ပုံမှန်နောက်ကျောဖုံးအတွင်း စာမျက်နှာအရပ်

သို့ပါ၍ အဆိုပါ ရေဝေးသုသာန်ကို တိုက်ရိုက်ဖြစ်စေ၊ သွယ်ဝိုက်၍ဖြစ်စေ
ထင်ယောင်ထင်မှားဖြစ်အောင်
ဆင်တူယိုးမှား လက်ဝယ်ထားရှိခြင်းများ မပြုလုပ်ကြပါရန်
မီးသဂြိုလ်ရန် အမြန်ဆုံးစာရင်းပေးသွင်းနိုင်ပါသည်
နေအိမ်မှ တစ်ပတ်ရစ်အသက်များ၊ နေထိုင်မှုအယိုအယွင်းများ၊
ရှင်သန်ရေးကိရိယာ အကျိုးအပျက်များ
မွန်းတည့် ၁၂ နာရီတွင် အတူတကွ ကွယ်လွန်ကြပါမည်
သာမန်သေခြင်းများထက် အသံလုံခြင်း
အေးချမ်းမြင့်မြတ်သော ဘုံဘ၀သို့ အတားအဆီးမဲ့ အမြန်ဆုံးရောက်နိုင်ခြင်း
မသေခင်တောင် ၀ လာသလိုပဲ သေပန်းပွင့်လိုက်တာမှ တစ်ပင်လုံးခဲ

ဒီစာသားနဲ့ သင်နဲ့ ဘာတော်စပ်လို့ ဖတ်နေရတာလဲ
သွား၊ သွား၊ ယပ်တောင်သွားကမ်းချေ
များသောအားဖြင့် ဒါမျိုးဟာ ကမ္ဘာလောကကြီးရဲ့ အပြင်မှာပဲဖြစ်တတ်တာ
ထမင်းတစ်ခါပြင်/ အလောင်းတစ်ခါပြင် ဟေ့ဟေ့ အလောင်းရှင်ဘယ်မှာလဲ
လရောင်ပြေးကစား ရင်နှစ်မွှာကြား
ဝါရွှေနားကွပ်နှင်းဆီဆူးပါ တစ်ကိုင်းညှပ်ထား
မျက်နှာဟာ ကောင်းကင်ဆီတမ်းတလို့
မေး ။ ။ နှလုံးရပ်သွားတာကို နှလုံးသားက ဘယ်လိုခံစားရပါသလဲ
ဖြေ ။ ။ မီးမရှိဘဲ မီးခိုးညှော်နံ့ကြီးသက်သက် ရနေသလိုပဲ
မယုံကြည်နိုင်ခြင်းများ၊ အော်ဂလီဆန်ခြင်းများ၊ ကိုယ်ချင်းစာနာခြင်းများ
ကြောက်သွေးစို့ခြင်းများ၊ ဟန်ပါပါ ကခုန်ခြင်းများ
သီးခြားရှင်သန်လမ်းကြောင်းတွေမှာ သီးခြားမောင်းနှင်/ သယ်ဆောင်မှုများ
အဲဒီတုန်းက ၀က်ဆီဖတ်ကြော်ဆိုရင် ကြံတောသုသာန်က အကောင်းဆုံးပဲ
မြေနီကုန်းအဖြူဆိုင်မှာ တစ်ပက်ပြား ၆၀ကြည့်လိုက်ရင် သူရှေ့ဆုံးက
ဘာမှမနက်ရှိုင်းပါဘူး ရှင်ခဲ့တယ် သေသွားတယ် အပေါ်ယံပါပဲ
အသက်ရှူခဲ့တာ ရိုးပါတယ် တကယ့်အရိုးပါပဲ တကယ့်အရိုးခံ
စစ်စစ်ပါပဲ ကွယ်လွန်ခြင်းဟာ
သူကအအေးကြိုက်တယ်လို့ အအေးတိုက်မှာ နည်းနည်းကြာကြာလေး ထားပေးနော်
သင်အပါအ၀င် ရပ်နီးရပ်လယ်ရပ်ဝေးမှ မည်သူမဆိုအပေါင်းအား
ကွယ်လွန်တတ်ကြောင်း သိစေအပ်ပါသည်
သူမသေဆုံးခင် ယုဇနဂါးဒင်းမှာ မင်္ဂလာဆောင်ချင်တယ်လို့များ ပြောခဲ့သလား။

ဇေယျာလင်း
၃၀၊ ဇွန်၊ ၂၀၀၉

Leave a Reply

Your email address will not be published. Required fields are marked *

You may use these HTML tags and attributes:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>