ကျွန်တော်တို့ ဘယ်သွားနေကြသလဲ

ဟာ ခေါင်းစဉ်အဖြစ် တပ်ထားတဲ့အတွက် ခေါင်းစဉ်ဖြစ်တယ်ပေါ့။ တစ်ချိန်တည်းမှာ ရှင်းလင်းချက်တစ်ခု ပေးတော့မယ်ဆိုတဲ့ သဘော လည်း ပါတာပေါ့။ `ကျွန်တော်တို့ ဘယ်သွားနေကြသလဲ´ ဆိုတာကို ရှင်းလင်းတော့မယ့်သဘောပေါ့။ ဒါပေမယ့် ဒီဝါကျဟာ အမေး ၀ါကျလည်း မဖြစ်နိုင်ဘူးလား။ မေးခွန်းမှာ မေးသူ ၊ အမေးခံ ၊ မေးတဲ့အကြောင်းအရာတွေ ပါလာပြီးသားဆိုတော့ မေးသူဟာ `ကျွန်တော် တို့´ ၊ အမေးခံဟာ လောလောဆယ်ပျောက်နေတယ် ၊ မေးတဲ့အကြောင်းအရာက `ဘယ်သွားနေကြသလဲ´။ `ကျွန်တော် တို့´ဟာ ဘယ်သူ့ကို မေးနေတာလဲ။`ကျွန်တော်တို့´ကို`ကျွန်တော်တို့´ကပဲပြန်မေးနေတာလား။ ဒါဆို ၁။ `ကျွန်တော်တို့´ ဘယ်သွား နေကြသလဲဆိုတာကို ကျွန်တော်တို့ကပဲ ပြန်ဖြေနိုင်လိမ့်မယ်နဲ့ ၂။ `ကျွန်တော် တို့´ကပဲမေးတဲ့ အတွက် `ကျွန်တော် တို့´မှာအဖြေ မရှိလို့ (၀ါ)မသိလို့။ အဖြေမရှိ ၊ မသိတဲ့ `ကျွန်တော် တို့´ဟာ အဖြေမရှိ၊ မသိတဲ့ `ကျွန်တော်တို့´ ကိုမေးခွန်းမေးပြီး အဖြေတောင်းနေတယ်။

`ကျွန်တော်တို့´ဆိုတာဘယ်သူတွေလဲ။ အခု ဒီအရေးအသားကို ရက်လုပ်နေတဲ့ ဇေယျာလင်းလား။ လူပုဂ္ဂိုလ် ဇေယျာလင်း လား။ ကလောင်အမည် တစ်ခုလား။ ကမ္ဘာကြီးနဲ့ နေ့စဉ်မပြတ်ဆက်စပ်နေတဲ့ မြန်မာ့လူ့အဖွဲ့အစည်း ၊ မြန်မာ့လူမှုစီးပွားယဉ်ကျေးမှု အဆောက်အအုံထုကြီးထဲက ၊ အဲဒီအဆောက်အအုံထုကြီးက ထုတ်လုပ်လိုက်တဲ့ ဇေယျာလင်းဆိုတဲ့ ယူနစ်တစ်ခုလား။ သမိုင်းခေတ် တစ်ကန့်ထဲက အပေါ်ထပ်အဆောက်အအုံနယ်ပယ်ထဲမှာ လူးလာရင်း လူအဖြစ်တတ်သိသမျှ ၊ တတ်နိုင်သမျှ ၊ အကန့်အသက်များကို အသိအမှတ်ပြုပြီး ကြိုးစားလူလုပ်နေရတဲ့ မိမိကိုယ်မိမိ လူအဖြစ်သိသာပြီး လူဖြစ်ခြင်းအလုပ်ကို အိုးစားမကွဲသေးသရွေ့ ကြိုးစားလုပ် ကိုင် (ပြုမူ ၊ ပြုလုပ် ၊ ဖန်တီး ၊ တည်ဆောက် ၊ ရုန်းကန် ၊ လှုပ်ရှား)နေရတဲ့ သက်ရှိအရာတစ်ခုလား။ သဘာဝအင်အားနဲ့ လူလုပ်အင်အား ရှေ့မှောက်မှာ အလွယ်တကူကျိုးပဲ့ ၊ ကျကွဲ ၊ ပျောက်ကွယ် ၊ သေကြေ ၊ ပျက်ဆီး ၊ ပျောက်ဆုံးသွားနိုင်တဲ့ အင်အားမဲ့ အင်းဆက်တစ် ကောင်လား။

မဟုတ်ဘူး ဆိုပါတော့။ အဲဒီ`ကျွန်တော် တို့´ဟာ ကိုယ်စားပြုနာမ်စားတစ်ခုပဲ ဆိုပါတော့။ ဘာကို ကိုယ်စားပြုသလဲ။ ကိုယ်စားပြုပေးဖို့ အသိအမှတ်ပြုခံထားရလို့ ကိုယ်စားပြုနေတဲ့ နာမ်စားလား။ ကိုယ့်ကိုကိုယ်ပဲ တစ်ခုခုကို ကိုယ်စားပြုလိုက်မယ်လို့ ကိုယ့်ကိုကိုယ်ပဲ တာဝန်ယူ ၊ နေရာယူ ၊ လုပ်ပိုင်ခွင့်ယူပြီး ကိုယ်စားပြုခွင့်ကို ကိုယ့်ကိုကိုယ်ပဲ ရေးသား ၊ အတည်ပြု ၊ လက်မှတ်ထိုး။ တရားဝင်သွားတဲ့ ကိုယ်စားပြုနာမ်စားလား။ ဥပမာ ၊ `ကျွန်တော်တို့´ဟာ ခေတ်ပေါ်ကဗျာကို မကြိုက်တော့တဲ့ လူငယ်တွေဖြစ်ပါတယ်။ `ခေတ်ပေါ်ကဗျာကို မကြိုက်ကြတော့တဲ့ လူငယ်တွေကို ကိုယ်စားပြုပါတယ်´ဟု ပြောင်းဖတ်လို့ရ ၊ မရ။ `ဘယ်လူငယ်တွေ´ လူငယ် ဘယ်နှယောက်ဟာ ခေတ်ပေါ်ကဗျာကို မကြိုက်ကြတော့မှန်း စစ်တမ်းများကောက်ထားခြင်း မရှိသေးသဖြင့် ထိုမသိ ၊ မရှိသေးသော “လူငယ်´ထုကို ကိုယ်ကပဲ ကိုယ်စားပြုလိုက်မယ်´ လို့ အနက်ကောက်လို့ ရ ၊ မရ။ `ကျွန်တော်တို့´ဟာ ကဗျာကို အသက်တမျှ ချစ်ခင်တွယ် ဖက်ပြီး ပြည်သူ့ဘက်က ရဲရဲကြီးချီတက်ရေးဖွဲ့နေကြတဲ့ ကဗျာရေးသူအားလုံးကို ကိုယ်စားပြုဖို့ ဘယ်သူတွေဟာ ဘယ် တုန်းက ကိုယ်စားပြုခွင့်ကို ယုံကြည်စွာ အပ်နှံခြင်းခံထားရတဲ့ `ကျွန်တော် တို့´လဲ။

`ကျွန်တော်တို့´ဆိုတာ `ကျွန်တော်´ တစ်ယောက်တည်းမဟုတ်တဲ့အတွက် `ကျွန်တော် တို့´ထဲမှာ `ကျွန်တော်´တွေအရေ အတွက် ဘယ်လောက်ပါရှိသလဲ။ `ကျွန်တော်တို့´ထဲမှာ `ကျွန်တော်´တွေဘယ်နှယောက် ပါရှိသလဲ။ အဲဒီ `ကျွန်တော်´တွေဟာ ဘယ်လို ဘယ်ပုံဘယ်နည်း ၊ ဘယ်လိုအကြောင်းကြောင်းများရဲ့ အကြောင်းကြောင်းများကြောင့် “ကျွန်တော်တို့´ဖြစ်သွားသလဲ။ `ကျွန်တော်´ တွေကို `ကျွန်တော် တို့´အဖြစ်ကပ်ပေးလိုက်တဲ့ ကော်ဟာ ဘာလဲ။ `ကျွန်တော်´ တစ်ယောက်ချင်းစီရဲ့ `ကျွန်တော်´ ဖြစ်မှုထဲက အစိတ် အပိုင်းအချို့ကို ဖယ်ရှား (ပယ်ဖျောက် ၊ လိုမှ ထုတ်ယူ)ပြီး `ကျွန်တော်တို့´ ဆိုတဲ့ အစုအဝေး တစ်ခုဖြစ်လာအောင် ဘာတွေပေးလှူ ၊ ပေးဆက် ၊ ပေးစပ်လိုက်ကြလို့ `ကျွန်တော် တို့´ဖြစ်သွားကြတာလဲ။ `ကျွန်တော် တို့´ဟာ လက်မောင်းသွေးဖောက် ထားကြတဲ့ သွေးသောက်ညီအကို ရဲဘော်တွေလား ၊ သံမဏိစည်းမျဉ်းစည်းကမ်းထဲမှာ(အောက်မှာ ၊ ဘေးမှာ ၊ အနီးအနားမှာ ၊ တ၀ိုက် မှာ) အလံတော်တစ်ခုအောက် ၀ယ်လို လာရောက်စုစည်းကြတဲ့ အတွေးတူ ၊ အယူတူ (အပေးတူ ???) သူတွေလား ၊ အခြေခံ အယူ အဆတစ်ခုပေါ်မှာသာ တူပြီး လုပ်နည်းကိုင်နည်းနေနည်းထိုင်နည်း လွတ်လပ်ကွဲပြားစွာ လျော့လျော့ရဲရဲ(မဖွဲ့စည်းထားတဲ့) အဖွဲ့လား။ အခြားရှိရင်လည်း ဆက်လက်ချဲ့ထွင်ရေးသားတင်ဆက်ကြပါရန်နှင့် `ကျွန်တော်တို့´လား။

`ကျွန်တော်တို့´ကို `တတွေ´နဲ့ ပေါင်းလိုက်ရင် မူလ `ကျွန်တော်တို့´ ရဲ့ အဓိပ္ပါယ်ရွေ့၊ မရွေ့။ `ကျွန်တော်တို့´တတွေ။

`ကျွန်တော်တို့´လို့ဆိုတော့ `ခင်င်္ဗျားတို့´ ၊ `သူတို့´၊`အခြားတို့´မပါကြတော့ဘူးလား။ သီးခြား အမှတ်တံဆိပ် ကပ်နှိပ်ပြီး တံဆိပ်မပါ ၊ မလာရ ၊ မ၀င်ရ ၊ မဆက်ဆံရ ၊ မရောနှောရ ၊ မကူလူးရ ၊ မပတ်သက်ရ စတဲ့ပိတ်ပင်ချက်တွေနဲ့ ပ ထုတ်လိုက်မှာလား။ ခင်ဗျားဖြစ်ဖြစ် ၊ သူဖြစ်ဖြစ် ၊ အခြားဖြစ်ဖြစ်ဟာ သူ့ကိုယ်သူ`ကျွန်တော်´ပါလို့ပြောလာရင် အဲဒီ `ကျွန်တော်´ဟာ `ကျွန်တော်တို့´ ထဲက`ကျွန်တော်´တွေနဲ့ ဘာကွာခြားသွားသလဲ။ `ကျွန်တော်´ချင်းအတူတူဘယ် `ကျွန်တော်´ကမှ မူလအစစ်အမှန် `ကျွန်တော်´ လဲ။ ကဲ ၊ စာဖတ်သူ ကျွန်တော်တို့ `ကျွန်တော်တို့´ဖြေပေးပါလား ၊ `ကျွန်တော်တို့´ရေ။

`ကျွန်တော်တို့´ဆိုတာဟာ မိမိကိုယ်မိမိ`ကျွန်တော်´ လို့ပြောနိုင်သူ ၊ ပြောတတ်သူ ၊ ပြောချင်သူ ၊ ပြောခွင့်ရှိသူအားလုံးရဲ့ ဘုံအဖွဲ့အစည်းလား။ ဟုတ်ကဲ့ `ကျွန်တော်တို့´ရဲ့ အကျယ်အ၀န်းဟာ ဘယ်လောက်ရှိပါသလဲခင်ဗျာ။ အထူးတင်းကြပ်စွာ ပိတ်ပင်ထား ပါသလား။ အားလုံးနဲ့ ဆိုင်ပြီး အားလုံးပိုင်တဲ့ ဟိုအ၀ှာလား။ `ကျွန်တော်တို့´ရဲ့ သဘောထားကို ကျွန်တော်များအား သိခွင့်ပေးနိုင်ပါသ လားခင်ဗျာ။ `ကျွန်တော်တို့´ကို ကျွန်တော်များ ဘယ်လိုသဘောထားဆက်ဆံရမလဲဆိုတာ အရိပ်အမြွာပြောပြနိုင်ပါသလားခင်ဗျာ။ နောက်ဆုံးမေးခွန်းလေးတစ်ခုပါ။ ကျွန်တော်များရဲ့ အဖွဲ့အစည်းတစ်ခုခုကို `ကျွန်တော်တို့´လို့အမည်တပ်ခွင့်ရှိပါသလားခင်ဗျာ။

ကျွန်တော်တို့ ဘယ်သွားနေကြသလဲ။ ဘယ်သူ့ကို မေးတာလဲ။ အဲဒီအမေးခံရတဲ့ ပုဂ္ဂိုလ်ဟာ `ကျွန်တော်တို့ ဘယ်သွားနေ ကြသလဲ´ဆိုတဲ့ မေးခွန်းကို `အင်းကွဲ့ ၊ မောင်ရင်တို့ သွားနေကြတာဟာ အဲဒီဘက်ပဲ´လို့ပဲ ပြောအားရှိရှိနဲ့ ပြောမှ ပြောမလားပဲ။ `သူများ သိမလားလို့ လိုက်ပါနေကာမှ သူကပဲ ပြန်မေးနေရရှိသေး ၊ ကတည်းမှပဲ´ လို့များ (မြိုသိပ်) ဖြေဆိုမလားပဲ။ `ကျွန်တော်တို့´ ဘယ်သွားနေကြသလဲဆိုတော့ ဘယ်သွားလို့သွားနေမှန်းမသိဘဲ သွားနေကြတာဟာ တစ်ယောက်တည်း မဟုတ်တော့ဘူးပေါ့။ တစ်ယောက်ထက်များတာပေါ့။ အများများလားမသိဘူး။ ပေါ့။ အကယ်၍ အဖြေဟာမရှိသလို( မသိလို့မရှိ ၊ မရှိလို့မသိ ၊ မသိလို့မရှိ ၊ မရှိလို့မသိ) နဲ့ တစ်ခုထက်မက ရှိနေတယ်ဆိုရင်ကော ၊ ဆိုပါစို့။ ဥပမာ ၊ ညောင်ပင်လေးဈေးသို့ ၊ ဆန်ဖရန်စစ္စကိုသို့ ၊ ငုအိမ်ဆိုင်သို့ ၊ ကဗျာသစ်သို့ ၊ ဂြိုလ်ပြာလေးသို့ ၊ အမှန်တရားသို့ ၊ မဇ္စျိမပဋိပဒါသို့ ၊ ကမ္ဘာသစ်သို့ ၊ ရေဝေးသို့ ၊ အမှတ် ၂၁၀ ၊ သိမ်ဖြူလမ်းဟု အမည် တွင်အမည်ပေါက် ခဲ့သော ယခုလောလောဆယ် ဆိုင်းငံ့ကာရံမြေကွက်လပ်၏ တစ်ရံတစ်ခါက စီမံကိန်းတစ်ခုသို့ ၊ သူမရဲ့ တင်ပါးဆုံရိုး တည့်တည့်ပေါ်က ရွေ့နေတဲ့ မှည့်ရှင်လေးသို့ ၊ အနိစ္စသို့ ၊ သတ်မှတ်ထားသောပန်းတိုင်သို့ ၊ မနက်စာ ညစာမကြောင့်မကြရပဲ စိတ်အေး ဖူလုံစွာစားသောက် နေထိုင်လို့ရရာ အရပ်ဆီသို့ ၊ ဘာသာစကားအခြေပြုကဗျာသို့ ၊ မဂ္ဂဇင်းတိုက်သို့ ၊ ဒပ်ဖရင် အမျိုးသမီး မီးဖွားဆောင် သို့ ၊လူနာကုတင်နံပါတ် ၄၂ သို့ ၊ ကဖ္ဖကာ၏ ရဲတိုက်သို့ ၊ ကနောင်မင်းသား၏ ရေမြှုပ်ဗုံးစမ်းသပ်ခဲ့ရာသို့ ၊ ဟိုင်နန်ကျွန်းသို့ ၊ မဲသဝေါသို့၊ အာဘူဂရာ အစ်ဗ်အကျဉ်းစခန်းသို့ ၊ အော်စကာဆုပေးပွဲအခမ်းအနားသို့ ၊ အလောင်းပျောက်သေခြင်းသို့ ၊ ပြည်သူ့ခံစားချက်ရင်ဘတ် ကြီးသို့ ၊ တောင်မြောက်လမ်းဆုံသို့ ၊ အတွေးသစ် အရေးသစ်ဆီသို့ ၊ မျှော်လင့်ချက်များမြစ်ဖျားခံရာသို့ ၊ သ လုံးကြီးတင်တစ်ချောင်း ငင်အောက်ကမြင့်သို့ ၊ ဘုရားသခင်သို့ ၊ မည်သူမျှ တရားဥပဒေအထက်တွင် မရှိစေရသို့ ၊ ဒစ္စနီလဲန်ဒ်သို့ ၊ သရဲရထားသို့ ၊ `က´မှ`အ´ အထိတည်ဆောက်ထားသော အဆောက်အအုံနဲ့ ဘာသာစကားနယ်ပယ်များသို့ ၊ `ပဲပြုတ်နဲ့နံပြားစားချင်တယ်´ သို့ ၊ `အချိန်ရဲ့ သမိုင်း´သို့ ၊ ဟိုက်ဇင်ဘက်သို့ ၊ ချားလ်စ်ဘန်း ၊ ဂါးထရုဒ်နဲ့ ၀စ်ဂင်တို့အစပြုတဲ့ စတိုင်းန်သုံးစတိုင်းန်သို့ ၊ ဆင်မြူလခရာသို့ ၊ ဟိုက်ပါရီရ လတီသို့ ၊ မေတ္တာသုတ်သို့ ၊ ၀ါကျတစ်ကြောင်းတည်းတွင် စကားလုံးတစ်လုံးကိုပဲ အဖွင့်အပိတ်သုံးခြင်းဟုခေါ်ဆိုသည့် အက်ပါနလက်ပ် ဆစ် apanalepsis (ဥပမာ ၊ Live and let Live) သို့ ၊ ဂုဏ်နဲ့အလင်္ကာရ ၊ ၀ါစနာလင်္ကာရများသို့ ၊ ဘူမိနိုင်ငံရေးသိပ္ပံနှင့် ဂေဟဗေဒစနစ် တို့၏ အပြန်အလှန်ဆက်စပ်မှုနိဒါန်းနှင့် နိဂုံးသို့ ၊ ကျေးလက်ကဗျာထဲပျောက်သွားတဲ့ ကျေးလက်သို့ ၊ တစ်တောလုံးပြုန်းတီးပြီးကာမှ `သစ်ပင် မခုတ်ရ´သို့ ၊ အန္ဒြိုမီးဒါးကြယ်စုသို့ ၊ အရိုးအိုးသို့ ၊ အကြမ်းဖက်သမားများတိုက်ခိုက်ချေမှုန်းရေးသို့ ၊ ပထုံပဏီ ထမံသီမှာဖြစ်ခဲ့ တယ်သို့ ၊ . . . သို့ ၊ . . . သို့ ၊ . . . သို့ ၊ . . . သို့ ၊ . . . သို့ ၊ . . . သို့ ၊ . . . သို့ ၊ . . . သို့ ၊ . . .

မှတဖန်`ကျွန်တော်တို့ဘယ်သွားနေကြသလဲ´ထံသို့။ ပြန်ရောက်လာပြီလား။ ချောချောမောမောပဲလား။ လမ်းခရီးမှာ အဖိုးတန်ပစ္စည်း တစ်ခုခုများပျောက်ရှကျန်ခဲ့သလား။ ဧကန်ပြန်ရရှိဖို့ ကျွန်တော်များနဲ့ ဆက်သွယ်ပါ။ ဘယ်က ပြန်လာသလဲ။ မောင်ရေခဲ ၊ မောင်ရေခဲ ၊ ဘယ်သွားနေလဲ မောင်ရေခဲ။
Pussycat, pussycat မောင်ရေခဲ ၊ မောင်ရေခဲ
Where have you been? ဘယ်သွားနေလဲ မောင်ရေခဲ။
I’ve been to London ဘုရားပွဲကို လှည်းနဲ့ဆို
to see the Queen ဘာမြင်ခဲ့လဲ မောင်ရေခဲ။

ကျွန်တော်တို့ဘယ်သွားနေကြသလဲ။
အခု ကျွန်တော်တို့ ဘယ်မှာရှိနေကြသလဲ။
အခုရှိနေတဲ့နေရာကို ကျွန်တော်တို့ဘယ်လိုရောက်ခဲ့သလဲ။
အခုရှိနေတဲ့နေရာမှာ မရှိခင် ကျွန်တော်တို့ဘယ်မှာ ရှိခဲ့သလဲ။
အခုရှိနေတဲ့နေရာမှာကျွန်တော်တို့ ရပ်နေသလား ၊ သွားနေသလား။
အခုရှိနေတဲ့ နေရာဟာ ရပ်နေသလား ၊ သွားနေသလား။
နေရာဆိုတာ အာရုံသိမြင်ပုံမှာကပ်နေတဲ့ ချေးညှော်လား။
ကျွန်တော်တို့ဆိုတာ ကျွန်တော်တို့ချွတ်မရတဲ့ ကျွန်တော်တို့ရဲ့ အကြေးခွံတွေလား။
ကျွန်တော်တို့ဆိုတာ ကျွန်တော်တို့ချွတ်ပစ်ချလိုက်တဲ့ ကျွန်တော်တို့ရဲ့ အကြေးခွံတွေလား။
ကျွန်တော်တို့ဆင်သွားရင်လမ်းဖြစ်ပြီး ကျွန်တော်တို့ ဆင်ကန်းတောတိုးလား။
ဘယ်ကြယ်ဟာ ကျွန်တော်တို့ကို လမ်းပြပြီး ဘယ်အကျဉ်းမှာ ကျွန်တော်တို့ဝပ်ဆင်းနေရသလဲ။
ကျွန်တော်တို့ ဘယ်သွားချင်ကြတာလဲ။
ကျွန်တော်တို့သိလို့သွားနေတာလား ၊ သိသလိုလိုနဲ့လား ၊ လုံးဝမသိပဲနဲ့လား။
ကျွန်တော်တို့ဘယ်မှမသွားဘဲ အခုရှိနေရာမှာ စုံလုံးရပ်နားနေလို့မရဘူးလား။
ကျွန်တော်တို့ စုံလုံးရပ်နားနေကြတာကမှ ပိုမကောင်းဘူးလား။
ကျွန်တော်တို့သွားနေတာ လမ်းရှိလို့လား ၊ လမ်းဖြစ်ပြီလား ၊ လမ်းလွဲလား။
ရှိပြီးသား သိပြီးသားရာသီစက်ဝန်းထဲမှာပဲ ကျွန်တော်တို့တ၀ဲလည်လည်သွားနေတာလား။
သွားရိုးသွားစဉ်သွားလမ်းအတိုင်း သွားရိုးသွားစဉ်သွားနည်းအတိုင်း သွားနေကြတာလား။
ရိက္ခာစုံရဲ့လား ၊ မြေပုံပါရဲ့လား ၊ ရှေးဦးသူနာပြုသေတ္တာလေးပါရဲ့လား ၊ အိမ်မြှောင်ပါလား။
သိမှုကနေ မသိမှုဆီလား ၊ မသိမှုကနေသိမှုဆီလား။
ကြပ်ခိုးမှိုင်းတွေစွဲငြိညစ်ကပ်နေတဲ့ အဓိပ္ပါယ်ဟောင်းတွေနဲ့ပဲ ဆက်သွားနေတာလား။
ကျွန်တော်တို့သွားနေတဲ့နေရာကို ကျွန်တော်တို့ရောက်ခဲ့ရင် အဲဒီနေရာကို မှတ်မိပါ့မလား။
ကျွန်တော်တို့ကို ကျွန်တော်တို့ အဲဒီနေရာမှာ မှတ်မိပါ့မလား။
ကျွန်တော်တို့ဘယ် (မှာ) သွားနေကြ(တာ)လဲ။
ကျွန်တော်တို့ဘယ်(ကို)သွားနေကြ(တာ)လဲ။
ဘာသာစကားထဲကနေ ကျွန်တော်တို့ ဘယ်သွားနေကြသလဲ။
ဘာသာစကားထဲမှာ ကျွန်တော်တို့ ဘယ်သွားနေကြသလဲ။
ကျွန်တော်တို့ ဘယ်သွားနေကြသလဲ။
ကျွန်တော်တို့ ဘယ်သွားနေကြသလဲ။

၎ ၊ ဇန်န၀ါရီ ၂၀၀၈ (လွတ်လပ်ရေးနေ့)

Leave a Reply

Your email address will not be published. Required fields are marked *

You may use these HTML tags and attributes:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>