာရဲ့ဘာသာစကားတွေနဲ့
စိမ်းကားချင်တိုင်းစိမ်းလန်းလို့နေတာလေ
အလံတိုင်လိုလှေကားထစ်တွေမှာ
ဘယ်အထပ်လိုဘယ်အလံဟာ
ဘယ်လိုလေထဲလွင့်နေသလဲလို့…..

ဇယလ
၁၇ သြဂုတ် ၂၀

ပြကွက်ထဲ ပျက်ကွက်တာလေးတွေ

ကြည့်မရတာတွေလည်း
မကြည့်ပဲနဲ့အပြန်အလှန်ပေါ့
မီးဖိုပေါ်ကရေနွေးအိုးဟာ
ဘယ်သူအတွက်မှမဟုတ်ပွက်ပွက်ဆူ
အပင်ကလေး ပီပီပြင်ပြင်ရှင်သန်ဖို့.ကလေးငယ်လေးတွေ ဆေးရုံတွေကဆင်းရဖို့
လာမယ့်စစ်နဲ့ရှည်မယ့်လက်သည်း
တစ်သားတည်းဖြစ် တစ်သားတည်းပျက်ဖို့
ခုတ်ထွင်ရှင်းလင်းရမယ့်အရာတွေထဲ
ဒဏ်ရာနဲ့ပုပ်နေတဲ့
မိုးကုပ်စက်ဝိုင်းအပိုင်းအစတွေလည်းရှိကြတယ်
ပလတ်စတစ်ဗူး ကျ မကွဲ
ကြွေထည် ဖန်ထည် ကျရင်ကွဲ ရှ
အကွဲအရှတွေ လေထဲစီးသွားတဲ့
လူနာတင်ယာဉ်ပီးပေါ်ပီးပေါ်အသံလမ်းကြောင်းရဲ့
အတက်တစ်ဆစ်မှာရွက်နုသစ်လေးတွေ
ဘာရယ်မဟုတ် တိကနဲ ပြတ်ကျသွားတဲ့
စိမ်းစိုရှင်ရှင်အပင်ကလေး
စိမ်းစိုရှင်ရှင်ရင်တွင်းသံလေး
တစက္ကန့်မှာဘယ်နှကြိမ်ခုန်တာ
နှလုံးအမျိုးအစားလည်းပါတာပေါ့
နှလုံးရဲ့အရိုးအသား အကြောအရွတ်
အရောင်အစင်း ခံယူနိုင်ခြင်းပမာဏ
စကြာဝဠာရဲ့သဲတစ်မှုံနဲ့ ဆားတစ်ပွင့်ရဲ့ပင်လယ်သက်
ဖွဲ့စည်းမှုတွေရဲ့အသွေးအသားမို့
နှလုံးသား လို့ ခေါ်ကြတယ်
ကျရင် ကွဲတတ်တယ်
မကျပဲလည်း အထဲမှာ
အနာဖြစ်တတ်တယ် ဆားသိပ်ရင်လည်းသိပ်ရတယ်
မြိုက်တဲ့မီးထဲပဲ အဲဒီမီးကိုမြှိုက်ရတယ်
ပြာကြွေလွင့်စင်လို့ လင့်စင်ပေါ်က
သားကောင်တဖြစ်လဲ
အဝါရောင်လိပ်ပြာလေးဟာ
လေထဲတစ်ပတ်လှည့်ပြီးပြန်လာတော့
နတ်မှောင်တောင်ပံတွေပေါ်က
ဒဏ်အတက်အကျလက်ပြောင်းလက်လွှဲထဲလို
အဖြူအကွက်လေးတွေဝဲကတော့…

ဇယလ
၁၄ သြဂုတ် ကိုဗစ်၂၀