ဒုက္ခဝတီမှာ မြစ်ဖျားခံလို့
နိုင်ငံနှစ်ခြမ်း ခွဲစီးတဲ့မြစ်
အဆစ်အမြစ်ယောင် တောင်တန်းတွေနဲ့
အမြစ်လှန်ပြိုလဲကျတဲ့ မြေပြန့်
မြို့ကြီးပြကြီးတွေမှာ မြစ်ပွားနာတွေနဲ့
မြစ်တွေမှာ မြစ်ဆိပ်တွေ တရိပ်ရိပ်တက်
အသီးမတင်ခင် အကင်းချွေချ
မီးရင်ပြင်မှာ အပင်းတွေကြွ
စီးစဉ်မှာ ခလောက်ဆန်
နောက်ပြန်ရင် မရဏ
ရွေးကြ
မနေ့ကကနေ ‘ဒီ’နေ့ကနေ မနက်ဖန်
အသက်တွေ ဆန်ခဲ့ရလည်း ဒဏ်မကြေ
ဒဏ်ကြေဆေးလိမ်းရမှာကို မော့သောက်ရတဲ့ ရန်မြေ
ရက်မြတ်မိုးမရတဲ့ နက္ခတ်ဆိုးမှာ
မုဆိုးမြားပြေးမလွတ်တဲ့ မြန်ပြည်
မည်းနက်အမြစ်ကနေ
ပင်စည်မည်းနက် သစ်ရွက်မည်းနက် အသီးအပွင့်မည်းနက်
မည်းနက်တဲ့ ကောင်းကင်ကနေ
အလောင်းတင်စီးတဲ့
မြစ်မည်းနက်
တိမ်မည်းနက် ရာသီမည်းနက်
လူမည်းနက်တွေ
မည်းနက်မြေမှာ အမဲဖျက်ခဲ့တဲ့ အမည်းစက်တွေ
အမည်းရွက်တွေပဲရှိတဲ့ မည်းနက်ပြက္ခဒိန်
မည်းနက်အချိန်ဇယား
မည်းနက်ဘုရားရင်ပြင်မှာ
မည်းနက်မဇ္ဇူသက
မည်းနက်စကြရဲ့ မည်းနက်ဝရဇိန်
မည်းနက်တဲ့အရိန္ဒမာ
မည်းနက်မီးပေါ်ဖုတ်ခဲ့တဲ့ မြန်မာ့အသည်းနှလုံး …
ဇယလ
၁၄ မေ ‘၁၈