နိုင်ငံတော်မှာ သေနတ်မရှိဘူး
နိုင်ငံတော်ဟာ ကာကွယ်ရေးအတွက်
စစ်ကို ဒူးထောက်ရတယ်
စစ်ဟာ လက်နက်မဲ့ အကာအကွယ်မဲ့ နိုင်ငံတော်ကို
မုဒိမ်းကျင့်လိုက်တယ်
နိုင်ငံတော်ရဲ့ သားအိမ်ထဲ သုက်ပိုးတွေပန်းထည့်လိုက်တယ်
နိုင်ငံတော်မှာ သေနတ်မရှိဘူး
နိုင်ငံတော်မှာ စစ်ရဲ့သုက်ပိုးတွေ ရှိနေပြီ
နိုင်ငံတော်ဟာ စစ်သုက်နဲ့ရတဲ့သကို လွယ်ရပြီ
စစ်မှာ အင်အားရှိတယ်
စစ်မှာ အာဏာရှိတယ်
စစ်ဟာ ဥပဒေကိုပိုင်တယ်
စစ်ဟာ သုက်ထုတ်လုပ်ရေးစက်ရုံတွေ တည်ဆောက်တယ်
စစ်ဟာ စစ်ကိုမွေးတဲ့သုက်တွေကို မွေးထားတယ်
နိုင်ငံတော်မှာ လက်နက်မရှိဘူး
နိုင်ငံတော်မှာ သားအိမ်ရှိတယ်
နိုင်ငံတော်ဟာ စစ်နဲ့ရတဲ့သကို လွယ်ထားတယ်
နိုင်ငံတော်မှာ ပြည်သူဆိုတဲ့ ကိုယ်အင်္ဂါတွေရှိတယ်
နိုင်ငံတော်ရဲ့ ကိုယ်ဝန်ထဲ ပြည်သူတွေဟာ စီးဝင်ပေးရတယ်
နိုင်ငံတော်မှာ လက်နက်မရှိဘူး
နိုင်ငံတော်ဟာ စစ်ကို ဖွားမြင်ရလိမ့်မယ်
သဘာဝအတိုင်းမဟုတ် ရင်ခွဲမွေးရလိမ့်မယ်
နိုင်ငံတော်သေရင်သေ စစ်ကိုတော့ အရှင်မွေးရမယ်
ဝမ်းဆွဲဟာလည်း စစ်ပဲ
ချက်ကြိုးပြတ်ပြီးတာနဲ့ မွေးကင်းစစစ်ဟာ
နိုင်ငံတော်ကို မီးမွှေးပစ်လိုက်မယ်
ဘာအကာအကွယ်မှ မရှိဘူး
ဘာအင်အားမှ မရှိဘူး
ဘာလက်နက်မှ မရှိဘူး
နိုင်ငံတော်မှာ သေနတ်မရှိဘူး။ ။
ဇယလ
၁၁ မေ ‘၁၈