ကဗျာအကြောင်း ပြောပါတယ် (၅၄)

‘လွှမ်းမိုးမှုခံရမှာ’ နဲ့ ‘ဖောက်ထွက်ရမှာ’ ဆိုလား။

ရှောင်ပါ၊မကြည့်ပါနဲ့။ ပယ်ပါ၊မဖတ်ပါနဲ့။ ဘယ်သူ့ကဗျာဖတ်မိရင်သူ့လွှမ်းမိုးမှုခံသွားရမယ်ဆိုလား။ သူ့ကဗျာကြိုက်မိရင်လိုက်တုရေးမိမယ်ဆိုလား။ မိမိရဲ့ကိုယ်ပိုင်အသံ ကိုယ်ပိုင်ဟန် ပျောက်သွားလိမ့်မယ်ဆိုလား။ သူဟိုလိုရေးရင်ကိုယ်ဒီလိုဖောက်ထွက်ရမယ်ဆိုလား။ သူနဲ့မတူ ကွဲပြားခြားနားနိုင်သလောက်ရေးရမယ်ဆိုလား။

ရှောင်ပါ၊ကျဉ်ပါ၊ပယ်ပါ၊ကင်းပါ၊ကိစ္စမရှိပါဘူး။ ကိုယ့်ကဗျာဟာကဗျာဟုတ်မဟုတ်၊ ကိုယ့်ကဗျာဟာကဗျာဖြစ်မဖြစ်၊ ကိုယ့်ကဗျာဟာကဗျာကောင်းမကောင်း၊ ဘာနဲ့ယှဉ်ကြည့်မလဲ၊ ဘာနဲ့တိုင်းတာမလဲ၊
ဘာနဲ့ဘယ်လိုသက်သေပြမလဲ။

ဘာကနေဘာကိုဘာဖြစ်လို့ဘယ်လို’ဖောက်ထွက်’မလဲ။

ဘယ်ကဗျာဆရာမှသူ့ချည့်သက်သက်မရပ်တည်ဘူး။ ပဝေသဏီကတည်းကကဗျာယဉ်ကျေးမှုကြီးတစ်ခုလုံးရှိ
ပြီးကိုယ့်ရဲ့ဆန်းအောင်ပြုခြင်းသစ်အောင်ပြုခြင်းကို
အဲဒီယဉ်ကျေးမှုအစဉ်အလာကြီးတစ်ခုလုံးနဲ့တိုင်းရတာလို့ တီအက်စ်အဲလိယစ်တ်ပြောခဲ့ဘူးတယ် Tradition and Individual Talent essay မှာ (၁၉၂၀လောက်က)။

အစဉ်အလာနဲ့ယတိပြတ်ဖြတ်လိုက်တဲ့မော်ဒန္နဇင်မ်တောင်မှအစဉ်အလာရဲ့ဘယ်အကဏ္ဍတွေကိုလုံးလုံးပယ်တယ်၊ ဘယ်ကဏ္ဍတွေကိုတော့အသွင်သစ်ပြောင်းယူတယ်၊ ဘယ်ကဏ္ဍမှာတော့လုံးလုံးလျားလျားအသစ်ပြုလုပ်တယ်၊စသည်ဖြင့်။ ဆိုလိုတာက စည်းတွေရှိတယ်။ စည်းဟောင်းတွေဖြိုချလိုက်ပေမယ့်စည်းသစ်တွေပြုလုပ်ရတာဖြစ်တယ်။ကိုယ့်ကိုကိုယ် ပါရမီရှင်လို့ယူဆထားရင်
တော့တစ်မျိုးပေါ့။

မြန်မာမော်ဒန်ကဗျာကမိုးပေါ်ကကျလာတာမဟုတ်သလို ရေးချင်တာရေး ကဗျာဖြစ်တယ် ဆိုတဲ့ ပရမ်းပတာကိစ္စလည်းမဟုတ်ခဲ့ဘူး။

‘စမ်းသပ်ကဗျာ/အရေးအသား’ ဆိုတာဧကန်ရှိတယ်။
သစ်လွင်တာကိုယူတယ်။မအောင်မြင်တာကိုထားခဲ့တယ်။

‘ကဗျာကောင်းကောင်းရေးချင်သူ ဘယ်ကဗျာဆရာမဆိုဟာ လုပ်ချင်တိုင်းလုပ်လို့ရသလို free လွတ်လပ်နေတာမဟုတ်ဘူးလို့လည်း အဲလိယစ်တ်ပဲပြောခဲ့ပါတယ်။

အမေရိကန်အမျိုးသား Poet Laureate ဖြစ်ခဲ့ဘူးသူ အမေရိကန်ကဗျာဆရာ Robert Haas ဟာ သူလေးစားကြည်ညိုလွန်းတဲ့ ပိုလန်ကဗျာဆရာ ချက်ရ်ှဝါ မီဝါရှ် Czeslaw Milosz ကိုအိမ်မှာကိုခေါ်တင်ထားပြီး မီဝါ့ရ်ှနေ့စဉ်ရေးတာကိုသူဖတ်ရှုပြီးလိုလိုလားလား
ဩဇာခံယူခဲ့ရတာပါလို့ပြောတဲ့စကားဟာ ကဗျာဆရာတစ်ယောက်နဲ့တစ်ယောက်ပေါ်ချစ်ခြင်း၊တန်ဘိုးထားခြင်းနဲ့ဂုဏ်ပြုထိုက်သူကိုဂုဏ်ပြုခြင်းဆိုတဲ့အရိုး
ရှင်းဆုံးကိစ္စကိုအရိုးရှင်းဆုံးပြောလိုက်တာပဲဖြစ်ပါတယ်။

စဉ်းစားမိတာပြောပါတယ်။
ကဗျာအကြောင်းပြောပါတယ်။

ဇယလ
၂၇ စက် ‘၁၉

Leave a Reply

Your email address will not be published. Required fields are marked *

You may use these HTML tags and attributes:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>