ပြီးခဲ့တဲ့ခေတ်တွေတုန်းက စကားလုံးတွေ

ခေတ်ဟာ စကားလုံးတွေနဲ့ ပေါ်လာပြီး
ခေတ်မသေခင် စကားလုံးတွေ အရင်သေသွားတယ်
အဲဒါနိမိတ်ပဲ
အတင်းထိုးကျွေးလို့ အန်ကုန်တာပဲရှိတယ်
အာဟာရမဖြစ်၊ မတင်းတိမ်၊ ဆာလောင်မှုပဲ ကျန်ခဲ့တယ်
အဲဒီစကားလုံးတွေနဲ့ ချီတက်ခဲ့ကြတယ် ကွင်းပြင်ထဲ
အနာဂတ်ကြီး ရှိနေသယောင်ယောင် အသံချဲ့စက်ထဲ
အဲဒါပြီးလိုက်ဖို့ လျှာကိုဖြတ်လိုက်ရတာတွေ
အသံကြိုးတွေ ပြတ်တောက်တဲ့အထိ
အလံကို မွေးခဲ့ရတာတွေ
အဲဒါပြီး၊ နောက်ထပ်စကားလုံးတွေ ရောက်လာတယ်
အသက်ပါမလာတဲ့ စကားလုံးတွေ
အဓိပ္ပါယ်လျှောမွေးတွေ
ဖော်မလင်စိမ်ထားတဲ့ အနက်တွေ
ရက်စက်မှုဟာ အဆများစွာ တိုးလာတယ်
အတော်ဆုံး လူရည်ချွန်တွေ တောခိုသွားကြတယ်
ရှိပြီးသားဘဝတွေကို ကုလားဖန်ထိုးပြီး
စကားလုံးတွေကို ရင်းကြတယ်
ဝတ်လစ်စလစ်ချွတ်လိုက်တော့ လည်ဆည်မှုဟာ
မိမွေးတိုင်း
ကြီးပြင်းခဲ့တဲ့ အဆောက်အအုံတွေ ပြန်စိစစ်
လှီးထုတ်လိုက်ရင် ကိုယ်ပါအဆစ်ပါသွားမယ်
ခေါင်းပဲ အမြဲမလွှဲရင် ငုံ့နေခဲ့ရတယ်
ခေတ်ကြီးကတော့ ခေါင်းဖြတ်စက်ထဲ ဆက်သွားတယ်
စကားလုံးအသေအပုပ်တွေနဲ့
အလံတွေလွှင့် အသံတွေမြှင့် အညံတွေဆင့်ခဲ့ကြတဲ့အရွယ်
လူငယ်တော်တော်များများဟာ
ရုံထဲမှာ အောကားတွေ စကြည့်ခဲ့ဘူးတယ်
ဘဝဟာ အနုပညာမဟုတ်ခဲ့ဘူး
အနုပညာဟာ အတတ်ပညာ မတတ်ခဲ့ဘူး
အတတ်ပညာဟာလည်း အဲဒီဘဝတွေထဲမှာ
ဘာမှ ဟုတ်တိပတ်တိ မရှိခဲ့ဘူး
ဖန်တီးမှုဟာ အန္တရာယ်ပဲ
အန္တရာယ်ကို အချို့လည်း တမင်ဘဝရင်းပြီး
ဖန်တီးရယူခဲ့ကြတယ်
စကားလုံးသစ်တွေမွေးဖို့ စကားလုံးသစ်တွေရှင်ဖို့
အဓိပ္ပါယ်မဲ့ဘဝထဲမှာ နေသာထိုင်သာရှိခွင့်ရတဲ့
စကားလုံးအရှင်တွေ ဖြစ်လာဖို့
ခေတ်အသေကို တံဆိပ်ကပ်ဖို့ ရင်းခဲ့ကြရတယ်
သတင်းတွေဟာ ကဗျာတွေထက် sexy ဖြစ်ခဲ့ကြဘူးတယ်

ဇယလ
၁၇ ဂျူလိုင် ‘၁၈

ကဗျာအကြောင်း ပြောပါတယ် (၅၁)

ကဗျာမှာ ပုံသဏ္ဍာန်နဲ့ အကြောင်းအရာဆိုပြီး အလွယ်တကူ ပြောတတ်ကြပါတယ်။ ပုံသဏ္ဍာန် (အင်္ဂလိပ်လို form) လို့ ပြောတဲ့နေရာမှာ ပုံသေပုံသဏ္ဍာန်ဆိုတဲ့ fixed forms ဥပမာ၊ မြန်မာမှာ လေးချိုး၊ အဲချင်း၊ သံချို စသည်ဖြင့်တို့ ရှိကြပြီး အခြားအဓိပ္ပါယ်ကတော့ ဖွဲ့စည်းမှုကို ပြောတာဖြစ်ပါတယ်။ ပုံသေပုံသဏ္ဍာန်၊ ဥပမာ လေးလုံးစပ်မှာ လေးလုံးစပ်ရဲ့ဖွဲ့နည်း ရှိပါတယ်။ ဒါဟာလည်း ပုံသေဖွဲ့နည်းပါပဲ။ ကာရန်ကို စွန့်လွှတ်လိုက်တဲ့ မော်ဒန် (နောက်ပိုင်း’ခေတ်ပေါ်)မှာတော့ ပုံသေပုံသဏ္ဍာန် မရှိတော့တဲ့အတွက် (သို့သော် အနည်ထိုင်လာတဲ့အခါ ‘ခေတ်ပေါ် ပုံသဏ္ဍာန်’ဆိုတာ ဧကန်ရှိလာခဲ့ပါတယ်။ ဤကားစကားချပ်) ဖွဲ့စည်းမှုဟာလည်း အရှင်ဖြစ်လာပါတယ်။ အဲဒီအချိန်မှာ ပုံသဏ္ဍာန်ကို အားကိုးလို့မရတော့ပဲ ဖွဲ့စည်းပုံကို ပိုဂရုစိုက်လာရပါတယ်။ စကားလုံးတစ်လုံးကအစ၊ စကားလုံးတွဲ၊ လိုင်း၊ စကားလုံးအတွဲအချိတ်၊ လိုင်းအတွဲအချိတ်၊ လိုင်းတွဲ/လိုင်းခွဲ၊ ပိုဒ်ဖွဲ့၊ ပုဒ်ဖွဲ့၊ အလက်ာ၊ နိမိတ်ပုံ၊ သင်္ကေတ၊ နိမိတ်ပုံ အမျိုးအစား၊ ယုတ္တိမှန်/ ယုတ္တိလွန်၊ နရီထပ်ကြော့၊ အက်ပီဖနီ အပိတ်/အပွင့်၊ ဇာတ်လမ်းသဘော ယူ/မယူ၊ … စတာတွေဟာ အကုန်လုံး ‘အရှင်’ ဖြစ်လာတယ်။ အကြောင်းအရာဆိုတာနဲ့ ခွဲလို့မရတော့ပါဘူး။

အကြောင်းအရာလို့ ပြောတဲ့နေရာမှာလည်း ကဗျာပုဒ်ထဲ ပြောပြနေတဲ့ အကြောင်းအရာ subject matterနဲ့ ဆိုလိုရင်းအာဘော် theme တို့ ကွဲကြပါသေးတယ်။ ပုံသေပုံသဏ္ဍာန်မှာ ပုံသဏ္ဍာန်ခွက်ထဲကနေ အကြောင်းအရာကို ခွဲထုတ်ပြလို့ရပေမယ့် ပုံသဏ္ဍာန်အရှင်မှာတော့ စကားလုံးတိုင်း၊ လိုင်းတိုင်း၊ သုံးတဲ့ပစ္စည်းတိုင်းဟာ အကြောင်းအရာရဲ့ အသွေး၊ အသား၊ အရိုး၊ အရွတ်တွေ ဖြစ်နေကြတဲ့အတွက် အကြောင်းအရာနဲ့ ခွဲလို့မရတော့ပါဘူး။ ပိုစူးရှတာက အကြောင်းအရာတစ်ခုကို မရေးခင်က ပုံစံချရေးတာမျိုး (ဥပမာ၊ ဗိုလ်ချုပ်မွေးနေ့၊ တိုင်းရင်းသားချစ်ကြည်ရေး၊ တံတားသစ်ဖွင့်ပွဲ၊ ဘာညာ ကြိုဆိုပွဲ၊ ဘလာဘလာဘလာတွေ) မဟုတ်ပဲ ရေးရင်းအကြောင်းအရာ(တွေ) အမျှင်ချိတ်ပေါ်လာတာမျိုးဆို ပိုပြောရခက်ပါတယ်။ အကြောင်းအရာနဲ့ ပုံသဏ္ဍာန် ခွဲထုတ်ပြောရ ပိုခက်ပါတယ်။

မော်ဒန်/ ခေတ်ပေါ်ပေါ် ထိုးနှက်ချက်တွေထဲမှာ အဓိကက ဒီပုံသဏ္ဍာန်နဲ့ အကြောင်းအရာကိစ္စပါပဲ။ ပုံသဏ္ဍာန် အသေနဲ့အရှင်။ ဆိုးတာကတော့ ပုံသဏ္ဍာန်နဲ့ ‘ကဗျာ'(ဖြစ်ခြင်း/မဖြစ်ခြင်း ဒီဂရီ)တို့ကို ရောထွေးမှု။ ပုံသဏ္ဍာန်အသေကို ‘ကဗျာ’လို့ ယူလိုက်ခြင်းမှာ ကဗျာရဲ့ ကဗျာဖြစ်နိုင်ချေ နယ်နိမိတ်ကို ကန့်သတ်ချလိုက်သလိုဖြစ်ပြီး နောင်မှာ အသစ်မထွင်နိုင်တော့ပဲ ပြန်လည်ထုတ လုပ်မှု reproduction တွေပဲ ဖြစ်လာတော့တယ်။ ခေတ်ပေါ်မှာလည်း ထိုနည်းလည်းကောင်းပဲ။ ၁၉၇၀ ခုနှစ်များက စခဲ့ရင် အခုဆို ၅၈နှစ်ရှိနေပြီ။ ရာစုနှစ်တစ်ဝက် ကျော်သွားပြီ။ အခြေကျပြီ။ ပုံသဏ္ဍာန်လည်း အသေဖြစ်နေပြီ။ အထူးသဖြင့် မော်ဒန်ကမလာပဲ ‘ပြည်သူ့’သရုပ်မှန်ကလာတဲ့ ခေတ်ပေါ်အမျိုးအစား။
Continue reading

အချစ်အကြောင်း ပြောပါတယ်

စစ်တစ်ပွဲပြီးစာပဲ ခွဲနေရမှာပါ၊ ပြီးရင် တစ်ယောက်
နဲ့တစ်ယောက် ပြတ်တောက်
အင်္ဂါတွေ လိုက်ကောက်ကြတာပေါ့

ဟောဟိုမှာ ရှင့်ကတိ ဟော တွေ့ပြီ မင့်လက်မှတ်
ဟော ဒီမှာ ရှင့်
တိုင်းပြည် ဒီမှာလေ မင့်တောင်တန်းတုန်းက အရာ

လရောင်အောက်မှာ
လ,ယွင်းတွေနဲ့
အချစ်ကို ထပ်မံအတင်း နှောခိုင်းကြတာပေါ့

ဒါဒို့ပြည်
ဒါဒို့မြေ
(ရာဇဝင်မှာ ဗျာတင်လို့)
ခေါစာ မဝကြဘူးလေ ….
ဒို့တတွေ

သမိုင်းရဲ့
မိလ္လာပိုက်လိုင်းပေါက်ကြီးဘေး
တိုင်းရင်းသားများ တူညီ
ရိုင်းပင်းမခြားစွာ ကူညီ
တူးနယ်တဲနယ် .. ဗျောင်း

သေတမ်းစာဖတ်နေတဲ့ အလံတော်ကို
ငါတို့မှန်တယ် ရင်ပတ်ပေါ်အုပ်ပြီး

ဖက်ထားချင်ပါတယ် တစ်ယောက်ပုံရိပ် တစ်ယောက်
ကြေးမုံဟာ ယုံ့ရွဲ့ခဲ့ပြီကော
Continue reading

မပြီးရင် မစီးဘူး

ဖြတ်လမ်းမရှိဘူး။ ပျံသန်းမှုအတတ်ပညာပဲရှိပြီး
တောင်ပံမွေးတောင်မပေါက်ရင်
ရေပဲဆင်းငုပ်ရတော့မယ်/တယ်

နောက်ဆုံးပေါ်တွေ့ရှိတဲ့ အသိရိုင်းကို
ပဒိုင်းသီးနဲ့ ဘလိုင်းကြီးချက်စားမလား

ဒီကနေသွားရင် ဘယ်ရောက်မလဲမသိတဲ့
အရိုင်းဘလိုင်းတောင်ပံတွေ ရောင်လျှံတွေနဲ့

လိပိုင်ကအစ ဆိုပါစို့ မောင်ပိုင်စီးအထိ
ဇိမ်ခံရှော့ပင်းဂ်စင်တာကအစ ရသသစ်ထုတ်လုပ်မှုအထိ
ဇိနတ္ထပကာသနီကနေ ဇိနတ်သ်အာမန်းချက်ထဲအထိ

‘အမေရေ၊ သားကို ခက်တဲ့ကဗျာတွေ ကိုက်နေတယ်’
‘ပြန်ကိုက်လိုက်ပေါ့၊ သားရယ်၊ သားကိုအမေ
ဘယ်လိုမွေးခဲ့ရတယ် ပြန်သွားမှုပဲပေါ့’

အင်စတီကျူးရှင်း ယ(ာ)ဉ်ကျေးမှုရဲ့အရေပြား
တစ်ဝမ်းတစ်ခါး စပ်သလား

မင်းပြောတယ် ယုန်တစ်ကောင်ထွက်ပြေးသွားတဲ့
ဆူညံသံကို နားမလည်ဘူးတဲ့။ ဦးနှောက်ထဲက
ဝါယာရင်းဂ်တွေဟာ ရှော့(က်)ရှိတယ်
လက်တစ်ဖက်ဝါဒနဲ့ ဓမ္မကို ဖမ်းချင်ဦး

ငါ့ကို ကိုယ်ကျင့်တရားစံနှုံးနဲ့ပဲ ဖတ်တော့မှာလား
ငါဟာ ရသတည်ဆောက်မှုဆိုတာ မရှုတော့ပြီလား
Continue reading

ကဗျာအကြောင်း ပြောပါတယ် (၅၀)

လူတစ်ယောက်ပြောလို့ လိုက်လုပ်ကြတာဟာ
ကဗျာအလုပ်မှ မဟုတ်တာ

သူ့ကိုငြင်းပယ်ပစ်ရမလား ဆိုတော့လည်း
ကဗျာအလုပ်မှ မဟုတ်တာ

စဉ်းစားမိတာ ပြောပါတယ်။
ကဗျာအကြောင်း ပြောပါတယ်။

ဇယလ
၇ ဇူလိုင် ‘၁၈