မိမိရဲ့ ရုရှတစ်ခုလုံး (ယူဂျီးန် ဒု(ဗ်) နော့(ဗ်))

မိမိကြည့်နေတဲ့ ရုပ်ရှင်ထဲမှာ ကြိုးကြာငှက်တွေ ပျံနေကြတယ်။
ရှေ့တန်းစစ်မျက်နှာသွားရတော့မယ့် ယောက်ျားတွေဟာ သူတို့ရဲ့
ချစ်သူရည်းစားတွေကို ကြေကွဲမှုနဲ့ ထုံကျင်နေအောင်ထားခဲ့တယ်
ကမ္ဘာကြီးရဲ့ အဲဒီအရပ်ဒေသမှာပဲပေါ့ –– အမှတ်ရဆုံးပါပဲ ––
မိမိမွေးဖွားကြီးပြင်းလာပြီးမိမိကို အမည်နာမပေးခဲ့တဲ့
မိမိရဲ့ အမိနိုင်ငံတော်။

မိမိမျက်လုံးတွေဟာ ရုပ်သံစကရင်ကနေ
နံရံမှာ ချိတ်ထားတဲ့ ဓါတ်ပုံတွေဆီရောက်ရောက်သွားတယ် ၊
တန်းစီရပ်နေကြတဲ့ နိုင်ငံ့ခေါင်းဆောင်တွေရဲ့ မျက်နှာတွေ
အယုတ္တအနတ္တပုပ်သိုးသိုးမျက်နှာတွေပေါ်က ပါးစုန့်ကြီးတွေ
အကုန်လုံးဟာ ချိတ်ဆက်နေကြသလိုပဲ

အကြမ်းဖက်ခံရမှုကို အချိန်မရွေးကြောက်လန့်နေရမှု
နဲ့ ကိုယ်စိတ်နှလုံးသုံးပါးစလုံးဆင်းရဲ ညစ်နွမ်းရခြင်း
အရာရာကို အဆိုးမြင်မှုနဲ့ လက်လျှော့ခေါင်းငုံ့နေရမှုတို့ကို
တင်းတင်းဆုပ်ကိုင်ထားတဲ့ ကြေကွဲမှုကြီးတစ်ခု ။
ရုတ်တရက်ပဲ ၊ ပထမဆုံးအကြိမ် မိမိကြည်ကြည်လင်လင်
မြင်တွေ့ရတော့တယ်
ဒီပုံဟာ မိမိရဲ့ ရုရှတစ်ခုလုံး ၊ မိမိရဲ့ ရုရှမှန်သမျှအားလုံးပဲ
မိမိထဲမှာပဲ မိမိကို ပြန်ချုပ်ထားတယ်လေ။

ယူဂျီးန် ဒု(ဗ်) နော့(ဗ်)

(Poetry Review မဂ္ဂဇင်း Vol. 101:3 Autumn 2011 မှာ ဖေါ်ပြပါရှိသည့် Anne Stevenson အင်္ဂလိပ်မူဘာသာပြန်သည့် အက်တိုးနီးယား ကဗျာဆရာ Eugene Dubnov ၏ `All My Russia ´ကို မြန်မာဘာသာပြန်ဆိုခြင်းဖြစ်ပါသည်။)

ဇေယျာလင်း

Leave a Reply

Your email address will not be published. Required fields are marked *

You may use these HTML tags and attributes:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>