ပြင်သစ်ယဉ်ကျေးမှုဋ္ဌာန Open Mic ကဗျာပွဲလေးသတင်း

ရန်ကုန်မြို့ Alliance Francaise ပြင်သစ်ယဉ်ကျေးမှုဋ္ဌာနမှာ ၁၀ ၊ ၂ ၊ ၂၀၁၂ သောကြာနဲ့ ၁၁ ၊ ၂ ၊ ၂၀၁၂ စနေ ညနေ နှစ်ညနေမှာ Open Mic ကဗျာပွဲလေးကျင်းပခဲ့ပါတယ်။ တကယ်တော့ အဲဒီဋ္ဌာနမှာ တစ်ပတ်လုံးကျင်းပခဲ့တဲ့ ပြဇာတ်ဆိုင်ရာ ပညာရှင် များနဲ့ စိတ်ဝင် စား သူများတွေ့ဆုံနှီးနှောဖလှယ်ပွဲရဲ့ အဆုံးသပ်အနေနဲ့ စင်တင်ပွဲလေးလုပ်ဖို့ မူလကတည်းက စီစဉ်ထားတဲ့ အထဲမှာ Theatre of the Disturbed က (ဒါရိုက်တာ/ပြဇာတ်ဆရာ/ပါဖေါ့မင့်စ်) ကို ဥာဏ်လင်းထက်က ကဗျာရွတ်ပွဲလေးပါထည့်ချင်တယ်လို့ ကျွန်တော့်ကို ၉ ၊ ၂ ၊ ၂၀၁၂ ကြာသာပတေးနေ့လည်လောက်လာပြောပါတယ်။ ကျွန်တော်လည်း `ဟုတ်ကဲ့ ၊ ဖြစ်အောင်လုပ်ပေးပါ မယ်´လို့ ဂတိပေးလိုက်ပါ တယ်။ သူ့ဘက်ကလည်း သူသိတဲ့ ကဗျာဆရာတွေကို အကြောင်းကြားမယ်ပေါ့။ ကျွန်တော်ကတော့ ထုံးစံ အတိုင်း ကိုမိုးဝေးပေါ့။ ပြီး. . . ကိုမိုးဝေးကတစ်ဆင့် ။ . . ။

ပြင်သစ်ယဉ်ကျေးမှုဋ္ဌာန AF နဲ့ ကျွန်တော်ရင်းနှီးတာကြာပါပြီ။ အခုကွယ်လွန်သွားရှာပြီဖြစ်တဲ့ AF စာကြည့်တိုက်မှူး ဦးဂျင်မီ (ပန်းချီဆရာ ကျော်ညွှန့်လင်း/ပါဖေါ့မင့်စ်)က အဲဒီမှာ ပြုလုပ်တဲ့ အနုပညာပွဲတိုင်းကို ဖိတ်ပါတယ်။ ကျွန်တော်ကလည်း မအားတာများ တော့မသွားတာများပါတယ်။ တစ်နေ့တော့ ၊ AF မှာ ကဗျာပွဲလေးလုပ်ချင်တယ်ဆိုလို့ `အိုကေ´ပေါ့၊ `လုပ်ကြတာပေါ့´ဆိုပြီး `ပြင်သစ် ကဗျာရွတ်ပွဲ – နွေဦးညနေ´ အစီအစဉ်လေးဖြစ်ခဲ့ပါတယ်။ (ရုတ်တရက်ခုနှစ်မမှတ်မိတာသီးခံပါ။ ၂၀၀၄လို့ထင်ပါတယ်။ ထားပါ။) ကိုပြည့်မင်း ၊ ကိုမိုးဝေး ၊ ကိုဟိန်းမြတ်ဇော် ၊ ကိုသည်မော်နိုင် ၊ ဆရာမောင်မောင်ဇေယျ ၊ ဒေါ်မအိတို့လည်းပါကြပါတယ်။ အဲဒီပွဲပြီးလို့ ထုံးစံအတိုင်း ပွစိပွစိ တွေပေါ့။ လက်သိပ်ထိုးလုပ်တယ်တို့ ၊ ဘယ်သူကျတော့ မဖိတ်ဘူးတို့ ။ အဲဒါနဲ့ Futurism နှစ် (၁၀၀)ပြည့်ပွဲလုပ် မယ်ဆိုတော့ ကိုလှသန်း၊ ကိုကြည်ဇော်အေး စသူတို့ကို တကူးတက ဖိတ်ကြားပါတယ်။ Slam Poetry မိတ်ဆက်ပွဲတုန်းကလည်း နီးစပ် ရာတွေနဲ့ နီးစပ်ရာတွေရဲ့ ဆက်စပ်နီးစပ်ရာတွေကိုပါ ဖိတ်ပါတယ်။

အဲ . . . ကိုဥာဏ်လင်းထက်လည်းပြင်သစ်ရောက်နေ ၊ ကိုဂျင်မီလည်း မကွယ်လွန်ခင်အထိ နာမကျန်းဖြစ်နေတော့ ကျွန်တော် လည်း AF နဲ့ တော်တော်အဆက်ပြတ်သွားပါတယ်။ ကြာသာပတေးနေ့က ကိုဥာဏ်လင်းထက်ရောက်လာတော့မှ ပြန်ဆက်ဖြစ်တဲ့ သဘောပါ။

ပထမအစီအစဉ်ကတော့ AF ရဲ့ စားသောက်ဆိုင်ခြေရင်းက စင်ကလေးမှာ ကဗျာပွဲလုပ်မယ်ပေါ့။ မြက်ခင်းပြင်က စင်ကြီးမှာ ပြဇာတ်တွေအကတွေ ဖျော်ဖြေမယ်ပေါ့။ ဒါပေမယ့် သောကြာနေ့က ဘာဖြစ်လဲမသိဘူး ၊ ကဗျာရွတ်မယ့်သူရော ၊ ကဗျာပရိသတ်ရော ၊ ပြဇာတ်/အက ပရိသတ်ရော တော်တော်လေးကျဲနေပါတယ်။ ၆း၄၀လည်းရောက်လာရော ၊ ပွဲကိုစင်ကြီးမှာ မစ ပဲ ကျွန်တော်တို့ ရွတ်ကြ မယ့် ကဗျာစင်လေးမှာပဲ စတင်လိုက်ကြပါတယ်။ ယဉ်ကျေးမှုတာဝန်ခံနဲ့ ကိုဥာဏ်လင်းထက်ရဲ့ အမျိုးသမီးတို့အသီးသီးပြောကြပြီးနောက် ကဗျာပွဲလေးကို ဖွင့်လိုက်ပါတယ်။ စာရင်းထဲမှာ ကျွန်တော့်နာမည်ထိပ်ဆုံးက ပါနေလို့ ( ရေးထားလို့ – ကိုလင်းဝေးခက်ထင်ပါတယ်) ကျွန်တော်စ ရွတ်လိုက်ပါတယ်။ ကျွန်တော့်ကဗျာမဟုတ်ပါဘူး။ ၁ ၊ ၂ ၊ ၂၀၁၂က ကွယ်လွန်သွားရှာတဲ့ စာပေနိုဘဲလ်ဆုရ ပိုလန်ကဗျာ ဆရာမ ဗီဆွာဗာ ရှင်မ်ဘော်စတာ Wislawa Szymborska ရဲ့ `Children of Our Age´ ကဗျာဖြစ်ပါတယ်။ မြန်မာဘာသာပြန်ပါ။ ကျွန်တော်ရွတ်ပြီးတော့ Pem Skool က သိုးထိန်း (အန္တိမ) ၊ ဝေးခေါင် ၊ သော်ဇင်အုံး ၊ လင်းဝေးခက် ၊ စစ်တင် ၊ နှစ်ဆန်းတို့ရွတ်ပြီး စင်ကြီးဆီမှာ အကသွားကြည့်ကြပါတယ်။ ပြီး ၊ ကဗျာစင်ဆီပြန်လာကြပြီး ကဗျာရွတ်ပွဲလေးဆက်လုပ်ပါတယ်။ အဲဒီအချိန်မှာ ကျွန်တော် ဟာ ပြင်သစ်က အမျိုးသမီးတစ်ယောက်နဲ့ ကဗျာအကြောင်းတွေပြောနေတာ စကားအဆက်ဖြတ်မရလို့ ဘယ်သူတွေရွတ်တယ်လို့မသိခဲ့ ရပါဘူး။ စကတည်းက Open Microphone လို့ပြောပြီးထားတဲ့အတိုင်းပါပဲ။ ဘယ်သူမဆိုတက်ရွတ်ခွင့်ပေးထားပြီးသားပါ။

စနေနေ့မှာတော့ ကဗျာရွတ်ပွဲကို စင်ကြီးမှာပဲပြုလုပ်ခဲ့ပါတယ်။ မြန်မာ့ဆိုင်းဝိုင်းမိတ်ဆက်ပွဲမစခင်ကဗျာရွတ်ပွဲနဲ့ စ လိုက်ပါ တယ်။ လင်းရမ္မာ ၊ အောင်ပိုင်စိုး ၊ သိုးထိန်း (အန္တိမ) (ဆရာမျှားနီရဲ့ ကိုဂျင်မီ လွမ်းချင်းကဗျာကို ကိုယ်စားတက်ရွတ်) ပြီး ၊ ပြဇာတ်။ ပြီး၊ ကိုအေးကို ၊ ကိုစန်းဦး ၊ ကိုငြိမ်းချမ်းဆု ၊ ဦးအောင်မြင့် စသူတို့ရဲ့ ပါဖေါ့မင့်စ်ပွဲ။ ပါဖေါ့မင့်စ်ပွဲကို မြက်ခင်းပေါ်ကျင်းပနေတုန်းမှာပဲ စင်ပေါ် မှာ ကဗျာရွတ်ပွဲကို ဆက်လုပ်ပါတယ်။ ပါဖေါ့မင့်စ်ပွဲနဲ့ တစ်ချိန်တည်းတစ်ပြိုင်တည်းလုပ်တာပါ။ ကိုစောဝေ ၊ မယ်ယွေး ၊ သော်ဇင်အုံး ၊ မောနွေ ၊ ဇာတိ(ဖျာပုံ) ၊ ဟန်လင်း ၊ လင်းနီညို၊ အောင်ပိုင်စိုး စသူတို့ရွတ်ကြပါတယ်။ (ကျွန်တော်စာရင်းမမှတ်ထားမိတဲ့အတွက် ကျန်ခဲ့သူတွေရှိရင် ကျွန်တော်မှတ်ဥာဏ်မကောင်း ၊ သတိမထားလိုက်မိလို့ပါပဲ။ တစ်ချိန်တည်းမှာ ပါဖေါ့မင့်စ်ကိုလည်း ကြည့်နေလို့ဖြစ်ပါ လိမ့်မယ်)။

ချုပ်ပြောရရင်တော့ ပျော်စရာပွဲလေးပေါ့။ သာမန်အားဖြင့် အသံမထွက်ရဲတဲ့အကြောင်းတွေကို ကဗျာနဲ့လွတ်လွတ်လပ်လပ် ရွတ်ကြတယ်။ ကြီးစဉ်ငယ်လိုက်လည်းမဟုတ်ဘူး ၊ ရွတ်ချင်သူတက်ရွတ်ပဲ။ ဘာကိန်းကြီးခန်းကြီးမှမရှိဘူး။ ရွတ်သူကရွတ်မယ် ၊ နားထောင်ချင်သူကထောင်မယ်။ အဲသလိုလွတ်လပ်မှုမျိုးကို ကျွန်တော် AF မှာပဲရဘူးပါတယ်။ American Center နဲ့ British Council မှာလည်း ကဗျာပွဲတွေလုပ်ဘူးပါတယ်။ AF လိုမလွတ်လပ်ပါဘူး။ ခေတ်ကာလနဲ့လည်း ဆိုင်မယ်ထင်ပါတယ်။

ကျွန်တော်တို့ ကဗျာရေးဘော်ရေးဘက်တွေ ကဗျာတက်ရွတ်ကြတဲ့အခါ သတိထားမိတာက အသံကိစ္စနဲ့ ရွတ်/ဖတ်ခြင်းကိစ္စပါ ပဲ။ အသံတိုးနေတာတို့ ၊ မကြည်လင်ပဲလုံးထွေးနေတာတို့ ၊ အဖြတ်အတောက် မထိရောက်တာတို့ ၊ ခေတ္တခဏရပ်နားတာမရှိပဲ ဆက် တိုက်ဖတ်သွားတာတို့ ၊ (ပရိသတ်ရဲ့ နားနဲ့ ခေါင်းထဲရောက်အောင်မစောင့်ပဲ ကိုယ်ဖတ်စရာရှိတာကိုပဲ ပြီးအောင်ဖတ်သွားတာမျိုး) စတာတွေပေါ့လေ။ ပြီးတော့ ၊ သံပြေလေးနဲ့ ဖတ်မလား ၊ အော်ဖတ်မလား ၊ ခံစားမှုအတိုင်းအသံပြောင်းဖတ်မလား ၊ ကဗျာမဖတ်ခင် အင်ထရိုဘယ်လောက်ကြာကြာပြောမလဲ ၊ ရိုးရိုးမတ်တတ်ရပ်ပြီးရွတ်မလား ၊ ခြေဟန်လက်ဟန်ပါမလား ၊ ရွတ်နေရင်း တစ်ခုခုလုပ်ပြနေ မလား ၊ သီချင်းစာသားပါရင် သီချင်းစာသားကို သီချင်းလိုပဲ ထည့်ဆိုမလား ၊ ကဗျာရွတ်နေရင်း တစ်ခုခုကို ကြားဖြတ်ဝင်ပြောမလား ၊ မတ်တတ်ထရွတ်မလား ၊ ထိုင်ရွတ်မလား ၊ လှဲရွတ်မလား ၊ စသည်စသည်။ ပသို့ဆိုစေ ၊ ဒီရွတ်/ဖတ်မှု အပိုင်းမှာလည်း ကျွန်တော်တို့ ကဗျာဆရာ/ဆရာမတွေကျွမ်းကျင်မှုရှိဖို့ လေ့ကျင့်ရဦးမယ်ထင်ပါတယ်။ ကျွန်တော်အပါအ၀င်ပါ။

ဒီကဗျာပွဲလေးအတွက် AF နဲ့ စီစဉ်သူများအားလုံးကို ကျေးဇူးတင်ကြောင်း ၊ မရင်းနှီးဘူးသေးတဲ့ ကဗျာရေးဘော်ရေးဘက်တွေ နဲ့ ရင်းနှီးခင်မင်သိကျွမ်းခွင့်ရတဲ့အတွက် ၀မ်းမြောက်ကြောင်းနဲ့ မတ်လ ၂၁ ရက် ၊ ကမ္ဘာ့ကဗျာနေ့ကျင်းပဖို့ အစီအစဉ်မှာလည်း ၀ိုင်းဝန်း တက်ကြွပါဝင်ကြစေလိုကြောင်း ပြောချင်ပါတယ်။

ဇေယျာလင်း
12 – Feb – 12

Leave a Reply

Your email address will not be published. Required fields are marked *

You may use these HTML tags and attributes:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>