အောင်ခင်မြင့်ရဲ့ ‘ဆွန်းနက်များ’ (၁)

(ကို)အောင်ခင်မြင့်ရဲ့ နှစ်ကာလများ စာအုပ်အစီအစဉ်#၄၁၆၊ မတ် ၂၀၂၀ ထုတ် ‘ဆွန်းနက်များ’ ကဗျာစာအုပ်ဟာ ဖတ်လို့ကောင်းတဲ့၊ အရသာရှိတဲ့ ကဗျာတွေစုစည်းမှုဖြစ်ပါတယ်။ ‘ဆွန်းနက်များ’ လို့ အမည်ပေးထားတဲ့အတွက် အင်္ဂလိပ်လို Sonnet ကဗျာပုံသဏ္ဍာန် (form) ကိုမြန်မာအသံဖလှယ်ထားတာလို့ယူပါတယ်။

ဆွန်းနက်မျာ

Sonnet ရဲ့ရာဇဝင်ကိုပြန်ကြည့်ရင် ၁၃ရာစုက အီတလီမှာစတင်ပေါ်ပေါက်ခဲ့တာလို့သိရပါတယ်။အင်္ဂလိပ်လို little poem လို့အဓိပ္ပါယ်ရပါတယ်။ Epic လိုမဟာကဗျာရှည်တွေနဲ့ယှဉ်ရင် များစွာတိုတောင်းတဲ့အတွက်ဖြစ်ပါတယ်။ စုစုပေါင်း ၁၄ ကြောင်းရှိပြီး octave ၈ကြောင်းနဲ့ sestet ၆ကြောင်းတို့ဖြစ်ပါတယ်။ ပထမ ၈ကြောင်းက အဆိုတစ်ခု၊ပြဿနာတစ်ခုကိုတင်ပြပြီး ကျန်၆ကြောင်းက အဖြေ၊ဖြေရှင်းချက်ကိုပေးတာဖြစ်ပါတယ်။တင်းကြပ်တဲ့ကာရန်စနစ်လည်းရှိပါတယ်။ လိုင်းအဆုံးကာရန်တွေကိုကြည့်ရင် ABBA ABBA (octave) CDECDE မဟုတ်ရင် CDCCDC (sestet) ဖြစ်ပါတယ်။ မူကွဲအားဖြင့် ABBA CDDC EFG EFG လို့ရှိပါတယ်။ sonnet မှာ ကဗျာဆရာ Petrarch ကနာမည်ကြီးလို Petrachan sonnet လို့ခေါ်ပါတယ်။ Italian sonnet လို့လည်းခေါ်ပါတယ်။

အင်္ဂလက်ထဲရောက်တော့ မူလ၁၄ကြောင်းကိုဆက်ထားပြီး ကာရန်စနစ်ကိုတော့အနည်းငယ်ပြောင်းလိုက်ပါတယ်။ ABAB CDCD EFEF GG ဖြစ်ပါတယ်။ ဆိုလိုတာက octave နဲ့ sestet ကိုမယူပဲ ၄ကြောင်းပါ quartrain ၃ပိုဒ်နဲ့ ၂ကြောင်းပါ couplet တို့ဖြစ်ပါတယ်။ ရှိတ်က်စပီးယားဟာ နာမည်ကြီး sonnet ကဗျာဆရာမို့ Shakespearian sonnet လို့ခေါ်ပါတယ်။

အောင်ခင်မြင့်ရဲ့ ဆွန်းနက် ၅၄ပုဒ်မှာ ၁၄ကြောင်းပုံသဏ္ဍာန်နဲ့ ၉ပုဒ်ပဲတွေ့ရပါတယ်။ကာရန်စနစ်ကတော့ အီတာလျန်လို အင်္ဂလိပ်လိုမယူနိုင်တာကတော့ထားပါတော့။ ၁၄ကြောင်းထက်ပိုတဲ့ကဗျာတွေ ၄၅ပုဒ်တွေ့ရပါတယ်။ အဲဒါဘယ်လိုသဘောလဲဆိုတာတော့ ကာယကံရှင်ကိုမေးမှပဲသိရမှာဖြစ်ပါတယ်။ ဆွန်းနက်ဟုတ်ခြင်းမဟုတ်ခြင်းဆိုတာထက် ပါဝင်တဲ့ကဗျာတွေဟာ ဖတ်ရကောင်းကြောင်းကိုပြောချင်တာဖြစ်ပါတယ်။

ဆွန်းနက်မျာ

နောက်တစ်ချက်က sonnet ဆိုတာ အခြေခံအားဖြင့်ရေးသားသူရဲ့ခံစားချက်ဖွင့်ဟဖော်ပြမှုအခြေပြု လစ်ရစ်က် lyric ဖြစ်ပါတယ်။ အချစ်အကြောင်း၊ဘာသာရေးအကြောင်း၊နိုင်ငံရေးအကြောင်း၊ ဘာရေးရေးရပါတယ်။ဒီစာအုပ်ပါ ကဗျာတွေရဲ့ ဆွန်းနက်ပြုလုပ်မှုခေါင်းစဉ်တွေကအစ စိတ်ဖမ်းစားတာတွေဖြစ်ပါတယ်။ ဦးခေါင်းပြတ်တစ်ခုအတွက်၊တက္ကဆီမောင်းသူအတွက်၊ဆင်မိုမိုအတွက်၊သူတောင်းစားဘုန်းကြီးအတွက်၊ခွေးတစ်ကောင်အတွက်၊ယင်ကောင်တစ်ကောင်အတွက်၊စသည်ဖြင့်။ဘာအကြောင်းကိုဖြစ်ဖြစ် ဆွန်းနက်ပုံသဏ္ဍာန်ဖြစ်ဖြစ် ကာရန်မဲ့ပုံသဏ္ဍာန်ဖြစ်ဖြစ် ဘာပုံသဏ္ဍာန်ဖြစ်ဖြစ် ကဗျာရေးဖွဲ့ဖန်တီးလို့ရတယ်ဆိုတာပါပဲ။ကဗျာဆရာရဲ့ကိုယ်ပိုင်ခံစားချက်တောင်မလိုပဲရေးဖွဲ့နိုင်တယ်ဆိုတာပါပဲ။

အောင်ခင်မြင့်ရဲ့ဒီဆွန်းနက်တွေကို အစဉ်အလာသတ်မှတ်မှုကိုဆန့်ကျင်တဲ့ ပို့စ်မော်ဒန်ဆွန်းနက်လို့တောင်ခေါ်ရမလားပါပဲ။

(ဆက်ရေးပါဦးမည်)

ဇယလ
၁၈ သြဂုတ် ကိုဗစ်၂၀

Leave a Reply

Your email address will not be published. Required fields are marked *

You may use these HTML tags and attributes:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>