ကဗျာဆရာတစ်ယောက်ရဲ့ ထုတ်ပြန်ကြေညာချက်

ကဗျာဆိုတဲ့ ယဉ်ကျေးမှုအနုပညာရပ်ဟာ အခြားအနုပညာရပ်များလိုပဲ လွတ်လပ်မှု freedom ရှိမှ စိမ်းလန်းဝေဖြာစည်ပင်ဖွံဖြိုးနိုင်မှာဖြစ်တယ်။ အဲဒီလွတ်လပ်မှုဟာ တစ်ကိုယ်ရည်လွတ်လပ်မှုဖြစ်သလို အဲဒီတစ်ကိုယ်ရည်လွတ်လပ်မှုဟာလည်း လူ့ဘောင်လူ့အဖွဲ့အစည်းရဲ့လွတ်လပ်မှုနဲ့ ဖြတ်တောက်မရအောင်ချိတ်ဆက်နေတာဖြစ်တယ်။

ကဗျာဆရာရဲ့နိုင်ငံသားအဖြစ်၊တသီးပုဂ္ဂလအဖြစ်တင်မကပဲ ကဗျာဆရာအဖြစ်ဟာ တိုင်းပြည်ရဲ့လွတ်လပ်မှုနဲ့. နှလုံးသွေးချင်းစီးဆင်းဆက်စပ်နေတာဖြစ်တယ်။

အဲဒါကြောင့်ပဲ ယနေ့မှာ တိုင်းပြည်တစ်ခုလုံးရဲ့လွတ်လပ်မှုအခြေခံဖြစ်တဲ့ ဒီမိုကရေစီအတွက်နောက်မဆုတ်တမ်းတိုက်ပွဲဝင်နေကြတဲ့ ပြည်သူတစ်ရပ်လုံးထဲမှာ ကဗျာဆရာများသမဂ္ဂတွေ၊ကဗျာအစုအဖွဲ့တွေ၊ကဗျာချစ်သူပရိသတ်တွေနဲ့အတူ ကဗျာဆရာတွေဟာ သွေးစည်းညီညွတ်စွာ တခဲနက် လက်တွဲပါဝင်ဆောင်ရွက်လှုပ်ရှားနေကြတာဖြစ်တယ်။

တိုင်းပြည်လွတ်လပ်မှုဟာ ကဗျာလွတ်လပ်မှုဖြစ်တယ်။ တိုင်းပြည်လွတ်လပ်မှ ကဗျာဆရာတွေလွတ်လပ်မယ်။ ကဗျာဆရာတွေလွတ်လပ်မှ ကဗျာတွေလွတ်လပ်မှာဖြစ်တယ်။

အဲဒါကြောင့်ပဲ ယနေ့ယခုဆင်နွှဲနေကြတဲ့ စစ်အာဏာရှင်စနစ်အမြစ်ပြတ်ချေမှုန်းရေးမှာ ကဗျာဆရာတွေဟာ မိမိပင်ကိုအသိစိတ်ဓာတ်၊မိမိပင်ကိုနှလုံးသားတွေနဲ့ ပြည်သူဘက်ကတတပ်တအား ပါဝင်ဆောင်ရွက်လှုပ်ရှားနေကြတာဖြစ်တယ်။

မြန်မာနိုင်ငံလွတ်မြောက်ရေး
အောင်ရမည် အောင်ရမည်။
CDM လှုပ်ရှားမှု
အောင်ရမည် အောင်ရမည်။
ဒီမိုကရေစီတော်လှန်ရေး
မုချအောင်ရမည်။ ။

ဇယလ
၁၅ ဖေ၊ ဏာသိမ်း’၂၁

Leave a Reply

Your email address will not be published. Required fields are marked *

You may use these HTML tags and attributes:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>