ကဗျာအကြောင်းပြောပါတယ် (၂၉)

အပြင်ကနေ မြင်သိရတဲ့လူနဲ့ အတွင်းမှာပဲရှိနေရတဲ့လူ (၂)ယောက်ပေါ့။ အပြင်ကလူဟာ အပြင်မှာ နေထိုင်လှုပ်ရှားသွားလာဆောင်ရွက်ပြီး အတွင်းကလူဟာ အတွင်းထဲမှာပဲ နေထိုင်သွားလာဆောင်ရွက်ရတယ်။ သာမန်မှာ အပြင်လူဟာ အတွင်းလူကို သတိမထားဘူး။

ထူးခြားတဲ့တွေ့ကြုံခံစားမှုအဖြစ်အပျက်မှာအပြင်လူဟာရုတ်တရက်ပြိုလဲကျသွားပြီးအတွင်းလူဟာထွက်ပေါ်လာတယ်။အတွင်းလူရဲ့ဘာသာစကားဟာအပြင်လူရဲ့နှုတ်ဖျားမဟုတ်ရင်အရေးအသား(ဖွင့်ဟမှု)အဖြစ်ပေါ်ထွက်လာတာဖြစ်တယ်။အဲဒီဘာသာစကားဟာကဗျာရဲ့ အတွင်းသားလည်းဖြစ်တယ်။အဲဒီအတွင်းသားဟာစစ်မှန်လွန်းတဲ့အခါယုတ္တိဘာသာစကားဟာလိုက်မမီဘူး။ယုတ္တိနဲ့လည်းမဖွဲ့ယူနိုင်ဘူး။အဆက်အစပ်မဲ့စကားလုံးတွေအဖြစ်ထွက်ရင်ထွက်မယ်။နားလည်နိုင်စွမ်းမရှိတဲ့နိမိတ်ပုံ(အာရုံရုပ်)အဖြစ်ထွက်ရင်လည်း
ထွက်မယ်။ အဲဒါဟာကဗျာဘာသာစကားရဲ့အမြုတေပဲ။
အဲဒီကဗျာဘာသာစကားကိုဆက်သွယ်မှုအလို့ငှာ၊ဒါမှမဟုတ် ခေတ်ရဲ့ ကဗျာအမြင်ထုံးတမ်းအလို့ငှာပြုပြင်မွမ်းမံ
ပြောင်းလဲယူတာတွေလည်းရှိတာပေါ့။

ပြောလိုတာကတော့ အပြင်နဲ့အတွင်းလူနစ်ယောက်ဟာရုပ်နာမ်ခန္ဒာ
တစ်ခုထဲမှာ။ အတွင်းလူရဲ့ကဗျာတုန့်ပြန်မှု/တုန့်ပြန်မှုကဗျာကို
အပြင်လူနဲ့ပဲတွဲမြင်ကြတာဖြစ်ရိုးဖြစ်စဉ်ပါ။
နာမည်ရတာပဲဖြစ်ဖြစ် အဆဲခံရတာပဲဖြစ်ဖြစ် အပြင်လူကပဲ
ခံယူရတာဖြစ်ပါတယ်။ ကဗျာအကြောင်းပြောကြရင်လည်းအပြင်လူကပဲ/အပြင်လူနဲ့ပဲ
ပြောကြတာဖြစ်ပါတယ်။ အဲဒါကိုအတွင်းလူကမှုနေမှာမဟုတ်ဘူး။ အပြင်လူကအတွင်းလူကိုသူချုပ်နှောင်ထားတာ၊သူလိုရင်သုံးစရာလို့ထင်ကောင်းထင်မယ်။တကယ်တော့အတွင်းလူဟာသူ့အာဟာရအတွက်အပြင်လူကိုလူတောထဲထွက်နေခိုင်းထားတာပဲဖြစ်တယ်။

အတွင်းလူဟာအပြင်လောကကိုစိတ်ဝင်စားတာမဟုတ်ဘူး။အတွင်းလူအချင်းချင်းနဲ့သာဆက်သွယ်ဆက်ဆံလိုတာဖြစ်တယ်။ ရှားပါးတဲ့တည်ငြိမ်မှုအနေအထားတစ်ခုခုမှာအပြင်လူနဲ့အတွင်းလူ စကားပြောကြတယ်။ အပြင်လူဟာလူမှုဘာသာစကား ဆိုရင် အတွင်းလူဟာ ကဗျာဘာသာစကားဖြစ်တယ်။ သူတိုရဲ့ပြောဆိုကြပုံဟာလည်း ကဗျာတစ်မျိုးဖြစ်စေတယ်။ အပြင်လူရဲ့စကားသက်သက်နဲ့တော့ ကဗျာရဲ့အရိပ်ပဲအလွန်ဆုံးရလိမ့်မယ်။အချို့အတွက်လည်းအဲဒီအရိပ်ဟာပဲကဗျာလို့ထင်ကြတယ်။

စဉ်းစားမိတာပြောပါတယ်။
ကဗျာအကြောင်းပြောပါတယ်။

Leave a Reply

Your email address will not be published. Required fields are marked *

You may use these HTML tags and attributes:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>