(Francis Ponge ရဲ့ `ရာသီစက်ဝန်း´ကို မှီး၍)
လည်မြိုထဲကနေ ဖူးငုံလေးထွက်လာတယ်
ပါးစပ်ကို ဖွင့်ဟဖေါ်ထုတ်မှုတစ်ခုနဲ့ ဆို့လိုက်တယ်။
ကွဲထွက်ပွင့်ဟတော့မယ့် ဒုဓလီပွင့်ငုံ
မုတ်ဆိတ်မရိတ်မီဆပ်ပြာမြှုပ်သုတ်တဲ့ ဘရပ်သစ်လိုသစ်ရွက်လိပ်လေး။
ဖူးငုံတွေဟာ သူတို့ဘာပြောပြောလန်းတယ်လို့ထင်ကြတယ်။
တူညီတဲ့ ပွင့်ဟခြင်းနဲ့ အ၀ါရောင်တောက်တောက်အမူအယာနဲ့
သူတို့ပြောနိုင်ကြတာဟာ `သစ်ရွက်´
သူတို့ပြောနိုင်ကြတာဟာ `ပန်းပွင့်´
ဒါပါပဲ။
သူတို့ဆိုလိုတာ သူတို့ မပြောပြနိုင်တော့ဘူးလို့ထင်ရင်း
သူတို့အရပ်တွေရှည်လာတယ် ၊ ထွားလာတယ် ၊
မူလပုံသဏ္ဍာန်တွေပျက်သွားကြတယ်။
သူတို့မောပမ်းလာကြတယ်။ သူတို့အတွက်ဖွင့်ဟ
လိုက်တဲ့ ပါးစပ်ဟာ တဖြေးဖြေးခြောက်သွေ့လာတယ်။
အငမ်းမရပြောခဲ့တဲ့ စကားဟာ
အခုအရောင်မှိန်လာတယ် ၊ ညှိုးလာတယ် ၊
ကြွေကျသွားတယ်။
အိုင် ဂယ်လီမော
(Poetry Review မဂ္ဂဇင်း Vol. 101:3 Autumn 2011 မှာ ဖေါ်ပြပါရှိတဲ့ ဗြိတိသျှ ကဗျာဆရာမ အီစဘဲလ် ဂယ်လီမော Isabel Galleymore/ I. Galleymore ရဲ့ `Turn of Phrase ´ကဗျာကို ဘာသာပြန်လိုက်တာ ဖြစ်ပါတယ်။)
ဒုဓလီ= dandelion ပန်း
ဇေယျာလင်း