၂၀၀၉ ခုနှစ် အော့ဇီကဗျာ (၅ )ပုဒ်

၂၀၀၉ ခုနှစ်ထဲမှာ ရေးသားထုတ်ဝေခဲ့တဲ့ ဩစတြေးလျကဗျာဆရာ/ဆရာမ ၅ ဦးရဲ့ ကဗျာ ၅ ပုဒ်ကို ဘာသာပြန်ဖေါ်ပြလိုက် ပါတယ်။ တူညီကြတဲ့ နှစ်ကာလထဲမှာပဲ ကဗျာအကြောင်းအရာ ရွေးချယ်ပုံ ၊ ရေးနည်းပြုလုပ်ဖွဲ့စည်းပုံ ၊ ကဗျာပစ္စည်းများသုံးစွဲပုံတို့ကို ယှဉ်ကြည့်လို့ရအောင်ဖြစ်ပါတယ်။

တိရိစ္ဆာန်များကို အမျိုးအစားခွဲခြင်း

အဝေးကကြည့်ရင် မှက်တွေနဲ့ တူတဲ့ အကောင်တွေရှိတယ် ၊ ပြီး

ကြယ်တွေကို ဆန့်ကျင်ဖို့ ဟောင်ပြီးစည်းရုံးတဲ့ အကောင်တွေ

သူတို့ရဲ့ သားကောင်ကို နှိပ်စက်ညှဉ်းပမ်းတဲ့ အကောင်တွေ

အငြင်းအခုံတစ်ခုမှာ ဘက် ၂ ဘက်စလုံးဝင်ပါတဲ့ အကောင်တွေ

ရှားပါးပြီး တန်ဘိုးကြီးတဲ့ ကြွေအိုးတစ်လုံးကို ရိုက်ခွဲလိုက်တဲ့ အကောင်တွေ

အမျှင်တစ်မျှင်တည်းပါတဲ့ စုတ်တံတစ်ချောင်းနဲ့ ရေးဆွဲလို့ရတဲ့ အကောင်တွေ

မိမိတို့ရဲ့ လက်ချောင်းထိပ်တွေက ဖယောင်းတိုင်တွေကို

သူတို့ရဲ့ လျှာတွေနဲ့ မီးလှမ်းညှိတဲ့ အကောင်တွေ

အမြီးကုပ်ကုပ် အကောင်တွေ

ကုတင်ပေါ်က ကြမ်းပိုးတွေ ၊ အသည်းထဲက ကပ်ပါးလို အကောင်တွေ

ရည်ရွယ်ချက်နဲ့ ငြင်းပယ်ထားတာကို ဆန့်ကျင်ကြတဲ့ အကောင်တွေ

အန္ဓကောင်တွေ

ခေတ္တငြိမ်သက်ပြီးမှ ထပြေးကြတဲ့ အကောင်တွေ

ဖြစ်တည်မှု ကိုယ်တိုင်ဟာ ဖြည်လို့မရတဲ့ ကြိုးထုံးလို အကောင်တွေ

ပျင်းရိငြီးငွေ့နေဖို့ပဲ တတ်တဲ့ အကောင်တွေ

စိတ်ကောင်းစေတနာရှိကြတဲ့ ပိုးတောင်မာတွေ

ဖါးတွေ ၊ ပက်ကျိတွေလို ဥာဏ်အလင်းရကြတဲ့ အကောင်တွေ

လူတွေမတ်တတ်ရပ်သလို မရပ်ကြတဲ့ အကောင်တွေ

အလံပေါ်မှာ သင်္ကေတအဖြစ်ထားရှိသင့်တဲ့ အကောင်တွေ

ခြင်တွေ ၊ မိကျောင်းတွေလို

ဂျိုပါတဲ့မြင်း ၊ ရေသူမ စတဲ့ တကယ်ရှိသင့်တဲ့ အကောင်တွေ

ဆင်ခြင်တုံတရား တော်တော်လေးအားကိုးမှ

လက်ခံလို့ရတဲ့ အကောင်တွေ

လူတွေကို ပြုံးစေတဲ့ အကောင်တွေ – ဥပမာ Ladybird ချေးပိုးထိုး

လူတွေကို ရာဂစိတ်နိုးကြွစေတဲ့ အကောင်တွေ

ကျိုးပဲ့ပျက်စီးလွယ်ပေမယ့် ဆက်လက်တည်ရှိနေမယ့် အကောင်တွေ

ပြီး . . . မိမိဖြစ်ချင်တဲ့ အကောင်တွေ

ဖီးနစ်က်စ်ငှက် ၊ လူတစ်ပိုင်းမြင်းတစ်ပိုင်း ဆဲန် တောရ် ။ ။

(Robert Gray ရဲ့ Classifying the Animals)


ပင်လယ်ရပ်ခြားမှ ကူးလာကြသူများ

[၂၀၀၉ ၊ ဧပြီ ၁၆ ရက်နေ့တွင် ခိုလှုံခွင့်တောင်းခံရန်လာကြသူ အာဖဂန်လူမျိုး ၄၇ ဦးသယ်ဆောင်လာသော သင်္ဘောတစ်စီးသည် အက်ရှမီးယားသန္တာကျောက်တန်းအနီး၌ ဩစတြေးလျကာကွယ်ရေးတပ်ဖွဲ့ဝင်များ၏ စီးနင်းသိမ်းပိုက်ခံရပြီးနောက် မကြာမီတွင် ပေါက်ကွဲနစ်မြုပ်သွားခဲ့သည်။ ဒုက္ခသည် ၅ ဦးသေဆုံးပြီး ကျန်ရစ်သူအများစုမှာ မီးလောင်ဒဏ်ရာများ ဆိုးဆိုးဝါးဝါးရရှိခဲ့ကြသည်။]

နိုင်ငံ – အမှတ်တရတစ်ခုအဖြစ်ပဲရှိပါတော့တယ်

ပင်လယ် – မိမိတို့အားကယ်တင်စောင်မရာ (သို့) သေတွင်း

အပွင့်စနစ် – မခံမရပ်နိုင်တဲ့ အပူဒဏ် ၊ အဆက်မပြတ်ရေငတ်ခြင်း

ရေတပ် – မိုးကုတ်စက်ဝိုင်းမြူထုထဲ တောက်ပနေတဲ့ စစ်သင်္ဘော ၂ စင်း

သင်္ဘောလမ်းပြ – မျှော်လင့်ချက်ဟာ ကီလိုမီတာ ၂,၀၀၀ လမ်းချော်သွားခဲ့တယ်

မီးလောင်ခြင်း – မီးခြစ်ဆံခြစ်လိုက်သူအဖို့

သေခြင်းတရားဟာ ဖမ်းဆီးချုပ်နှောင်ခံရခြင်းကို ဖီဆန်တယ်

အရေပြား – မိမိတို့ရဲ့ နောက်ဆုံးအကာအကွယ်ဟာ မီးစွဲလောင်ကျွမ်းသွားတော့တယ်

အိုင်ဒင်တတီ – ဖခင် ၊ အငှားကားယာဉ်မောင်း ၊ ဒုက္ခသည် သင်္ဘောပေါ်ပါလာသူ

မုသားများ – မျှဝေပိုင်ဆိုင်နေထိုင်ရဖို့

အကန့်သပ်မဲ့ လွင်ပြင်ကျယ်ကြီးများ (ဩစတြေးလျ)

အနှစ်သာရ – သွေးနဲ့ သွေးပြန်ကြောတို့ တိုက်ရိုက်သက်ဆိုင်ကြသလို

ဝေဒနာနဲ့ သက်ရှိရှင်သန်နေထိုင်မှုတို့ တိုက်ရိုက်သက်ဆိုင်ကြသည်

အရေပြားအစားထိုး – ဟောဒီပိုးသတ်ထားတဲ့ ၊ ကောင်းကင်ဘုံ မ၀င်ရောက်မီ ၀ိဥာဉ်များ

ကုသခြင်း သန့်စင်ရာ ဌာနမှာ သူတို့ မိမိကို တစ်စစီပြန်ကပ်တယ်။

ဂရုစိုက်ခြင်း – မိမိအိပ်ရာ ဘေးမှာ အစောင့်အကြပ်တစ်ယောက်ဟာ

မိမိကို သတိနဲ့ ကြည့်နေတယ်

သေရွာပြန် လားဇရပ်စ်လို ပြန်ထလာပြီး

ဒီတိုင်းပြည်မှာပဲ အပြီးအပိုင် အခြေချနေထိုင်သွားမလား

သူ့မှာ စိုးရိမ်စိတ်ကြီး မဖုံးသာ မဖိသာနဲ့ ။ ။

(Susan Austin ရဲ့ Those Who Came Across the Sea)


ကျူနာငါးဖမ်းခြင်း

စစ္စလီက တံငါသည် ယောက်ျားတွေဟာ

ကျူနာငါးတွေဖမ်းကြတယ်

လွန်ခဲ့တဲ့ နှစ်ပေါင်း ထောင်ချီက အတိုင်းပဲ။

ပင်လယ်ထဲကနေ ပိုက်ကွန်ဆွဲမ

ပါလာတဲ့ ကျူနာတွေဟာ

သတိလစ်လုနီးပါး အရိုက်ခံရ

သွေးတွေလျှံကျ ––

တံငါသည် တစ်ယောက်ဟာ

ကျူနာငါးရဲ့ မျက်လုံးပြူးပြူးတွေပေါ်

သူ့ ညိုမောင်းမောင်း လက်ဖ၀ါးနဲ့ အုပ်လိုက်တယ်

အဲဒါအမြဲ

အဲဒါအမြဲအစဉ်အလာပဲ

အဲဒါ အမြဲတန်းလုပ်ရိုးလုပ်စဉ်ပဲ

ငါးရဲ့ အထိတ်တလန့် ဖြစ်နေမှုကို

အေးဆေးသက်သာသွားစေဖို့ ။ ။

(Shevaun Cooley ရဲ့ Expeditions with W.G. Sebald ကဗျာမှ အပိုင်း ၂)


ပန်းချီအနုပညာနှင့် သေခြင်းတရား မှတ်စုများ

လေးထောင့်ဖန်ဘူးလေးထဲမှာ နှင်းဆီပွင့်

ပုံရေးဆွဲနည်း အဆင့်ဆင့် ပြသထားတယ်။

ပကတိတည်ငြိမ်နေတဲ့ ရေထဲကနေ

ပန်းချီဆရာရဲ့ စိတ်ကက်တလောက်ကို

ငုံ့ကြည့်နေရသလိုပါပဲ။

ပထမ အဆင့် ––

စက္ကူဖြူပေါ်က ရေဆေးတွေ

လိမ္မော်နီ ၊ လိမ္မော်ခရမ်း ၊ ခရမ်းနီ . . .

နွေရာသီမှာ အေးခဲတိုင်လုံးတွေ

အတန်းလိုက် အရည်ပျော်ကျနေသလိုပဲ။

ဒုတိယ အဆင့် ––

စာမျက်နှာပေါ်မှာ သပ်သပ်ရပ်ရပ်

အတန်းလိုက်စီထားတဲ့ စကားလုံးတွေ ––

“ဟိုက်ဂရို့ဗ်အရပ်က

နံရံမြင့်မြင့်တွေနောက်ကွယ်က ဥယျာဉ်ထဲမှာ

နှင်းဆီပန်းတွေရှိတယ်။

အနီရောင် ၊ လိမ္မော်ရောင် ၊ ခရမ်းရောင် ရဲရဲတောက်

အရောင်တွေ တောက်လွန်းလို့

မျက်စိကို အနားရအောင်

မကြာခဏ မျက်တောင်ခတ်ရတယ်။

စကားလုံးတွေဘေးမှာ

အချောသပ် ရုက္ခဗေဒဆိုင်ရာ ပစ္စည်း

အနီရဲရဲ နှင်းဆီတစ်ပွင့်

ရိုးတံထိပ်မှာ ခေါင်းမော့ဝင့်ကြွား

ကျက်သရေရှိပါဘိ

အားမာန်ပြည့်ပါဘိ

သူ့ကို ပတ်ထားတဲ့ စက္ကူဖြူထက်တောင်

လင်းလက်တောက်ပနေသေးတယ်။

ကဗျာတစ်ပုဒ်ရဲ့

ပထမဆုံးနဲ့ နောက်ဆုံးမူကြမ်းတွေလိုပဲ

အချောသပ်နှင်းဆီဟာ

အသေးစိပ်တိကျလို့ ––

သင်္ကေတတစ်ခုလို ၊ မျိုးရိုးရဲ့

ထူးခြားတဲ့ အရောင်အသွေးပေါ်လွင်လို့

မွေးမြူပြုစုထားမှုအရ

သွေးလို နူးညံ့ပျော့ပြောင်းလှတဲ့

ပွင့်ချပ်တွေ။

သူ့ရဲ့ ပုံဖေါ်ချက်ဘေးမှာ

ယှဉ်ချထားတာ

တကယ့်နှင်းဆီပွင့်။

အမောဖေါက်နေတဲ့

နှင်းဆီတစ်ပွင့်ကို

ဘယ်လိုပုံတူရေးဆွဲသလဲ။ ။

(Susan Fealy ရဲ့ Notes on Art and Dying –– မူလစကားပြေ ကဗျာပုံစံကို ကဗျာပုံစံအဖြစ်ပြန်စီခြင်း)


သုံးချပ်တွဲ ပန်းချီကား

[သေဒဏ်ပေးနည်းတစ်ခုဖြစ်တဲ့ ဆေးထိုးသတ်ခြင်းမှာ အဆင့်သုံးဆင့်ရှိတယ်။ ဆေးတွေရဲ့ ကြားထဲ ဆားငံရည် ထည့်သွင်းတယ်။ လမ်းကြောင်းရှင်းစေဖို့ ]

I. ဆိုဒီယမ်သိုင်အို ပဲန်သလ် (၅ ဂရမ်)

ပျဉ်ပြားပေါ်တုပ်နှောင် ၊ ပြွန်တစ်ချောင်း

ဆုပ်ကိုင်လိုက်တာ သင့်သွေးပြန်ကြောရဲ့

နောက်ဆုံးနံရံ။ မီးပူတိုက်ထားတဲ့ ဘောင်းဘီ

နဲ့ အင်္ကျီ ၊ ရှန်ပူနဲ့ လျှော်ထားတဲ့ ဦးခေါင်း

ဒီရေဘီးတစ်လုံးလို အဖန်တလဲလဲ သွေးခုန်နှုန်း

လှိုင်းလုံးတစ်လုံးဟာ ကမ်းစပ်ပေါ်ပြေးတက်လာတယ်

ဒီရေ ပစ်တင်လိုက်တဲ့ အမှိုက်တွေကို ဆေးကြောပြီး

ပင်လယ်ထဲပြန်လည်ဝင်ရောက်သွားဖို့

သူ့ကိုသူ လိပ်လိုက်တယ်။

II. ပဲန်ကူရိုနီယမ် ဘရိုမိုက်ဒ် (၁၀၀ မီလီဂရမ်)

ကြမ္မာကို သိလိုက်ရသူတွေပဲ သိနိုင်ကြတယ်

မိနစ်ပိုင်းပဲ ကျန်တော့တယ်ဆိုတာ။ ပင်လယ်ပြင်မှာ

မျှောလိုက်တဲ့ ပျဉ်တစ်ချပ်ပေါ်ကြိုးနဲ့ တုပ်လို့

လှိုင်းလုံးကြီးတွေရဲ့ ပုခက်လွှဲ

III. ပိုတက်ဆီယမ် ကလိုရိုဒ် ( ၁၀၀ မီလီဂရမ်)

အခုအချိန်လောက်ဆိုရင်

သင်သိတောင်သိမှာ မဟုတ်တော့ဘူး

သင့်ခြေမျက်စိကို လာတွတ်နေကြတဲ့ ငါးတွေ

သင့်လက်ထဲကနေ လျှောဆင်းသွားတဲ့ ရေဘ၀ဲ

သင့်ကို သူနဲ့ အတူတွဲကဖို့

ပင်လယ်ရဲ့ ဟိုးအနက်ကြီးဆီ

သင့်ကို `လိုက်ခဲ့´ဦးဆောင်ခေါ်ယူနေသလို။ ။


(Andrew Slattery ရဲ့ Triptych)

ဇေယျာလင်း
29 – Oct – 12

Leave a Reply

Your email address will not be published. Required fields are marked *

You may use these HTML tags and attributes:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>